Lucas 9:5 - CHUYA QELLQA La Biblia en Quechua de Ayacucho 2012

⁵ Sichum may llaqtapipas mana chaskisuptikichikqa chay llaqtanmantam lloqsinkichik, hinaspam usutaykichikpi polvotapas taspinkichik, chaynapim chay runakuna mana kasukuq kasqankuta yachanqaku, nispa.

Quechua Ayacucho Bible 1987

⁵ Maypipas mana chaskisuptikichikqa chay llaqtanmantayá lloqsiychik, *f**usutaykichikpi allpatapas taspiychikyá chaypi kaqkuna mana kasukuq kasqankuta yachanankupaq.

Chuya Qellqa 1992

⁵ Sichum may llaqtapipas mana chaskisuptikichikqa chay llaqtanmantam lloqsinkichik, hinaspam usutaykichikpi polvotapas taspinkichik, chaynapim chay runakuna mana kasukuq kasqankuta yachanqaku, nispa.

Lucas 9:5 Iomraidhean Croise

Nehemías 5:13

Pachaytapas taspispaymi kaynata nirqani: Pipas kay juramentota mana cumpliq runakunataqa, Diosyá kaynata taspichun, hinaspayá llapa imanta qechuspa wasinmanta hinaspa llamkayninmantapas qarqochun, nispay. Hinaptinmi llapallanku nirqaku: ¡Amén! nispanku. Chaymi Tayta Diosta yupaychaspanku chayman hina ruwarqaku.

Mateo 10:18

Ñoqaraykum reykunapa hinaspa kamachikuqkunapa qayllanman apasqa kankichik, chaynapi paykunamanwan Diosta mana reqsiqkunaman ñoqamanta willakunaykichikpaq.

Marcos 6:11

Sichum may llaqtapipas mana chaskisuptikichikqa hinaspa mana uyarisuptikichikqa, chaymanta lloqsispam usutaykichikpa polvontapas taspinkichik, chaynapi Diospa palabran wischupakuq kasqankuta yachanankupaq.

Marcos 9:37

Pipas sutiypi kayna warmachata chaskiykuqqa ñoqatam chaskiwan, pipas chaskiwaqniyqa manam ñoqallatachu chaskiwan, aswanqa kachamuwaqniy Taytaytam, nispa.

Lucas 10:16

Qamkunata uyariq runaqa ñoqatam uyariwan, qamkunata wischupakuq runaqa ñoqatam wischupakuwan, ñoqata wischupakuqñataqmi pim kachamuwaqniyta wischupakun, nispa.

Lucas 5:14

Chaymi Jesús nirqa: Amam pimanpas willakunkichu, aswanqa sacerdoteman rispaykim paywan qawachikamunki, hinaspam sanoña kasqaykita yachanankupaq ofrendata qomunki Moisespa kamachisqanman hina, nispa.

Lucas 9:4

May wasimanpas yaykuspaqa, chay llaqtamanta lloqsinaykichikkamam chayllapi samapakunkichik.

Lucas 9:48

hinaspam nirqa: Kay warmachata ñoqapa sutiypi pipas chaskiqqa ñoqatam chaskiwan, pipas ñoqata chaskiwaqniyñataqmi kachamuwaqniyta chaskin. Qamkunamanta mayqannikichikpas taksan kaqmi puntapiqa kanqa, nispan.

Hechos 13:51

Chaymi Pablowan Bernabeyqa qarqosqa kasqankuta qawachikunankupaq usutankupi allpata taspirqaku, hinaspankum Iconio llaqtaman pasakurqaku.

Hechos 18:6

Chay judiokunam ichaqa Pablopa contranpi hatarispanku imaymanata rimarqaku, hinaptinmi Pabloñataq pachantapas taspispanraq nirqa: Wiñaypaq wañuyman wichispaqa kikikichikmi huchayuq kankichik, manam ñoqachu. Kunanmantaqa mana judío kaqkunamanñam willakuq risaq, nispa.