Malaquías 4:1 - CHUYA QELLQA La Biblia en Quechua de Ayacucho 2012

¹ Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Quechua Ayacucho Bible 1987

¹ Llapallan Kamachiq Tayta Diosmi nin kaynata: —Ñam chayamuchkanña horno hina rupachkaq punchawqa, chay punchawpiqa llapallan hatunchakuq runakunapas chaynataq llapallan mana allin ruraq runakunapas lenguachkaq ninapim kañasqa kanqaku. Chaynaqa chay punchaw hamuqmá paykunataqa kañarunqa manaña imaniraqllapas puchunankukama.

Chuya Qellqa 1992

¹ Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Malaquías 4:1 Iomraidhean Croise

Jobwan Sutichasqa Libro 18:16

Payqa sapinmanta chakiruq sacha hinam kanqa, kallmankuna kuchusqa sacha hinam kanqa.

Éxodo 15:7

Manchakuypaq atiynikiwanmi contraykipi hatariqkunata chinkarachinki, hatun piñakuynikiwanmi pajata hina ruparachinki.

Isaías 40:24

Paykunaqa chayraq wiñamuq sachakuna hinam, tarpuruptinku chayllaraq sapichakuchkaq hinam. Wayra pukurimuptinmi lliw chakirunku, sinchi wayrapa apasqan qopa hinallam paykunaqa chinkarunku.

Isaías 41:2

¿Pitaq intipa qespimunan lawmanta imapipas allinllaña lloqsiq reyta hatarichimurqa? ¿Pitaq nacionkunatapas reynintinta payman hapiykachirqa? Chay reymi paykunapi munaychakuspa espadanwan polvota hina ruwarunqa, flechana arconwan ñuturuspam wayrapa apanan qopata hina cheqechinqa.

Isaías 47:14

Paykunaqa qopa hinallam, ninapa rupasqanmi tukurunqaku; ninamantaqa manam lluptiyta atinqakuchu, chay ninaqa manam ladonpi tiyaspa qonikunapaq sansallachu.

Isaías 5:24

Imaynam qopata chaylla nina ruparun, imaynam chaki pastota lenwachkaq nina ruparun, chaynam qamkunapas sapinmanta tukusqa kankichik, wayrapa apasqan chaki wayta hina tukusqam kankichik. Chaynaqa, kankichik, Tukuy Atiyniyuq Tayta Diospa yachachikuyninta mana kasukusqaykichikraykum, Israelpa Chuya Diosninpa kamachikuyninkunata wischupakusqaykichikraykum.

Isaías 9:18

Mana allinqa, tukuy rikchaq kichkakunata qorakunata ratachkaq nina hinam, monte sachakunatapas ruparuptinmi chusñankunapas qosninpa chawpinta muyurispa-muyurisparaq wichayman hoqarikun.

Isaías 9:19

Tukuy Atiyniyuq Tayta Dios piñakusqanraykum lliw nacionkuna rupachkan, runakunañataqmi ninapaq yanta hina kachkan. Runakunaqa runamasinta mana kuyapayarikuqñam kachkanku.

Ezequiel 20:38

Qamkunamantam mana kasuwaqniykunatawan contraypi hoqarikuqkunata rakisaq. Paykunataqa runapa llaqtanpi yachasqankumantapas hurqorusaqmi, Israel allpamanmi ichaqa mana yaykunqakuchu, chaynapim Tayta Dios kasqayta yachankichik.

Ezequiel 21:32

Kañasqa kaspam chinkachisqa kanki, yawarnikipas allpapi chaqchusqam kanqa, qanmantaqa manam pipas watukunqachu. Ñoqa Tayta Diosmi chaynata nini.

Ezequiel 24:11

Chay mana imayuq cobre mankata huktawan sansaman tiyachiy, chay manka pukay-pukay kanankama, ukunpi qachankunapas chinkanankama, akarusqanpas chinkanankama.

Ezequiel 34:17

Ovejallaykuna, qamkunatam ichaqa ñoqa Tayta Dios kaynata nikichik: Ñoqaqa allin arregloman hinam juzgasqaykichik carnerokunatapas chaynataq chivatokunatapas.

Ezequiel 7:10

Chay punchawmi chayaramunña. Cheqaptapunim chayaramunña. Mana allin ruwaymi tukuy hinastinpi llanllarikuchkan, hatun tukuymi waytarikuchkan.

Joel 2:1

Sión moqopi trompetata tocaychik, sapaqchakusqay orqopi guerrapaq cornetata tocaychik, kay nacionpi yachaqkuna katkatataychik; Tayta Diospa punchawninmi chayamuchkanña, Tayta Diospa punchawninmi hichpamuchkanña.

Joel 2:31

Manchakuypaq hatun punchawniy manaraq chayamuchkaptinmi, intipas tutayanqa, killapas yawaryanqa.

Amós 2:9

Israel llaqta, ñoqam qamkunata Egiptomanta hurqomurqaykichik, hinaspaymi mana imapa kanan chunniqninta tawa chunka wata pusamurqaykichik. Ñawpaqnikichikpim Amor casta runakunatapas, encina sacha hina allin poqosqa kachkaptinkupas, cedro hina sayayniyuqña kachkaptinkupas, sapinmanta chinkarachispay munaychakunaykichikpaq allpantapas qorqaykichik.

Abdías 1:18

Jacobpa mirayninkunam nina hina kanqaku, Joseypa mirayninkunam lenwachkaq nina hina kanqaku, hinaspam Esaupa mirayninkunata qopata hina ruparunqaku, Esaupa mirayninkunaqa lliwmi wañunqaku. Tayta Diosmi chaynata nin.

Nahúm 1:10

Kichka hina wankuy-wankuyña kaspankupas sinkakuyninkupa nuyusqanña kaspankupas chakisqa qopa hinam kañasqa kanqaku.

Sofonías 1:14

Tayta Diospa hatun punchawninmi hichpamuchkanña, chayamuchkanñam, utqaymanmi kallpamuchkan. Tayta Diospa punchawninqa anchapas manchakuypaqmi kanqa. Mana imata manchakuq runakunapas chaypiqa qaparkachanqakum.

Sofonías 1:18

Tayta Diospa piñakuynin punchawmantaqa manam qori-qollqenpas libranqachu, Tayta Diospa piñakuynin nina hinaraq rupaptinmi, ñawi qemchiykuyllata kay pachapi llapallan runakuna puchukachisqa kanqaku.

Zacarías 14:1

Jerusalén llaqta, Tayta Diospa punchawninmi hamuchkan, llapa tukuy imaykikunatapas chawpikipim rakinakunqaku.

Malaquías 3:15

Ñoqanchikqa rikunchikmi mana kasukuq runakunapas kusisqa kawsakusqankuta, mana allin ruwaqkunapas tukuy imapi allin lloqsisqankuta, paykunaraqmi Diostaqa kutipankupas, ichaqa manam ima castigotapas chaskinkuchu”, nispa.

Malaquías 3:18

Hinap-tinmi yachankichik pim allin ruwaq kasqanta chaynataq pim mana allin ruwaq kasqantapas, pim Diosta yupaychaq kasqantapas chaynataq pim Diosta mana yupaychaq kasqantapas, nispa.

Malaquías 3:2

Ichaqa, ¿pitaq aguantayta atinman paypa hamunan punchawta? ¿Pitaq pay chayamuptin sayayta atinman? Payqa chuyanchawananchikpaqmi nina hina chayamunqa; jabón hinam huchanchikmanta mayllawasun.

Malaquías 3:3

Leví ayllutam qorita qollqeta hina Tayta Dios chuyanchanqa. Chaymantañam paykunaqa Tayta Diospa munasqanman hina ofrendata apamunqaku.

Malaquías 4:5

Ñoqa Tayta Diospa manchakuypaq hatun punchawniy manaraq chaya-muchkaptinmi, profeta Eliasta kachamusqaykichik.

Mateo 3:12

Payqa makinpim hurkitanta apamuchkan, chaywanmi trigota pajanmanta rakinanqa; trigotam taqeman apaykunqa, pajatañataqmi mana amachay atina ninapi kañanqa, nispa.

Lucas 19:43

Hamuchkanmi punchawkuna, enemigoykikuna muyurirususpayki cercota hatarichiptinku mana maynintapas lluptiyta atinaykipaq.

Lucas 21:20

Jerusalenpa muyuriqninpi tropa-kunata qawaspaqa, chay llaqtapa pur-machisqa kanan tiempo chayaramusqantañayá yachaychik.

Lucas 6:23

Chaynata ruwasuptikichikqa kusikuymantayá pawaykachaychik, qamkunaqa hanaq pachapim hatun premiota chaskinkichik. Kay runakunapa ñawpaq taytankunapas chaynatam llapa profetakunata ñakarichirqaku.

2~Tesalonicenses 1:8

Hinaspam Dios mana reqsiqkunatawan Señorninchik Jesusmanta allin noticia mana kasukuqkunata castiganqa.

2~Pedro 3:7

Kunan kaq cielokunawan kay pachaqa, Diospa rimarisqanman hinam juicio punchawpi ninawan tukusqa kananpaq waqaychasqa kachkan, chaypitaqmi huchasapa runakunapas chinkachisqa kanqaku.