Malaquías 1:9 - CHUYA QELLQA La Biblia en Quechua de Ayacucho 2012

⁹ Chaynaqa, llakipayariwananchik-paq Tayta Diosta kunan mañakuychik. Ichaqa, chayna mana valeq ofrendakunata qochkaspaykichikqa, amayá piensaychikchu Diospas kusikuywanraq chaskiykusunaykichiktaqa. Tukuy Atiyniyuq Tayta Diosmi kaynata nin:

Quechua Ayacucho Bible 1987

⁹ Chaynaqa mañakuwaychikyá qamkunamanta llakipayarikunaypaq. Ichaqa chayna mana valeq ofrendakunata apamuwaspaykichikqa amayá piensaychikchu imallapipas favorecenaytaqa. Chaynatam nini Llapallan Kamachiq ñoqa Tayta Dios.

Chuya Qellqa 1992

⁹ Chaynaqa, llakipayariwananchikpaq Tayta Diosta kunan mañakuychik. Ichaqa, chayna mana valeq ofrendakunata qochkaspaykichikqa, amayá piensaychikchu Diospas kusikuywanraq chaskiykusunaykichiktaqa. Tukuy Atiyniyuq Tayta Diosmi kaynata nin:

Malaquías 1:9 Iomraidhean Croise

2~Crónicas 30:27

Chaymantam levitakunawan sacerdotekuna sayarispanku llapa runakunata bendecirqaku, hinaptinmi Tayta Diospas hanaq pachamanta uyariykamurqa.

Éxodo 32:11

Chaymi Tayta Diosta ruegakuspan Moisés nirqa: Dios Taytalláy, amayá piñakuychu Egipto nacionmanta hurqomusqayki runaykikunapa contranpiqa, paykunataqa hatu-hatun atiynikiwanmi hurqomurqanki.

Jeremías 26:19

¿Yaqachu rey Ezequiaswan Judá nacionpi runakuna Miqueasta wañu-chirqaku? Manam, aswanqa kikin reypas Tayta Diosta manchakuspam paykunamanta llakipayarinanpaq mañakurqa, chaymi Tayta Diospas rimasqan castigokunata manaña kacharimurqachu. ¿Chaychu ñoqanchikñataq kay hatu-hatun huchata qepikuruchwan?

Jeremías 27:18

Sichum cheqap profetakuna kaspankuqa chaynataq palabraypas paykunapi kaptinqa, ñoqa Tukuy Atiyniyuq Tayta Diosta mañakuwachunku, chaynapi temploypi puchuq serviciokunatapas, Judá nacionpi reypa wasinpi hinaspa Jerusalenpi puchuq serviciokunatapas Babilonia nacionman ama apanankupaq.

Lamentaciones 2:19

Tuta hatarispa qapariy yakuta tallichkaq hina sonqoykimanta Señorman willakuy, makikita hoqarispayki wawaykikunapaq mañakuy, paykunam callekunapi yarqaymanta wañunayachkanku.

Joel 2:12

Tayta Diosmi kaynata nin: Qamkunaqa tukuy sonqowan kutirikamuwaychik, ayunowan, waqakuywan hinaspa qapariywan kutirikamuwaychik.

Joel 2:17

Templopa punkunmanta altarman rinapiyá Tayta Diospa sacerdotenkuna waqaspa kaynata mañakuchunku: ¡Dios Taytallayku, llaqtaykita pampachaykuy, amayá churikikunata penqayman kachaykuychu, amayá huk nacionkuna paykunapi munaychakuchunchu! ¿Imapaqtaq nacionkuna ninmanku: “Maypitaq Diosninku kachkan”, nispanku?

Amós 5:22

Sacrificiokunata kañaspa kawsaykunamanta ofrenda qowasqaykichiktapas manam chaskisqaykichikchu; ñoqawan allinyanakunaykichikpaq wira animalkuna wañuchipuwasqaykichiktapas manam rikuytapas atinichu.

Juan 9:31

Yachasqanchikman hinapas Diosqa manam huchasapakunataqa uyarinchu, aswanqa kasukuspa munasqanta ruwaqkunallatam uyarin.

Romanos 2:11

Diosqa manam pimanpas saya-pakunchu.

1~Pedro 1:17

Sichum “Taytáy” ninkichik pimanpas mana sayapakuspa runakunapa ruwayninman hina juzgaq Diosta, hinaspaqa tukuy tiempo kasukuspayá huklaw llaqtayuq hina kawsaychik.