Lucas 8:43 - CHUYA QELLQA La Biblia en Quechua de Ayacucho 2012

⁴³ Chay runakunapa chawpinpim chunka iskayniyuq wataña yawarpakuywan onqoq warmi kachkarqa, tukuy kapuqninkunata rantikuspam medicokunawan hampichikurqa, ichaqa manam mayqanninkupas sanoyachiyta atirqakuchu.

Quechua Ayacucho Bible 1987

⁴³ Chay runakuna ukupim kachkarqa chunka iskayniyoq wataña flujowan onqoq warmi, kapuqninkunata *f**rantikuspan medicokunawan hampichikuspapas manam sanoyarqachu.

Chuya Qellqa 1992

⁴³ Chay runakunapa chawpinpim chunka iskayniyuq wataña yawarpakuywan onqoq warmi kachkarqa, tukuy kapuqninkunata rantikuspam medicokunawan hampichikurqa, ichaqa manam mayqanninkupas sanoyachiyta atirqakuchu.

Lucas 8:43 Iomraidhean Croise

2~Crónicas 16:12

Kimsa chunka isqonniyuq wataña munaychakuchkaspanmi rey Asaqa chaki nanaywan llumpayta onqorurqa, onqoruchkaspanpas manam Tayta Diostaqa maskarqachu aswanqa doctorkunamanmi hapipakurqa.

Jobwan Sutichasqa Libro 13:4

Qamkunaqa llullakuspam imatapas pakaykunkichik, qamkunaqa pitapas mana hampiy atiq doctorkunam kankichik.

Isaías 2:22

Mana valeq runapiqa ama hapipakuychikchu, runapa kawsayninqa huk samay hinallam.

Marcos 12:44

Wakiqninkuqa puchuqllankutañam churarqaku, wak viudam ichaqa wakcha kayninpi vida pasananpaq kaqta lliwta churaykun, nispa.

Marcos 9:18

Chaymi chay mana allin espirituqa munarispanqa pampakunaman maypipas wischuykun, payñataqmi pusoqollataña atqospan kirunkunatapas kirichichiyllaña kachukun, hinaspam kaskitakun. Discipuloykikunatam chay mana allin espirituta qarqonankupaq nirqani ichaqa manam atirqakuchu, nispa.

Lucas 13:11

Chaypim kachkarqa chunka pusaqniyuq wataña onqoq warmi. Kurkunpalla puriqta demonio ruwaruptinmi chayna kurkunpalla puriq.

Lucas 13:16

Kay warmiqa Abrahampa mirayninmanta karqa, paytam chunka pusaqniyuq wataña Satanás watarurqa, ¿chaychu samana punchawña kachkaptinpas mana sanoyaykachiyman? nispa.

Lucas 8:27

Barcamanta Jesús lloqsiykuptinmi demonioyuq runa paywan tupaykunanpaq llaqtamanta lloqsimurqa. Payqa unayñam qalalla karqa, wasipipas manaña yachaspanmi panteonllapiña yachakurqa.

Lucas 8:42

Chunka iskayniyuq watanpi kaq sapallan warmi churiymi wañuruchkanña, nispan. Riptinmi Jesusta achkallaña runakuna ñiti-ñiti qatirqaku.

Lucas 8:44

Kay warmim Jesuspa qepanta rispan capanpa patanta llapchaykurqa, hinaspam yawarpakuyninmanta chaylla sanoyarurqa.

Juan 9:1

Jesusmi richkaspan rikururqa nacekusqanmantapuni ñawsa runata.

Juan 9:21

Icha-qa manam yachanikuchu imaynam qawarikusqantapas chaynataq pim qawarirachisqantapas, chaynaqa kikintayá tapuychik, yuyayniyuqñam, kikinmi willasunkichik, nispanku.

Hechos 3:2

Chay templopa punkunmanmi nacesqanmanta suchu runata sapa punchaw apaqku, hinaspam Hermosawan sutichasqa punkupi churaqku, chaynapi yaykuq runakunamanta limosnata mañakunanpaq.

Hechos 4:22

Chay sanoyaq suchu runaqa karqa tawa chunka masnin watayuqñam.