Marcos 12:14 - CHUYA QELLQA La Biblia en Quechua de Ayacucho 2012

¹⁴ Chaymi hamuruspanku Jesusta nirqaku: Yachachikuq, yachanikum qamqa cheqap rimaq kasqaykita, qamqa manam pimanpas sayapakunkichu, nitaqmi runatapas hawallantachu qawanki, aswanqa cheqap kaqwanmi Diospa ñanninmanta yachachinki. ¿Allinchu rey Cesarman impuesto pagay icha manachu? ¿Pagasaqkuchu icha manachu? nispanku.

Quechua Ayacucho Bible 1987

¹⁴ Paykuna hamuspankum Jesusta nirqaku: —Yachachikuq, yachanikum qamqa runakunata mana manchakuspayki cheqap rimasqaykita. Qamqariki manam runapa hawallantachu qawanki, cheqaptam yachachinki Diospa munasqanman hina kawsananchikpaq. ¿Allinchu Rey Cesarman impuesto pagay icha manachu? ¿Pagachwanchu icha manachu? —nispa.

Chuya Qellqa 1992

¹⁴ Chaymi hamuruspanku Jesusta nirqaku: Yachachikuq, yachanikum qamqa cheqap rimaq kasqaykita, qamqa manam pimanpas sayapakunkichu, nitaqmi runatapas hawallantachu qawanki, aswanqa cheqap kaqwanmi Diospa ñanninmanta yachachinki. ¿Allinchu rey Cesarman impuesto pagay icha manachu? ¿Pagasaqkuchu icha manachu? nispanku.

Marcos 12:14 Iomraidhean Croise

2~Crónicas 18:13

Micaiasñataqmi nirqa: Kawsaq Tayta Diosraykum jurani, ñoqaqa Diosniypa imam niwasqallantam rimasaq, nispa.

2~Crónicas 19:7

Chaynaqa, Tayta Diosta kasukuspaykichikyá allinta ruwaychik, Tayta Diosqa manam munanchu mana allin ruwaq kanaykichiktaqa, nitaq pimanpas sayapakuspa soborno chaskinaykichiktapas, nispa.

Nehemías 9:37

Allpapa achkallaña rurunkunapas reykunapañam rikurirun, huchaykuraykum paykunaña ñoqaykumantapas munaychakuchkanku, ñoqaykupipas chaynataq animalniykupipas paykunañam munasqankuta ruwachkanku; chayraykum hatun ñakariypi kachkaniku, nispanku.

Jeremías 42:20

Qamkunaqa kikillaykichikmi pantachkankichik. Kiki-kichikmi mañawarqankichik: “Yupay-chasqanchik Tayta Diosta ñoqaykupaq mañakuy hinaspa imam nisqanta ruwanaykupaq willawayku”, nispaqa.

Miqueas 3:8

Ñoqam ichaqa Tayta Diospa Espiritunwan, allin ruwayninwan, chaynataq atiyninwan huntasqa kachkani, Jacobpa mana kasukuyninta qawachinaypaq, Israelta huchanmanta qaqchanaypaq.

Mateo 22:16

Hinaspam paykunamanta kaq fari-seokunatawan Herodespa qatiqninkunata kacharqaku Jesusta kaynata nimunankupaq: Yachachikuq, qamqa cheqap rimaq kasqaykitam yachaniku, yachanikutaqmi runakunapa rimasqanwan mana apachikuspa Diospa munasqanman hina cheqap kawsakuyta yachachisqaykitapas, qamqa manam runakunapa hawallantachu qawanki.

Mateo 22:17

Chaynaqa, niykuwaykuyá, ¿allinchu Cesarman impuesto pagay, icha manachu? nispanku.

Marcos 12:13

Jesusmanmi kachamurqaku wakin fariseokunatawan Herodespa wakin qatiqninkunata, imapas rimasqanpi pantarachispanku chaywan acusanankupaq.

Marcos 12:15

Jesusñataqmi paykunapa iskay uya kasqankuta yachaspan nirqa: ¿Imanasqataq pantachiwaypi rinkichik? Qollqeta apamuwaychik qawanaypaq, nispa.

Marcos 14:45

Chaymi Judasqa Jesusman asuykuspan nirqa: Yachachikuq, nispa. Chaynata niykuspanmi muchaykurqa.

Lucas 20:22

Niykuwaykuyá: ¿Allinchu rey Cesarman impuesto pagayninchik icha manachu? nispanku.

Lucas 23:2

Hinaspankum Jesusta acusaspa nirqaku: Kay runatam tariramuniku nacionniykupi chaqwa hatarichichkaqta, hinaspanmi “ñoqam Reypas, Cristopas kani” nispan Cesarman impuesto paganaykutapas harkakuchkan, nispanku.

Juan 7:18

Pipas kikillanmanta rimaqqa kikin alabasqa kayllatam maskan, pipas kachamuqnin alabasqa kananta maskaqmi ichaqa cheqapta riman, paypiqa manam pantayqa kanchu.

Romanos 13:6

Chayraykum impuestotapas pagankichik, kamachikuqkunaqa sapa punchawmi Diosta servispanku llamkachkanku.

2~Corintios 2:17

Ñoqaykuqa manam wakinkuna hinachu Diospa palabran willakusqaykuwan negociota ruwaniku. Aswanqa Cristopi kaspam cheqapta rimaniku Diospa qayllanpi hinaspa paypa kachasqankuna hina.

2~Corintios 2:2

Qamkunata llakirachiptiyqa, ¿pitaq ñoqataqa kusichiwanman? Llakichisqaykunallam kusichiqniyqa kankichik.

2~Corintios 4:1

Chaynaqa, manam hukmanyanikuchu, Diosmi kuyakuyninman hina kay llamkaytaqa qowarqaku.

2~Corintios 5:11

Chaymi Señorqa kasukuna kasqanta yachasqaykurayku runakunata iñichiypi riniku. Ichaqa Diosmi yachan imaynam kasqaykutapas, chaymi qam-kunapas reqsiwanaykikuta munach-kaniku.

2~Corintios 5:16

Kunanmantaqa manam pimantapas aychaman hinañachu piensaniku, ñawpaqtam ichaqa Cristomantapas aychaman hinalla piensarqaniku, kunanqa manañam chaynatachu piensaniku.

Gálatas 1:10

Kaynata nispayqa, ¿runakunapa allinpaq hapisqan kaytachu maskani, icha Diospa allinpaq hapiwanantachu? Sichum runakunapa allin hapiwanallanta munayman, hinaspayqa manañam Jesucristopa serviqninñachu kayman.

Gálatas 2:6

Ichaqa allin reqsisqapaq hapisqanku kamachikuqkunapas manam ima musoq yachachikuytapas niwarqakuchu. Llumpay reqsisqa kasqankupas ñoqapaqqa manam imananchu. Diosqa manam pimanpas sayapakunchu.

Deuteronomio 16:19

Allin arreglo ruwaytaqa amam qewirunkichikchu. Wakin runakunallamanqa amataqmi imaraykupas sayapakunkichikchu. Juez kaspaykichikqa amam sobornotaqa chaskikunkichikchu. Sobornoqa yachayniyuqkunatapas ñawsayachinmi, pantachintaqmi allin ruwaqkunapa rimaynintapas.

1~Tesalonicenses 2:4

Chaynapim Diosqa allinpaq chaskiwaspanku allin noticiata willakunaykupaq churawarqaku, chaymi willakuchkaniku. Manam runakunapa munasqan ruwaytachu munachkaniku, aswanqa Diospa munasqantam, paymi sonqoyku pruebaqqa.