Marcos 10:24 - CHUYA QELLQA La Biblia en Quechua de Ayacucho 2012

²⁴ Chaymi discipulonkuna kayta uyariruspanku admirakurqaku. Jesusmi ichaqa paykunata nirqa: Churillaykuna, ¡mayna sasam Diospa munaychakuyninman yaykuyqa!

Quechua Ayacucho Bible 1987

²⁴ Discipulonkunam kayta uyariruspanku admirakurqaku. Chaymi Jesus huktawan nirqa: —Kuyasqay qarikuna ¡mayna-mayna sasatam qori-qollqenkupi hapipakuq runakunaqa Diospa munaychakusqanman yaykunqaku!

Chuya Qellqa 1992

²⁴ Chaymi discipulonkuna kayta uyariruspanku admirakurqaku. Jesusmi ichaqa paykunata nirqa: Churillaykuna ¡mayna sasam Diospa munaychakuyninman yaykuyqa!

Marcos 10:24 Iomraidhean Croise

Proverbios 11:28

Kapuqninkunapi hapipakuq runaqa chakisqa rapi hinam wichirunqa, allin kawsakuq runam ichaqa musoq rapi hinaraq ikllirinqa.

Proverbios 18:11

Apuqa tukuy ima kapuqnintam alto perqakunawan cercosqa llaqtata hina qawan.

Proverbios 23:5

Allinta qawariptikiqa mana kaqllam rikurirun; raprayuqpas kanman hinam ankapa pawakusqanta hina pawarun. -8-

Jeremías 9:23

Tayta Diosmi kaynata nin: Yachaysapapas, amayá yachaysapa kayninmantaqa alabakuchunchu, allin qaripas, amayá allinnin qari-qari kayninmantaqa alabakuchunchu, apupas, amayá apu kayninmantaqa alabakuchunchu.

Habacuc 2:9

Suwakuspalla wasinta huntachikuq runa, mana allinmanta ayqenanpaq alto-altopi qesanta ruwakuruq runa, ¡imallapiraq rikukunki!

Sofonías 1:18

Tayta Diospa piñakuynin punchawmantaqa manam qori-qollqenpas libranqachu, Tayta Diospa piñakuynin nina hinaraq rupaptinmi, ñawi qemchiykuyllata kay pachapi llapallan runakuna puchukachisqa kanqaku.

Mateo 19:25

Chayta uyariykuspankum discipulonkuna aswanraq admiraykuspa nirqaku: ¿Hinaptinqa pitaq salvakuyta atinman? nispanku.

Marcos 1:27

Llapa runakunañataqmi admirakuspa ninakurqaku: ¿Imataq kayqa? ¿Ima yachachikuytaq kayqa atiywan kamachiptin demoniokunapas kasunanpaqqa? nispanku.

Marcos 10:23

Jesusñataqmi muyuriqninpi runakunata qawarispan discipulonkunata nirqa: Mayna sasatam apu runakunaqa Diospa munaychakuyninmanqa yaykunqaku, nispa.

Lucas 16:14

Tukuy chaykunatam qollqella kuyaq fariseokunapas uyarirqaku, hinaspam Jesusmanta burlakurqaku.

Juan 13:33

Churillaykuna, manam unayñachu qamkunawanqa kasaq, chaymi maskawankichik. Imaynam judiokunaman nisqayta hinallam qamkunatapas nikichik: Ñoqapa risqaytaqa qamkunaqa manam riyta atiwaqchikchu, nispa.

Juan 21:5

Jesusmi nirqa: Qarikuna, ¿manachu challwa hapisqaykichik kan? nispa. Paykunañataqmi nirqaku: Manam kanchu, nispanku.

Juan 6:60

Chayta uyariykuspankum qatiqninkunamanta achkaq nirqaku: Kay nisqankunaqa mana aguantay atinam. ¿Pitaq kayta chaskinman? nispanku.

Gálatas 4:19

Churillaykuna, huktawanmi qamkunamanta wachakuq warmi hina ñakarichkani. Chaynachiki ñakarisaq Cristoman rikchakuq kanaykichikkama.

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.

1~Juan 2:1

Kuyasqay churillaykuna, mana huchallikunaykichikpaqmi kaykunata qellqamuykichik. Sichum pipas huchallikuruptinqa Dios Taytanchikpa qayllanpi rimarinanpaqmi abogadonchik Jesucristo kapuwachkanchik.

1~Juan 4:4

Churillaykuna, qamkunaqa Diospam kankichik, llullakuqkunataqa ñam vencerunkichikña; qamkunawan kaq Diosninchik kay pachapi munaychakuq supaymantaqa aswan atiyniyuq kasqanrayku.

1~Juan 5:21

Churillaykuna, idolokunamantaqa karun-chakuychikyá. Amén.

Apocalipsis 3:17

Qanmi ninki: “Apum kani, apuyarunim, manam imatapas munaniñachu” nispayki, ichaqa manam musyakunkichu llakipayaypaq mana imayuq kasqaykita, wakcha, ñawsa hinaspa qalalla kasqaykitapas.