Malaquías 3:2 - CHUYA QELLQA La Biblia en Quechua de Ayacucho 2012

² Ichaqa, ¿pitaq aguantayta atinman paypa hamunan punchawta? ¿Pitaq pay chayamuptin sayayta atinman? Payqa chuyanchawananchikpaqmi nina hina chayamunqa; jabón hinam huchanchikmanta mayllawasun.

Quechua Ayacucho Bible 1987

² ¿Pitaq atinman aguantayta paypa hamunan punchawpiqa? ¿Pitaq sayayta atinman paypa rikurimunan punchawpiqa? Payqariki chayaramunqa metal chulluchiq nina hina chuyanchananpaqmi chaynataq taqsana jabon hina yuraqyachinanpaqmi.

Chuya Qellqa 1992

² Ichaqa ¿pitaq aguantayta atinman paypa hamunan punchawta? ¿Pitaq pay chayamuptin sayayta atinman? Payqa chuyanchawananchikpaqmi nina hina chayamunqa; jabón hinam huchanchikmanta mayllawasun.

Malaquías 3:2 Iomraidhean Croise

Génesis 19:28

Chaymi Sodoma, Gomorra llaqtakuna lawta chaynataq tukuy qechwankunata qawariptin hornopa qosniynin hinaraq qosnirimuchkasqa.

Jobwan Sutichasqa Libro 28:1

Qollqeta hurqonapaqqa kanmi minakuna, qorita chuyanchanapaqqa kanmi sitiokuna.

Proverbios 25:4

Qollqepa akasqanta siksirusqaqa alhaja ruwaqpa makinmantam kuyayllapaq alhaja lloqsimun.

Isaías 1:18

Tayta Diosqa nintaqmi: Chaynaqa, tanteanakunapaqyá ñoqaman hamuychik, cochinilla hina moradoña huchaykichik kaptinpas ritita hinam yuraqyachisqaykichik, carmesí hina pukay-pukayña huchaykichik kaptinpas yuraq millwata hinam yuraqyachisqaykichik.

Isaías 33:14

Sión llaqtapi huchasapakunam paqway mancharisqa kachkanku, Diosta mana yupaychaqkunam pasaypaqta katkatataspa ninku: ¿Mayqanninchiktaq rupakuq nina ukupi yachachwan? ¿Mayqanninchiktaq wiña-wiñaypaq rupakuq nina ukupi yachachwan? nispanku.

Isaías 4:4

Señorqa castigananpaq sentenciaspanmi Sionpi yachaqkunata qachankunamanta chuyanchanqa, Jerusalentam yawar chaqchusqanmanta mayllanqa.

Jeremías 2:22

Lejiawanña mayllakuptikipas, maynataña jabonakuptikipas, huchaykiqa hinallam qayllaypi kachkan. Ñoqa Tayta Diosmi chaynata nini.

Ezequiel 22:14

Castigasqay punchawqa manam imayna kutipawaytapas atinkichu. Ñoqa Tayta Diosqa imam rimasqaytaqa cumplisaqpunim.

Daniel 11:35

Yachayniyuq runakunamantapas wakinmi qatikachasqa kanqaku, chayna ñakarichisqaqa kanqaku metal chulluchisqa hina chuyanchasqa kanankupaqmi. Paykunaqa mana allinmanta rakisqa kaspankum mana huchayuqña kanqaku. Chaynaqa, tarikunqaku tukupay tiempo chayamunankamam.

Joel 2:11

Tropankunapa ñawpaqninpim Tayta Diosqa rayo hinaraq qaparin, tropankunaqa mana yupay atinam, paypa kamachisqanta ruwanankupaq atiyniyuqmi; ¡mayna manchakuypaqmi Tayta Diospa punchawninqa! ¿Pitaq chay punchawta aguantayta atinman?

Nahúm 1:6

¿Pitaq pay piñakuruptin qayllanpi sayanman? ¿Pitaq sinchita piñakuruptin takyapakunman? Piñakuyninqa nina hinaraqmi tallirikun, qaqakunapas qayllanpiqa tuñinmi.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Mateo 25:10

Rantiq rinankukamam novio chaya-ramurqa, hinaptinmi yachayniyuq sipaskuna noviowan casamiento convidoman yaykurqaku. Yaykuruptinkum punku wichqakururqa.

Marcos 9:3

Pachanmi riti hina kancharichkaq rikurirurqa, manam pipas kay pachapi chayna yuraq-yuraq kanankamaqa taqsayta atinmanchu.

Lucas 2:34

Simeonñataqmi paykunata bendeciykuspan Jesuspa maman Mariata nirqa: Kay wawam Israelpi runakunapaq kanqa wakinpaq urmachiqnin, wakin-paqñataq hatarichiqnin. Paymi huk señal kanqa, achkaqmi contranpi hatarinqaku.

Lucas 21:36

Rik-chapalla kaspayá tukuy tiempopi mañakuychik, tukuy kaykuna hamuqmanta lluptinaykichikpaq, chaynapi runapa Churinpa qayllanman yaykunaykichikpaq.

Lucas 3:17

Payqa makinpim hurkitanta apamuchkan trigota pajamanta rakinanpaq, trigota taqenman apaykuspam pajatañataq mana amachay atina ninapi kañanqa, nispa.

Lucas 3:9

Hachaqa chayllam kachkan sachakunata sapinmanta kuchunapaq. Mana ruruq sachaqa sapinmanta kuchusqa kaspam ninaman wischusqa kanqa, nispa.

Lucas 7:23

Mayna kusisqam mana iskayrayaspa ñoqapi hapipakuqkunaqa, nispa.

Juan 8:55

Paytaqa manam reqsinkichikchu. Ñoqam ichaqa reqsini. “Manam reqsinichu” nispayqa qamkuna hina llullakuqchá kayman. Ñoqaqa reqsinim, chayraykum paypa palabrankunata kasukuni.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

Apocalipsis 19:8

Noviaqa yuraq-yuraq kancharichkaq lino pachawan pachachisqañam kachkan, chay fino linomanta pachaqa Diosllapaqña kawsaqkunapa sumaq kawsakuyninmi, nispa.

Apocalipsis 2:23

Wawankutapas wañurachip-tiymi llapallan iglesiakuna yachanqaku yuyaymanayninkutapas chaynataq son-qonkutapas reqsiq kasqayta, sapakamamanmi ruwasqaykichikman hina qosqaykichik.

Apocalipsis 6:17

Cas-tiganan hatu-hatun punchawmi chayaramun. ¡Pitaq chaytaqa aguantanman!” nispanku.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.

1~Samuel 6:20

Hinaptinmi Bet-semes llaqtayuqkuna nirqaku: ¿Pitaq sayaykunman chuya Tayta Diospa ñawpaqninpi? ¿Maymantaq apachichuwan kay Arcanta? nispanku.