Lucas 8:32 - CHUYA QELLQA La Biblia en Quechua de Ayacucho 2012

³² Achka kuchikunam orqopa waqtanpi mikuchkarqaku. Chaymi demoniokuna Jesusta ruegakurqaku chay kuchiku-naman yaykurunankupaq. Jesús “arí” niykuptinmi,

Quechua Ayacucho Bible 1987

³² Hichpanku orqopa waqtanpim achka-achka kuchikuna mikuchkarqa. Chaymi demoniokunañataq Jesusta ruegakurqaku chay animalkunaman yaykurunankupaq. Jesus “arí” niykuptinmi

Chuya Qellqa 1992

³² Achka kuchikunam orqopa waqtanpi mikuchkarqaku. Chaymi demoniokuna Jesusta ruegakurqaku chay kuchikunaman yaykurunankupaq. Jesús “arí” niykuptinmi,

Lucas 8:32 Iomraidhean Croise

1~Reyes 22:22

Chay espirituñataqmi nirqa: “Lloqsispaymi llapa profetankunata llullakunata rimachisaq”, nispa. Chaymi Tayta Dios nirqa: “Arí, atinkim pantachimuyta, rispayá chaynata ruwaramuy”, nispa.

Jobwan Sutichasqa Libro 1:10

Qamqa pipas mana llapchaykunanpaqmi qenchawan hina muyuruspa payta, ayllunkunata hinaspa tukuy ima kapuq-ninkunatapas waqaychachkanki. Llam-kaynintapas, animalninkunatapas bendeciykuptikim, llapa tukuy imanpas llumpa-llumpayta mirarun.

Jobwan Sutichasqa Libro 1:12

Chaymi Satanasta Tayta Dios, nirqa: Allinmi, munasqaykitayá llapa kapuqninkunawan ruwamuy. Jobtam ichaqa ama llapchayllapas llapchaykunkichu, nispa. Chaymantam Satanasqa Tayta Diospa qayllanmanta lloqsirqa.

Jobwan Sutichasqa Libro 2:6

Hinaptinmi Satanasta Tayta Dios nirqa: Allinmi, munasqaykitayá paywan ruway, ichaqa amam wañuchinkichu, nispa.

Isaías 65:4

Paykunaqa sepulturakunapim tiyanku, pakasqa machaykunapim achikyanku, kuchi aychatam mikunku, mankankupipas millakuypaq caldokunatam yanunku.

Isaías 66:3

Ichaqa Torota sacrificapuwaqniymi runatapas wañuchintaq, ovejata kañapuwaqniymi allqotapas nakantaq; kawsaykunata ofrecewaqniymi kuchipa yawarnintapas ofrecentaq; inciensota kañapuwaqniymi idolokunatapas yupaychantaq. Paykunaqa Diospa millakusqanta ruwaspam kusikunku.

Levítico 11:7

Kuchitaqa amam mikunkichikchu, kuchiqa pallqa situyuq kaspapas mana kutipaqmi. Chay animaltaqa millakuypaq animalpaqmi hapinkichik.

Mateo 7:6

Diospa kaqninkunataqa amayá allqokunamanqa qoychikchu, yanqañataq kutiriykuspa llikiparusunkichikman. Amataqyá perlaskunatapas kuchiku-namanqa qoychikchu, yanqam sarutyarunmanku.

Lucas 8:31

Demoniokunam Jesusta ruegakur-qaku: Amayá uku pachamanqa wischuykuwaykuchu, nispanku.

Lucas 8:33

demoniokunaqa runa-manta lloqsiruspanku kuchikunaman ustururqaku, hinaptinmi chay kuchi-kunaqa tukuy waqtata kallpaspan-ku qochaman pawaykuspanku heqepa-rurqaku.

Juan 19:11

Jesusñataqmi nirqa: Sichum atiyta Dios mana qosuptikiqa manam imanawankimanchu. Chaynaqa, qampa makikiman ñoqata churamuqmi qanmantapas aswan huchayuqqa, nispa.

1~Juan 4:4

Churillaykuna, qamkunaqa Diospam kankichik, llullakuqkunataqa ñam vencerunkichikña; qamkunawan kaq Diosninchik kay pachapi munaychakuq supaymantaqa aswan atiyniyuq kasqanrayku.

Apocalipsis 20:7

Waranqa wata pasaruptinñataqmi Sata-nasqa preso kayninmanta kacharisqa kanqa,