Marcos 13:34 - CHUYA QELLQA La Biblia en Quechua de Ayacucho 2012

³⁴ Nisqayqa rikchakun, imaynam huk runa karuman illananpaq serviqninkunaman nanachikunankupaq wasinta saqeykuqmanmi, paymi sapakamaman imam ruwanankupaq saqerqa. Punku cuidaqtapas rikchan-rikchanlla kananpaqmi kamachirqa.

Quechua Ayacucho Bible 1987

³⁴ Huk runa karuman illaruq hinam kanqa. Manaraq illaruchkaspanmi runankunata kamachin wasinmanta nanachikunanpaq hinaspam sapakamaman imam rurananta qon. Punkupi cuidaqtapas kamachinmi rikchan-rikchanlla kananpaq.

Chuya Qellqa 1992

³⁴ Nisqayqa rikchakun, imaynam huk runa karuman illananpaq serviqninkunaman nanachikunankupaq wasinta saqeykuqmanmi, paymi sapakamaman imam ruwanankupaq saqerqa. Punku cuidaqtapas rikchan-rikchanlla kananpaqmi kamachirqa.

Marcos 13:34 Iomraidhean Croise

Mateo 16:19

Diospa munaychakuyninpa llavenkunatam qos-qayki; kay pachapi watasqaykim hanaq pachapipas watasqa kanqa, kay pachapi paskasqaykiñataqmi hanaq pachapipas paskasqa kanqa, nispa.

Juan 10:3

Punku nanachikuqpas yaykunanpaqmi punkuta kichaykun, ovejakunapas qayakuynintam uyarinku; payqa ovejakunatapas sutinmantakama qayaspanmi corralninmanta hawaman hurqon.

Romanos 13:6

Chayraykum impuestotapas pagankichik, kamachikuqkunaqa sapa punchawmi Diosta servispanku llamkachkanku.

1~Corintios 15:58

Chaynaqa, kuyasqay wawqe-pani-llaykuna, qaqa hina sayaspayá Señorpa llamkayninpi aswan llamkaychik. Qamkunaqa yachankichikmi Señorpaq llamkasqaykichikqa manam yanqapaqchu kanqa.

Colosenses 3:24

Yachasqaykichikpi hinapas Señorninchikmantam tupasuqnikichik herenciataqa chaskinkichik. Qamkunaqa Señorninchik Cristotam servichkankichik.

Colosenses 4:1

Patronkuna, qamkunapas esclavoykichikmanyá imam kaqta qopuychik, yachasqaykichikpi hinapas qamkunapapas hanaq pachapim kamachiqnikichik kachkan.

Apocalipsis 3:7

Filadelfia llaqtapi iglesiapa angelninman kaynata qellqay: Chuya kaqmi, Cheqap kaqmi, Davidpa llaven hatalliqmi chaynataq kichaptiyqa manam pipas wichqanmanchu, wichqaptiyqa manam pipas kichanmanchu niqmi, kaynata nin: