Marcos 12:7 - CHUYA QELLQA La Biblia en Quechua de Ayacucho 2012

⁷ Ichaqa chay llamkaqkunam ninakurqaku: “Paymi herencia chas-kiqqa, ñoqanchikña chakrawan qepakunanchikpaq wañurachisunchik”, nispanku.

Quechua Ayacucho Bible 1987

⁷ Ichaqa llamkaqkunam payta rikuruspanku ninakurqaku: “Paymi chaskinqa herenciataqa, paytaqa wañurachisunya ñoqanchikña dueño kananchikpaq” nispa.

Chuya Qellqa 1992

⁷ Ichaqa chay llamkaqkunam ninakurqaku: “Paymi herencia chaskiqqa, ñoqanchikña chakrawan qepakunanchikpaq wañurachisunchik”, nispanku.

Marcos 12:7 Iomraidhean Croise

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Génesis 37:20

Kunanyá wañurachispa huk pozoman wischuykusunchik hinaspa nisunchik: “Ima purun animalchá mikururqa”, nispanchik. Chaynapim mosqoyninkunamanta yachasunchik, nispanku.

Isaías 49:7

Israelta libraq Tayta Diosmi nin, Israelpa chuya Diosninmi nin, wakin runakunapa usuchisqan runata, nacionkunapa cheqnisqan runata, kamachikuqkunapa serviqninmanmi nin: Reykunawan kamachikuqkunam qawasuspayki sayarispanku qayllaykipi kumuykunqaku. Chaynataqa ruwanqaku Israelpa ñoqa Tayta Diosnin akllaqniki kasqayraykum.

Mateo 2:16

Herodesmi chay yachayniyuqkunapa engañarusqanwan llumpayta piñakururqa, hinaspam kamachikurqa Belén llaqtapi chaynataq muyuriqnin llaqtakunapi kaq qari wawakuna, iskay watayuqmanta urayman wañuchisqa kananpaq. Chaytaqa ruwarqa yachayniyuqkunapa willakusqan tiempopa nisqanman hinam.

Mateo 21:34

Cosecha tiempo chayaramuptinmi chay arriendaqninkunamanta tupaqninta mañamunankupaq serviqninkunata kacharqa.

Marcos 12:12

Hinaptinmi tapuqninkuna musyakururqaku Jesuspa rikchanachiy rimasqanqa paykunapa contranpi kasqanta, chaymi hapiruyta munarqaku; ichaqa llapa runakunata manchakuspankum mana ima ruwayta atispa pasakurqaku.

Marcos 12:6

Chaynapim kuyasqan sapallan churillanña puchururqa, hinaptinmi paytaña kacharqa: “Churiytaqa respetanqakum” nispan.

Marcos 12:8

Chaymi hapiruspanku wañurachirqaku, hinaspam cuerpontapas chakramanta hawa lawman wischururqaku.

Hechos 2:23

Diosqa ñawpaqmantaraq yachasqanman hinam hinaspa munasqanman hinam Jesusta qamkunapa makikichikman churaykurqa. Qamkunam payta presocharurqankichik, hinaspam mana allin runakunawan chakatachispa wañurachirqankichik.

Hechos 5:28

Ñoqaykuqa chunkay-chunkaytam kamachirqaykikuña chay Jesusmantaqa amaña yachachinaykichikpaq. Ichaqa Jerusalenpi lliw runakunaman yachachispaykichikmi, Jesuspa wañusqanmanta ñoqaykuta tumpawankiku, nispanku.

Hechos 7:52

¿Mayqan profetatataq ñawpaq taytaykichikkuna mana qatikacharqakuchu? Diospa Churin hamunanmanta willakuqkunatapas wañuchirqakum. Paytam traicionaspaykichik qamkuna wañuchirqankichik.

Hebreos 1:2

Kay tukupay punchawkunapiñataqmi Chu-rintakamaña rimapayawarqanchik. Pay-tam Dios churarqa tukuy ima herencia chaskiq kananpaq. Paywantaqmi hanaq pachatawan kay pachatapas unancharqa.