Lucas 9:31 - CHUYA QELLQA La Biblia en Quechua de Ayacucho 2012

³¹ Paykunam achkiypa chawpinpi rikuriykamuspanku rimarqaku imaynam Jesuspa Jerusalén llaqtapi wañukunanmanta.

Quechua Ayacucho Bible 1987

³¹ Achkirichkaq rikuriykuspam rimarqaku Jerusalenpi Jesuspa wañunanmanta.

Chuya Qellqa 1992

³¹ Paykunam achkiypa chawpinpi rikuriykamuspanku rimarqaku imaynam Jesuspa Jerusalén llaqtapi wañukunanmanta.

Lucas 9:31 Iomraidhean Croise

Lucas 9:22

Chaymantam discipulonkunata nirqa: Runapa Churinqa llumpaytam ñakarinqa, llapa ancianokunawan sacerdotekunapa kamachiqninkunam hinaspa Diospa leynin yachachiqkunam qepanchaspanku wañuchinqaku, ichaqa kimsa punchawmanmi kawsarimunqa, nispa.

Lucas 9:30

Hinaptinmi iskay runakuna rikuriykuspan paywan rimarqaku. Paykunaqa karqa Moiseswan Eliasmi.

Juan 1:29

Juanmi paqarinnintin punchaw rikururqa Jesusta paypa lawman hamuchkaqta, hinaspanmi nirqa: Qawaychik, paymi llapa runakunapa huchanta mayllaq Diospa Corderonqa.

2~Corintios 3:18

Ñoqanchikpas uyanchik manaña velowan tapasqa kaptinmi Señorpa sumaqllaña kayninwan huk espejo hina achkirinchik. Ñoqanchikqa Cristomanñam aswan-aswan rikchakuchkanchik, paypa achkiriyninpas sapa kutim ñoqanchikpi kachkan. Chaytaqa Señormi ruwachkan. Payqa Espiritum.

Filipenses 3:21

Paymi kay ñakariq cuerponchikta musoqyachinqa suma-sumaq kanchariq cuerponman rikchakuqtaña, chaytaqa ruwanqa tukuy imapa hawanpi munaychakuq atiyninwanmi.

Colosenses 3:4

Qamkunapa kawsaynikichikqa Cristom, pay rikurimuptinmi qamkunapas paywan kuska kancharichkaqña rikurimunkichik.

Hebreos 11:22

Iñiyllawanmi Joseypas, wañukunanpaqña kachkaspan Israelpa miraynin runakuna Egipto nacionmanta lloqsinankumanta rimarirqa, kamachikurqataqmi tullunkunawan imam ruwanankutapas.

1~Pedro 5:10

Pisi tiempollapas chaykunata ñakariruptikichikqa kikin Diosmi mana chikan huchayuq kayman chayachisunkichik, qaqa hina sayaqta, kallpayuqta hinaspa allin takyaqta. Tukuy imapi yanapawaqninchik Diosmi Cristontakama qayaykuwanchik wiña-wiñaypaq kancharichkaq herenciata chaskinanchikpaq.

2~Pedro 1:15

Kallpanchakuspaymi ruwasaq, wañukuptiypas kay rimarisqakunamanta mana qonqaspa yuyarinaykichikpaq.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.