Malaquías 1:4 - CHUYA QELLQA La Biblia en Quechua de Ayacucho 2012

⁴ Esaupa miraynin Edom runakunam ninku: “Tuñirachiwaptinchikpas musoqmantam purmachisqa nacionninchiktaqa hatarichisun”, nispanku. Ichaqa Tukuy Atiyniyuq Tayta Diosmi kaynata nin: “Huktawan hatarirachiptikichikpas yapamantam purmarachisqaykichik. Hinaptinmi nacionnikichik sutichasqa kanqa mana allinpa kanan nacionwan hinaspa Tayta Diospa wiñaypaq ñakasqan nacionwan”, nispa.

Quechua Ayacucho Bible 1987

⁴ —“Tuñirachiwaptinchikpas purmachisqa nacionninchiktaqa huktawanmi hatarichisunchik” nispa Esaupa miraynin Edom nacionniyoqkuna rimaptinkupas Llapallan Kamachiq ñoqa Tayta Diosmi kaynata niyman: “Huktawan hatarirachiptikichikpas ñoqaqa huktawanmi purmarachisaq. Nacionnikichikqa sutichasqa kanqa Mana Allinpa Kanan Nacionwanñam hinaspa Tayta Diospa Wiñaypaq Piñakunan Nacionwanñam” nispa.

Chuya Qellqa 1992

⁴ Esaupa miraynin Edom runakunam ninku: “Tuñirachiwaptinchikpas musoqmantam purmachisqa nacionninchiktaqa hatarichisun”, nispanku. Ichaqa Tukuy Atiyniyuq Tayta Diosmi kaynata nin: “Huktawan hatarirachiptikichikpas yapamantam purmarachisqaykichik. Hinaptinmi nacionnikichik sutichasqa kanqa mana allinpa kanan nacionwan hinaspa Tayta Diospa wiñaypaq ñakasqan nacionwan”, nispa.

Malaquías 1:4 Iomraidhean Croise

Jobwan Sutichasqa Libro 12:14

Dios tuñichiptinqa manam pipas hatarichinmanchu, pitapas wichqaruptinqa manam pipas kacharinmanchu.

Jobwan Sutichasqa Libro 34:29

Sichum Dios upallaruptin ¿pitaq payta acusanman? Sichum Dios uyanta pakaykuptin ¿pitaq qawayta atinman? Diosqa llaqtakunatapas runakunatapas qawachkanmi,

Jobwan Sutichasqa Libro 9:4

Diosqa llumpay atiyniyuqmi, payqa ancha yachayniyuqmi ¿Pitaq paywan kutipanakuspan allin lloqsirunman?

Proverbios 21:30

Diospa qayllanpiqa yachaypas, yachayniyuq kaypas, allin tanteoyuq kaypas mana serviqmi.

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 11:14

Aswanqa kuskankuñam intipa seqaykunan lawman kallpaspa filisteokunata qepanmanta atacanqaku, intipa qespimunan lawpi nacionkunapa kapuqninkutam qechumunqaku. Paykunam sirvichikunqaku Edomitakunawan, Moabitakunawan. Amonitakunapiñataqmi munaychakunqaku.

Isaías 34:10

Mana wañuspam tuta punchaw rupanqa, wiñaypaqmi qosnin wicharinqa, wiñaypaqmi purmachisqa kanqa, manaña chayninta pipas purinankamam chunninqa.

Isaías 34:5

Hanaq pachapim espaday sinkarunqa, Edomta juzganapaqmi uraykamunqa, wañuypaq ñakasqay llaqtamanmi uraykamunqa. Diospa espadanmi cielomanta Edom nacionpa hawanman wichiykamunqa, ñakasqay llaqtata chinkachinanpaqmi uraykamunqa.

Jeremías 31:17

Ñoqa Tayta Diosmi nini: Allin punchawkunam qamkunapaq kanqa, wawaykikunam allpankuman kutimunqaku.

Jeremías 49:20

Chaynaqa, Edom nacionpa contranpi tanteasqaytawan Temán llaqtayuqkunapa contranpi tanteasqayta uyariychik: Uña ovejankunatam aysanqaku, pastonkunatapas purmachinqakum.

Jeremías 49:7

Tukuy Atiyniyuq Tayta Diosmi Edom nacionpa contranpi kaynata nirqa: ¿Yachaychu Temán llaqtapi tukurun? ¿Yachayniyuqkunapa consejakuyninchu tukurun? ¿Yachayninchu manaña valeq rikurirun?

Jeremías 49:8

¡Dedán llaqtapi yachaqkuna, pakakamunaykichikpaq lluptiychik! Esaupa llaqtantam tuñichisaq, castiganay punchawmi chayaramun.

Jeremías 5:17

Cosechaykikunatam mikuspa tukurunqaku, churikunatapas qarita warmitam mikurunqaku, ovejaykikunatawan vacaykikunatam mikukurunqaku, uvasnikikunatawan higosnikikunatam kuchuparunqaku. Hapipakunayki murallasqa llaqtaykikunatapas lliwmi tuñirachinqaku.

Lamentaciones 3:37

¿Pitaq imatapas rimanman Señorpuni mana kamachikuptinqa?

Ezequiel 11:10

Qamkunaqa guerrapim wañunkichik, Israel nacionpa linderonpim juzgasqaykichik, chaynapim Tayta Dios kasqayta yachankichik.

Ezequiel 25:13

Chayraykum ñoqa Tayta Dios kaynata nini: Edom naciontam atiyniywan castigasaq, runakunatapas animalkunatawan kuskatam wañuchisaq, chay naciontam pasaypaqta purmachisaq. Temán llaqtamanta qallaykuspam Dedán llaqtakama guerrawan wañunqaku.

Ezequiel 25:14

Edom nacionpi yachaqkunatam Israel runaykunawan vengakusaq, runaykunam paykunata piñakuyniywan allinniqta castiganqaku, chaynapim paykunaqa vengakusqayta yachanqaku. Ñoqa Tayta Diosmi chaynata nini.

Ezequiel 26:14

Mana imayuq taqratañam saqerusqayki, mallakunata chakichinanku pampatañam ruwarusqayki, manaña haykapipas hatarichisqam kanki, nispa. Ñoqa Tayta Diosmi chaynata nini. Ñoqa Tayta Diospa nisqayqa chaynam kanqa.

Ezequiel 35:4

Llaqtaykikunatapas tuñirachispaymi purmarachisaq. Chaynapim Tayta Dios kasqayta yachanki.

Ezequiel 35:9

Wiñay-paq chunniqmanñam tikrarusqayki, llaqtaykikunapipas manañam pipas yachanqañachu. Chaynapim Tayta Dios kasqayta yachanki.

Amós 1:11

Tayta Diosmi kaynata nin: Edom llaqtapi yachaqkunatam llumpa-llumpay huchankumanta castigasaqpuni. Paykunam espada makintin mana llakipayarispa ayllunku Israelta qatikacharqaku. Piñakuyninkutapas mismirichispam cheqnikuyninkutapas tukuy tiempo hatallirqaku.

Amós 3:15

Rupay tiempopaq wasitapas chiri tiempopaq wasitawan kuskatam tuñichisaq; apukunapa sumaqllaña wasinpas chinkanqam, llapa wasikunapas purmanqam.

Amós 5:11

Chaynaqa, wakchakunata yanqamanta tumpaspa impuestota trigonpi chaskikusqaykichikraykum, labrasqa rumikunawan wasikuna ruwasqaykichikpipas mana yachankichikchu, manataqmi uvas plantasqaykichikpa rurunmanta vinotapas tomankichikchu.

Amós 6:11

Tayta Dios kamachiptinmi hatun sumaq wasikunatapas tuñirachinqaku, taksan wasikunatañataqmi purmarachinqaku, lliwtam ñuturunqaku.

Amós 6:2

Calne llaqtanta pasaspayá qawaykuychik, chaymanta Hamat llaqtaman rispayá Filistea nacionpi Gat llaqtaman uraykuychik. ¿Kay nacionkunamanta aswan atiyniyuqchu kankichik? ¿Allpaykichikpas paykunapamanta aswan hatunchu?

Abdías 1:1

Tayta Diosmi Edom nacionwan imatam ruwananmanta profeta Abdiasman visionpi kaynata nirqa: Diosmanta hamuq willakuytam uyariruniku, huk willakuqmi nacionkunaman kaynata willakunanpaq kachasqa: ¡Kay nacionpa contranpi llapallanchik guerrapi hatarisun! nispa.

Abdías 1:10

Wawqeki Jacobpa mirayninkunata ñakarichisqaykimantam penqaypi kanki, hinaspam pasaypaqta chinkanki.

Malaquías 1:3

Esautañataqmi cheqnirqani. Chayraykum yachanan orqokunatapas chunnirachispay allpankunatapas atoqkunapa yachananmanña tikrarurqani”, nispa

Mateo 12:30

Pipas mana favorniypi kaspaqa contraypim kachkan, cosechapi ñoqawan mana huñuqqa usuchinmi.