Marcos 10:30 - CHUYA QELLQA La Biblia en Quechua de Ayacucho 2012

³⁰ qatikachasqa kaspapas, kay tiempollapiraqmi pachak kuti masta chaskinqa wasikunata, wawqenta, paninta, turi-ñañanta, taytanta, mamanta, churinkunata hinaspa chakrankunatapas; hamuq tiempopiñataqmi wiñay kawsayta chaskinqa.

Quechua Ayacucho Bible 1987

³⁰ hinaspaqa chaskinqam kay tiempopi pachak kuti masta wasikunata, wawqekunata, panikunata, turi-ñañakunata, tayta-mamakunata, churikunata hinaspa chakrakunata, chaskinqamá cheqnisqaña kaspapas, hamuq tiempopiñataqmi wiñaypaq kawsanqa.

Chuya Qellqa 1992

³⁰ qatikachasqa kaspapas, kay tiempollapiraqmi pachak kuti masta chaskinqa chaynataqmi wasikunata, wawqenta, paninta, turi-ñañanta, taytanta, mamanta, churinkunata hinaspa chakrankunatapas; hamuq tiempopiñataqmi wiñay kawsayta chaskinqa.

Marcos 10:30 Iomraidhean Croise

2~Crónicas 25:9

Hinaptinmi Diospa profetanta Amasías tapurqa: ¿Imatataq ruwasaq Israel nacionniyuq tropakunapaq kimsa waranqa kimsa pachaknin kilo qollqe qosqaymantaqa? nispa. Diospa profetanñataqmi nirqa: Tayta Diosmi chaymantaqa aswan masta kutichipusunki, nispa.

Proverbios 16:16

Qorimantapas aswan allinqa yachayta tariymi, qollqemantapas aswan allinqa yachayniyuq kaymi.

Malaquías 3:10

Chaynaqa, llapa diezmokunata temployman apamuychik, wasiypi mikuy ama pisinanpaq. Chaywan pruebaykuwaychik, manachus cielokunapa ventananta kichaykuspay bendicionniyta llimparinankama chaqchurimusqaykichik.

Mateo 12:32

Pipas runapa Churinpa contraypi rimaqqa pampachasqam kanqa, Chuya Espiritupa contranpi rimaqmi ichaqa mana pampachasqachu kanqa, kay tiempopipas nitaq hamuq tiempopipas.

Mateo 13:8

Wakinñataqmi allin allpaman wichisqanrayku wiñaruspan huk muhullamanta pachakta, soqta chunkata hinaspa kimsa chunkata rururqa.

Mateo 6:33

Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

Lucas 18:30

kay pachapim aswantaraq chaskinqa, hamuq kawsaypiñataqmi wiñay kawsayta chaskinqa, nispa.

Juan 10:23

Jesusmi Salomonpa portalninpi purichkarqa.

Hechos 14:22

Chay llaqtakunapim Jesucristoman iñikuqkunata imam creesqankupi qaqa hina sayanankupaq kallpancharqaku: Diospa munaychakuyninman yaykuqqa achka sasachakuytam ñakarinan, nispanku.

Hechos 16:25

Pablowan Silasmi yaqa chawpi tutata, Diosta mañakuspanku himnokunata takikurqaku, hinaptinmi wakin presokunapas uyarirqaku.

Hechos 5:41

Chaymi apostolkuna llumpay kusisqallaña juzgaqninkunapa qayllanmanta lloqsirqaku, Jesucristorayku ñakarinankupaq Diospa akllasqa kasqankumanta.

Romanos 5:3

Chaynataqmi ñakariykunapipas kusikunchik, ñakariykunaqa pacienciakuytam yachachiwanchik,

Romanos 6:23

Huchapa pagonqa wañuymi, Diospa qowasqanchikmi ichaqa Señor-ninchik Jesucristowan kuska wiñaypaq kawsakuy.

2~Corintios 6:10

Llakisqallaña kaspapas llumpay kusisqam kaniku, wakcha kaspapas achkaqtam apuyachiniku, mana imayuq kachkaptiykupas tukuy imaykum kapuwachkanku.

Filipenses 3:8

Manataqmi chayllachu, aswanqa Señor Jesucristota reqsinayraykum tukuy imata mana valeqpaqña hapini, pay kuyasqayraykutaqmi tukuy imatapas wischuruniña, hinaspam qopata hinaña hapini chaynapi Cristota chaskinaypaq,

2~Tesalonicenses 2:16

Kuyawaspanchik wiñay consuelo qowaqninchik hinaspa kuyakuywan suyakuy qowaqninchik, Señorninchik Jesucristowan Dios Taytanchikyá,

1~Timoteo 4:8

Cuerponchikwan ejercicio ruwayqa asllatam yanapawanchik, Diospa munasqan kaqkuna ruwaymi ichaqa lliwpi allinpaq yanapawanchik, kayqa kunan kawsaypipas hinaspa hamuq kawsaypipas allinninchikpaqmi.

1~Timoteo 6:6

Dios serviyqa qori-qollqe tariruy hinam, sichum imapas kapuqninwan contentakuptinqa.

Santiago 1:12

Mayna kusisqam sasachakuykuna hamuptin pacienciakuq runaqa. Payqa chay sasachakuykunata venceruspanmi wiñay kawsay coronata chaskinqa. Chaytam Dios prometekurqa haykam kuyaqninkunaman qonanpaq.

Santiago 5:11

Ñoqanchikqa ñakarispa pacienciakuqkunataqa kusi-kuyniyuqpaqmi hapinchik. Uyarirqan-kichikmi Job sutiyuq runapa pacien-cianmanta, yachankichiktaqmi ñaka-riyninkuna tukuruptin Señorqa paywan imam ruwasqanmantapas, Señorqa kuyapayakuqmi hinaspa llakipayakuqmi.

1~Juan 2:25

Cristopa prometewasqanchikqa wiñay kawsaymi.

1~Juan 3:1

Qawariychik, mayna-maynatam Dios Taytaqa kuyawanchik, Diospa churinwan sutichasqa kananchikpaq. Chayraykum kay pachapi runakunaqa mana reqsiwanchikchu, Diosta mana reqsisqankurayku.

Apocalipsis 2:9

Ñoqaqa yachanim ruwasqaykikunatawan ñakarisqaykita hinaspa wakcha kaynikitapas, Diospaqmi ichaqa apu kachkanki. Yachanitaqmi judiom kani niqkunapa kamisusqaykitapas, paykunaqa manam judiochu aswanqa Satanaspa sinagoganmi.

Apocalipsis 3:18

Chaynaqa, ñoqam consejayki ninapi chuyanchasqa qorita rantiwaspayki cheqapta apu kanaykipaq, yuraq pachatapas rantiway penqaynikita tapakunaykipaq, rantiwaytaqyá coliriotapas ñawikiman sutuchispa allinta qawakunaykipaq.