Malaquías 2:4 - CHUYA QELLQA La Biblia en Quechua de Ayacucho 2012

⁴ Chaynapim kay kamachikuytaqa ñoqapuni qomusqayta yachankichik, chaynapi Leviywan pacto ruwasqay takyananpaq. Tukuy Atiyniyuq Tayta Diosmi chaynata nin.

Quechua Ayacucho Bible 1987

⁴ Chaynapim yachankichik qamkunataqa ñoqapuni kamachisqayta chaynapi Leviy castakunawan contrato rurasqayqa takyananpaq. Chaynatam nini Llapallan Kamachiq ñoqa Tayta Dios.

Chuya Qellqa 1992

⁴ Chaynapim kay kamachikuytaqa ñoqapuni qomusqayta yachankichik, chaynapi Leviywan pacto ruwasqay takyananpaq. Tukuy Atiyniyuq Tayta Diosmi chaynata nin.

Malaquías 2:4 Iomraidhean Croise

1~Reyes 22:25

Chaymi Micaías nirqa: Chaytaqa yachanki lluptinaykipaq wasin-wasin pakakusqayki punchawmi, nispa.

Nehemías 13:29

Dios Taytalláy, amayá paykunata qonqaychu. Paykunaqa sacerdote kayninkutam millakuypaqta ruwarunku, sacerdotekikunaña chaynataq levitaykikunaña kanankupaq pacto ruwasqaykitam millakuypaqta ruwarunku.

Isaías 26:11

Dios Taytallayku, qamqa ñakarichinaykipaqmi chaylla kachkanki, paykunam ichaqa mana musyakunkuchu, llaqtaykita llumpay kuyasqaykita qawaspam penqaypi tarikunqaku. Contraykipi kaqkuna ninawan kañasqa kachunku.

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Jeremías 28:9

Sichum mayqan profetapas hawkayaymanta willakunqa, hinaptin chay rimasqan cumplikuruptinqa cheqaptapunim yachanqaku chay profetaqa Tayta Diospa kachamusqan kasqanta, nispa.

Ezequiel 33:33

Ichaqa kay nisqaykunam cumplikunqa, chaynapim chawpinkupi huk profetay kasqanta yachanqaku.

Ezequiel 38:23

Chaykunawanmi atiyniytawan chuya kayniyta achka nacionkunaman qawachisaq, hinaptinmi Tayta Dios kasqayta yachanqaku.

Ezequiel 44:7

Qamkunaqa mana qari kayninpi nitaq sonqonpipas seña-lasqa runakunata temployman pusaykuspam millakuypaqtaña ruwarunkichik. Millakuypaqtaqa ruwachkankichik wirata hinaspa yawarta ofrecewaspaykichikmi, pactoytapas manam kasukunkichikchu.

Malaquías 3:1

Tukuy Atiyniyuq Tayta Diosmi kaynata nin: Ñoqamanta willakuqtam ñanta allichapuwananpaq ñawpaqniyta kachamusaq. Hinaptinmi maskasqaykichik Diosqa, templonman qonqayllamanta hamunqa. Ñam chayamuchkanña pactomanta willakuq ancha suyasqaykichik, nispa.

Números 18:2

Ñoqaman asuykamuwanaykichik carpapi qanwan churikikuna serviwaspaykichikqa Leví aylluykichikkunawanmi yanapachikunkichik.

Números 18:21

Leví ayllukunaman herencia qosqayqa kanqa Israel runakunapa cosechasqankumanta llapallan diezmo qosqankum. Chaytam asuykuwanaykichik carpapi serviwasqaykichikrayku qoykichik.

Números 25:12

Chaynaqa, paywan hawkayay pacto ruwasqayta willay.

Números 3:11

Moisestam Tayta Dios kaynata nirqa:

Números 3:12

Ñoqam Israelpa piwi churinkunapa rantinpi Leví aylluta akllakuni. Leví ayllukunam ñoqallapaqña kanqa.

Números 3:45

Israelpa mirayninmanta llapa piwi churikunapa rantinpim Leví aylluta rakipuwanki, animalninkupa rantinpipas Leví ayllupa animalninkunatam raki-puwanki; Leví aylluqa ñoqapam. Ñoqa-qa Tayta Diosmi kani, nispa.

Mateo 3:12

Payqa makinpim hurkitanta apamuchkan, chaywanmi trigota pajanmanta rakinanqa; trigotam taqeman apaykunqa, pajatañataqmi mana amachay atina ninapi kañanqa, nispa.

Lucas 10:11

“Usutaykuman kay llaqtapa allpan laqakamuqtapas qamkunapa contraykichikpim taspiniku. Chaywanpas yachaychikyá, Diospa munaychakuyninmi hichpallaykichikpiña kachkan”, nispa.

Juan 15:2

Ñoqapi kaq kallmakuna mana ruruqtaqa paymi kuchurunqa, ruruq kallmatañataqmi aswanraq rurunanpaq rawmapaykunqa.