Malaquías 2:1 - CHUYA QELLQA La Biblia en Quechua de Ayacucho 2012

¹ Chaynaqa, Sacerdotekuna, kay kamachikuymi qamkunapaq:

Quechua Ayacucho Bible 1987

¹ —Yaw sacerdotekuna, kay kamachisqayqa qamkunapaqmi:

Chuya Qellqa 1992

¹ Chaynaqa, Sacerdotekuna, kay kamachikuymi qamkunapaq:

Malaquías 2:1 Iomraidhean Croise

Jeremías 13:13

Chaymi qamñataq ninki: Ñoqa Tayta Diosmi kaynata nini: Kay nacionpi yachaqkunatam pasaypaqta sinkarachisaq. Sinkachisaqtaqmi rey Davidpa mirayninmanta kamachikuqkunatapas, sacerdotekunatapas, profetakunatapas hinaspa Jerusalén llaqtapi yachaqkunatapas.

Lamentaciones 4:13

Chaykunaqa pasakurqa profetakunapa huchanmantam, sacerdotekunapa mana allinkuna ruwasqanmantam, inocente runakunata llaqta ukupi wañuchisqankumantam.

Oseas 5:1

Sacerdotekuna kayta uyariychik, Israelpa mirayninkuna chaylla uyariychik, reypa mirayninkuna uyariychik: Mizpa lawpi tranpa churasqa hina, chaynataq Tabor orqopi challwanapaq malla hina kasqaykichikmantam juzgasqa kankichik.

Malaquías 1:14

Ñoqa Tayta Diosman prometekuwachkaspan, kanchanpi allinnin orqo animalninkuna kachkaptin onqoq animalta kañapuwaqniy runaqa ñakasqayá kachun. Ñoqaqa Tukuy Atiyniyuq Reymi kani, llapallan nacionkunapa yupaychananmi kani. Tukuy Atiyniyuq Tayta Diosmi chaynata nin.

Malaquías 1:6

Tukuy Atiyniyuq Tayta Diosmi sacerdotekunata kaynata nin: Warmakunaqa taytankutam respetan, criadokunapas patronninkutam kasukunku. Sichum taytaykichik ñoqa kaptiyqa, ¿imanasqataq mana respetawankichikchu? Sichum patronnikichik kaptiyqa ¿imanasqataq mana kasuwankichikchu? Qamkunaqa sutiyta despreciachkaspapas kaynataraqmi ninkichik: “¿Imapitaq ñoqayku despreciarqaykiku?” nisparaq.

Malaquías 2:2

Qamkunam kasukuspa cheqaptapuni tukuy sonqowan yupaychawanaykichik. Mana kasukuspaqa ñakasqam kankichik. Cheqaptapuni mana yupaychawaptikichikqa, sacerdote kasqaykichikrayku bendecisqa kasqaykichiktapas ñakaymanmi tikrarusaq. Tukuy Atiyniyuq Tayta Diosmi chaynata nin.