Lucas 9:38 - CHUYA QELLQA La Biblia en Quechua de Ayacucho 2012

³⁸ Hinaptinmi paykunamanta huk runa lloqsiykuspan kaynata qaparirqa: Yachachikuq, ruegakuykim kay sapallan churiyta qawaykunaykipaq.

Quechua Ayacucho Bible 1987

³⁸ Paykunamanta lloqsiykuspanmi huknin runa qaparirqa: —Yachachikuq, ruegakuykim kay sapallan churiyta qawaykunaykipaq.

Chuya Qellqa 1992

³⁸ Hinaptinmi paykunamanta huk runa lloqsiykuspan kaynata qaparirqa: Yachachikuq, ruegakuykim kay sapallan churiyta qawaykunaykipaq.

Lucas 9:38 Iomraidhean Croise

Génesis 44:20

Hinaptinmi nirqaykiku: Arí taytaykuqa kawsakunraqmi, ichaqa yuyaqñam. Kantaqmi sullka wawqeykupas; paytam taytayku yuyaqyayninpiña churyakurqa. Nirqaykikutaqmi chay churintaqa taytaykupa ancha kuyasqantapas, anchataqa kuyan warmin Raquelpi iskaylla churinkuna kasqanraykum, chay iskaymantam mayor kaq wañukurqa, nispayku.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Mateo 15:22

Hinaptinmi chaylawpi cananea warmi, kaynata qaparispan Jesusman asuykurqa: ¡Davidpa Churin Señorlláy, kuyapayariykullaway! ¡Warmi wawallaytam demonio llumpayta ñakarichichkan! nispan.

Lucas 7:12

Llaqtapa punkunman hichpaykuchkaptinkum, huk viudapa sapallan qari wawan wañuruptin pampaq apachkarqaku. Llaqta runakunapas achkallañam pampaysiq rirqaku.

Lucas 9:37

Orqomanta paqarinnintin punchaw uraykamuptinkum, achka-achka runakuna paykunaman taripaykurqaku.

Lucas 9:39

Paytam huk demonio hapiruspan qonqaymanta qaparkachachin, taspispanmi posoqollataña aqtuchin, hinaspanmi ñakarichispan sasa-sasata kacharin.

Juan 4:47

Chaymi Judea lawmanta Galileaman Jesuspa chayaramusqanta yacharuspan, wañuypa patanpiña tarikuq churinta sanoyachinanpaq ruegakuq rirqa.