Marcos 10:2 - CHUYA QELLQA La Biblia en Quechua de Ayacucho 2012

² Fariseokunañataqmi Jesusman asuykuspanku imawanpas wichichiyta munaspanku tapurqaku: ¿Allinchu pipas casado kachkaspa warminmanta rakikuruynin kanman? nispanku.

Quechua Ayacucho Bible 1987

² Chaymi wakin *f**fariseokuna Jesusman asuykurqaku tapukuykunawan pantarachinankupaq, paykunam tapurqaku: —¿Diosqa leyninpi permitinchu casado runa warminmanta rakikunanta? —nispa.

Chuya Qellqa 1992

² Fariseokunañataqmi Jesusman asuykuspanku imawanpas wichichiyta munaspanku tapurqaku: ¿Allinchu pipas casado kachkaspa warminmanta rakikuruynin kanman? nispanku.

Marcos 10:2 Iomraidhean Croise

Malaquías 2:16

Israelpa yupaychasqan Tukuy Atiyniyuq Tayta Diosmi kaynata nin: Ñoqaqa cheqninim rakinakuytaqa, cheqninim millakuypaq huchata ruwaspa warminta ñakarichiq runatapas. Chaynaqa, cuerpoykichikta waqaychaspayá jovenllaraq kachkaspa akllakusqaykichik warmikichiktaqa ama traicionaychikchu, nispa.

Mateo 15:12

Chaymi discipulonkuna Jesusman asuykuspa nirqaku: ¿Yachankichum nisqaykiwan fariseokuna piñakurusqanta? nispanku.

Mateo 16:1

Fariseokunawan saduceokunam tentanankupaq Jesusman asuy-kurqaku, hinaspam Diosmanta hamus-qanta yachanankupaq huk milagrota ruwananpaq mañakurqaku.

Mateo 19:3

Wakin fariseokunam Jesusman asuy-kuspa, imawanpas wichirachiyta munaspanku tapurqaku: ¿Yaqachu pipas casado kachkaspa imallamantapas warminmanta rakikurunman? nispanku.

Mateo 22:35

Hinaptinmi paykunamanta huknin kaq, Diospa leynin yachaq runa, imaynapas wichirachiyta munaspan Jesusta tapurqa:

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

Mateo 9:34

Fariseokunam ichaqa nirqaku: Kay runaqa demoniokunata qarqon demoniokunapa kamachiqninpa atiyninwanmi, nispanku.

Marcos 10:1

Jesusmi Capernaúm llaqtamanta lloqsispan Judea lawman hinaspa Jordán mayupa waklawninman rirqa. Chaymi llapa runakuna huktawan huñunakaramuptin imaynam puntakunata hina yachachirqa.

Marcos 10:3

Jesusñataqmi tapurqa: ¿Imatataq Moisés kamachisurqankichik? nispa.

Marcos 8:11

Fariseokunam hamuspanku Jesuswan atipanakuyta qallaykurqaku, hinaspam wichichiyta munaspanku mañarqaku huk milagrota ruwaspa Diosmanta hamusqanta qawachinanpaq.

Marcos 8:15

Jesusmi discipulonkunata nirqa: Fariseokunapa hinaspa Herodespa levaduranmantayá waqaychakuychik, nispa.

Lucas 11:39

Chaymi Jesusñataq nirqa: Yaw fariseokuna, qamkunaqa vasotawan platotapas hawallantam mayllankichik, ukuykichikmi ichaqa suwakuywan hinaspa mana allin ruwaywan huntasqa kachkan.

Lucas 16:14

Tukuy chaykunatam qollqella kuyaq fariseokunapas uyarirqaku, hinaspam Jesusmanta burlakurqaku.

Lucas 5:30

Chaymi Diospa leynin yachachiqkunawan fariseokunañataq Jesuspa discipulonkunapa contranpi rimaspanku nirqaku: ¿Imanasqataq qamkunaqa impuesto cobraqkunawan hinaspa huchasapakunawan kuska mikuspa upyachkankichik? nispanku.

Lucas 6:7

Diospa leynin yachachiqkunawan fariseokunañataqmi Jesusta qawarqaku samana punchawpi pitapas sanoyarachiptinqa chaywan acusanankupaq.

Lucas 7:30

Fariseokunawan Diospa leynin yachachiqkunam ichaqa mana Juanwan bautizachikurqakuchu, chaynatam paykunapaq Diospa imam munasqanta wischupakurqaku.

Juan 11:47

Hinaptinmi sacerdotekunapa kamachiqninkunawan fariseokuna cortepi huñunakurqaku, hinaspam nirqaku: ¿Imatataq ruwasun? Kay runaqa achkatañam milagrokunata ruwarun.

Juan 11:57

Sacerdotekunapa kamachiqninkunawan fariseokunam kamachirqaku: Pipas Jesuspa maypim kasqanta yachaspankuqa willakamuchunkuyá presochamunaykupaq, nispanku.

Juan 7:32

Llapa fariseokunam Jesusmanta runakunapa rimasqanta yacharuspanku sacerdotekunapa kamachiqninkunapiwan tanteanakuruspanku guardiakunata kacharqaku Jesusta presochamunankupaq.

Juan 7:48

¿Yaqachu fariseokunamanta hinaspa kamachikuqkunamanta mayqanninkupas chay runapi iñirqaku?

Juan 8:6

Chaynataqa nirqaku Jesusta pantarachispa chaykunawan acusanankupaqmi. Jesusmi ichaqa kurkuykuspan dedonwan allpapi qellqarqa.

1~Corintios 10:9

Amataqyá Señortapas tentasunchu, imaynam paykunamanta wakiqninkupa tentasqanta hinaqa, chaynapim paykunamanta kaqkunaqa wakiqninku maqta urupa kachusqan wañururqaku.