Marcos 1:40 - CHUYA QELLQA La Biblia en Quechua de Ayacucho 2012

⁴⁰ Leprawan onqoq runam Jesuspa qayllanpi qonqorakuykuspan nirqa: Munaspaykiqa kay onqoyniymantayá sanoyaykachillaway, nispan.

Quechua Ayacucho Bible 1987

⁴⁰ *f**Leprawan onqoq runam Jesusman asuykuspan qonqorakuykuspa nirqa: —Munaspaykiqa allinyaykachillawayá —nispa.

Chuya Qellqa 1992

⁴⁰ Leprawan onqoq runam Jesuspa qayllanpi qonqorakuykuspan nirqa: Munaspaykiqa kay onqoyniymantayá sanoyaykachillaway, nispan.

Marcos 1:40 Iomraidhean Croise

Génesis 18:14

¿Kanmanchu Diospaq imapas mana ruway atinan? Wataman kunan hinatam huktawan watukamusqayki, chaypaqqa Sarapas wawayuqñam kanqa, nispa.

2~Samuel 3:29

Joabqa lliw mirayninkunapiwanyá kay huchamanta castigasqa kachunku, ayllunpi ama faltachunchu yawarpakuywan ñakariq, lepra onqoywan ñakariq, wistukunapas, guerrapi wañuqkunapas, mikuymanta muchuqkunapas, nispa.

2~Reyes 15:5

Tayta Diosmi rey Azariasta wañunan punchawkama lepra onqoywan ñakarichirqa, chaymi payqa sapaq wasipi yacharqa. Chaynapim palacionpiqa churin Jotamña munaychakurqa.

2~Reyes 7:3

Llaqtapa punkunpa hawa lawninpim lepra onqoyniyuq tawa runakuna kachkarqaku. Paykunam ninakurqaku: ¿Imatataq kaypi ruwanchik wañuyta suyaspanchikqa?

2~Crónicas 6:13

Salomonmi broncemanta altarta ruwachirqa, iskay metro cuarton largoyuqta, iskay metro cuarton anchoyuqta, huk metro kimsa chunka pichqayuq centímetro altoyuqta, hinaspam patiopa chawpinman churarqa. Chay altarman seqaruspanmi, huñunasqa Israel casta runakunapa qayllanpi qonqorakuykuspan makinkunata altoman hoqarispan nirqa:

Mateo 11:5

Ñawsakunam qawakuchkanña, suchukunam purichkankuña, leprayuqkunam sanoyarunkuña, mana uyarikuqkunam uyarikuchkan-kuña, wañusqakunam kawsarinku, wak-chakunapas evangeliotam uyarichkanku, nispaykichik.

Mateo 17:14

Runakunapa kasqanman chayaruptinkum, huk runa asuykuspan Jesuspa ñawpaqninpi qonqorakuykurqa, hinaspam nirqa:

Marcos 1:41

Jesusñataqmi paymanta llakipayarikuspa makinta haywarispa llapchaykurqa, hinaspam kaynata nirqa: Arí, munanim, Sanoña kay, nispa.

Marcos 10:17

Pasakunanpaqña Jesús kachkaptinmi, huk runa kallpaylla hamururqa, hinaspam ñawpaqninpi qonqorakuykuspan nirqa: Allin yachachikuq, ¿imatataq ruwasaq wiñay kawsayta haypanaypaq? nispa.

Lucas 22:41

Hinaspam paykunamanta karuniqman asurispan chaypi qonqorakuykurqa, hinaspam Diosta kaynata mañakurqa:

Hechos 7:60

Hinaspanmi qonqorakuykuspan qaparirqa: Señorlláy, kay hucha ruwasqankutaqa amayá huchapaqpas hapiychu, nispa. Chaynata niruspanmi wañukurqa.

Efesios 3:14

Chayraykum qonqorakuykuspay Dios Taytanchikta mañakuchkani.