Lucas 8:47 - CHUYA QELLQA La Biblia en Quechua de Ayacucho 2012

⁴⁷ Warmiñataqmi musyarachikusqanta yacharuspan katkatatastin Jesuspa ñawpaqninpi qonqorakuykurqa, hinaspam llapa runapa qayllanpi imaynam llapchaykuspa chaylla allinyarusqanta willakurqa.

Quechua Ayacucho Bible 1987

⁴⁷ Warmiñataqmi musyarachikusqanta yacharuspan katkatatastin Jesuspa ñawpaqninpi qonqorakuykurqa, llapa runapa qayllanpim willakurqa imaynanpim llapchaykuspallan sanoyarusqanmanta.

Chuya Qellqa 1992

⁴⁷ Warmiñataqmi musyarachikusqanta yacharuspan katkatatastin Jesuspa ñawpaqninpi qonqorakuykurqa, hinaspam llapa runapa qayllanpi imaynam llapchaykuspa chaylla allinyarusqanta willakurqa.

Lucas 8:47 Iomraidhean Croise

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Oseas 13:1

Efraín castakuna rimariptinqa lliwmi manchakuqku, Israelpi llapallan ayllukunam respetaqku; ichaqa Baal idolota yupaychasqankuraykum Efraín castakunaqa wañurunku.

Oseas 5:3

Efraintaqa reqsinim, Israelpa mirayninkunaqa manam pakasqachu. Efraín, chuchumika hinañam kawsachkanki huchapakuyllapim kachkanki; Israelpas anchatam huchallikurun.

Habacuc 3:16

Kaykunata uyariykuspaymi mancharikurqani, simillaypas katkatatarqam, chakillaypas manam sayayta atirqachu, cuerpollaypas mana kallpayuqñam rikurirurqa. Chaywanpas ñoqallayqa qasillallam ñakarichiqniyku llaqtata Diospuni ñakarichinan punchawta suyallasaq.

Mateo 28:8

Chaymi warmikunañataq sepulturamanta mancharisqallaña hinaspa llumpay kusisqa lloqsiramuspanku discipulokunaman willamunankupaq kallparqaku.

Marcos 5:33

Chay warmiñataqmi sanoyarusqanta musyakuruspan manchakuymanta katkatatastin qonqorakuykuspan imam kaqta willakurqa.

Lucas 8:46

Hinaptinmi Jesusñataq nirqa: Hukkaqmi llapchaykamuwan musyakurunim ñoqamanta atiy lloqsirusqanta, nispa.

Lucas 8:48

Chaymi Jesusñataq nirqa: Churilláy, iñiynikiraykum sanoyarunki, hawkañayá pasakuy, nispa.

Hechos 16:29

Hinaptinmi chay carceleroqa achkita mañakuspan kallpaylla yaykuruspa katkatatastin Pablopa hinaspa Silaspa ñawpaqninkupi qonqorakuykurqa.

1~Corintios 2:3

Qamkunamanmi mana kallpayuq hina hinaspa manchakuymanta katkatatastin hamurqani.

2~Corintios 7:15

Payqa aswanraqmi kuyasunkichik qamkunapa kasukusqaykichikta hinaspa respetaspa manchakuywan chaskisqaykichikta yuyarispa.

Filipenses 2:12

Kuyasqay wawqe-panillaykuna, qamkunawan kaptiymi tukuy tiempo kasuwarqankichik, ichaqa manam qamkunawan kaptillaychu, chaynaqa karupi kaptiypas aswanraqyá kasuwaychik. Manchakuywan hinaspa respetowanyá salvasqa kasqaykichikta allinta waqaychaychik,

Hebreos 12:28

Diospa manaña tukuq munaychakuyninta chaskichkaspanchikqa Diosman graciasta qospayá, munasqanta ruwaspa respetowan yupaychaspa servisunchik.

1~Samuel 16:4

Chaynapim Samuelqa Tayta Diospa kamachisqanman hina ruwarqa. Belén llaqtaman Samuel chayaruptinmi, payta chaskinankupaq ancianokuna mancharisqallaña lloqsimurqaku, hinaspam tapurqaku: Taytáy, ¿allinpaqchu hamuchkanki? nispa.