Marcos 13:7 - CHUYA QELLQA La Biblia en Quechua de Ayacucho 2012

⁷ Guerrakunamanta otaq guerrakuna kananmanta rimayta uyarispaykichikqa amam manchakunkichikchu, chaykunaqa pasakunanpunim, ichaqa manaraqmi kay tiempopa tukupayninraqchu.

Quechua Ayacucho Bible 1987

⁷ —Ichaqa guerrakunamanta otaq guerrakuna kananmanta parlaqta uyarispaykichikqa amam manchakunkichikchu, chaykunaqa sucedekunqam ichaqa manaraqmi kay tiempoqa tukunqaraqchu.

Chuya Qellqa 1992

⁷ Guerrakunamanta otaq guerrakuna kananmanta rimayta uyarispaykichikqa amam manchakunkichikchu, chaykunaqa pasakunanpunim, ichaqa manaraqmi kay tiempopa tukupayninraqchu.

Marcos 13:7 Iomraidhean Croise

2~Samuel 14:14

Lliwpas wañuqllam kanchik, pampaman yaku tallisqa hina waspiruqllam kanchik. Nitaqmi Diospas runapa vidantaqa qechunchu, aswanqa qarqosqa runa payman kutirikamunanpaqmi tukuy imata ruwaspan yanapan.

Proverbios 3:25

Qonqaymanta hamuq sasachakuykunatapas manam manchakunkichu, mana allin runakunaman hamuq sasachakuytapas manam manchakunkichu,

Isaías 8:12

Kay runakunaqa “kamachikuqpa contranpim hoqarikuchkanku” nisqankutaqa amayá “kamachikuqpa contranpi hoqarikuymi” niychikchu. Paykunapa manchakusqantaqa ama manchakuychikchu.

Jeremías 51:46

Kay nacionpi rimaykuna kaptinqa ama hukmanyaychikchu nitaq manchakuychikchu. Sapa watam hukta-hukta rimanqaku, kay nacionpi ñakariy kananmantam rimanqaku, kamachikuqpuram peleanqaku.

Mateo 18:7

¡Mayna llakikuypaqmi runata kay pachapi imapas huchallichiq kaqkunaqa! Chaykunaqa kanqapunim, ichaqa ¡imaynaraq kanqa runamasinta huchaman tanqaq runaqa!

Mateo 2:3

Chayta yacharuspankum rey Herodeswan Jerusalenpi yachaqkuna llumpayta hukmanyarurqaku.

Marcos 13:6

Achkaqmi ñoqapa sutiypi hamunqaku: “Ñoqam Cristo kani” nispanku; chaynata rimaspankum achkaqta pantachinqaku.

Marcos 13:8

Huk nacionmi huk nacionpa contranpi hatarinqa, huk reymi huk reypa contranpi hatarinqa; terremotokunapas kaypi chaypim kanqa, muchuykunapas kanqam. Chaywanpas kaykunaqa ñakariykunapa qallariyllanraqmi.

Juan 14:1

Amayá songoykichikqa hukmanyachunchu. Diospiyá creeychik, creeychiktaqyá ñoqapipas.

Juan 14:27

Hawkayaytam saqekichik, hawkayayniytam qoykichik, kay hawkayay qosqayqa manam runakunapa qosqan hinachu. Amayá hukmanyaychikchu nitaq manchakuychikpaschu.

Hechos 17:3

Qellqaman hina qawachispanmi yachachirqa Cristopa ñakarinanmantawan wañukuspan kawsarimunanmanta. Paykunatam nirqa: Qamkunaman kay willasqay Jesusqa salvaqninchik Cristopunim, nispa.