Lucas 8:27 - CHUYA QELLQA La Biblia en Quechua de Ayacucho 2012

²⁷ Barcamanta Jesús lloqsiykuptinmi demonioyuq runa paywan tupaykunanpaq llaqtamanta lloqsimurqa. Payqa unayñam qalalla karqa, wasipipas manaña yachaspanmi panteonllapiña yachakurqa.

Quechua Ayacucho Bible 1987

²⁷ Botemanta Jesus lloqsiykuptinmi llaqtamanta lloqsimuq demonioyoq runa paywan tuparurqa. Unayñam qalalla karqa, wasipi manaña *f**yachaspanmi panteonllapiña *f**yachakuq.

Chuya Qellqa 1992

²⁷ Barcamanta Jesús lloqsiykuptinmi demonioyuq runa paywan tupaykunanpaq llaqtamanta lloqsimurqa. Payqa unayñam qalalla karqa, wasipipas manaña yachaspanmi panteonllapiña yachakurqa.

Lucas 8:27 Iomraidhean Croise

Isaías 65:4

Paykunaqa sepulturakunapim tiyanku, pakasqa machaykunapim achikyanku, kuchi aychatam mikunku, mankankupipas millakuypaq caldokunatam yanunku.

Números 19:16

Pipas chaychaypi kachkaspan, espadawan wañuchisqa runapa ayanta, kikillanmanta wañuruqpa ayanta, ayapa tullunta otaq sepulturanta llapcharuq runaqa qanchis punchawmi millakuypaq kanqa.

Mateo 4:24

Jesuspa ancha reqsisqa kayninta yacharuspankum Siria lawpi kaqkunapas tukuy rikchaq onqoywan kaqkunata, nanaywan ñakariqkunata, demoniopa ñakarichisqankunata, wañuymañayuqkunata hinaspa suchu-kunata apamurqaku, paykunatam Jesús sanoyachirqa.

Marcos 5:15

Jesuspa kasqanman chayaruspankum demoniokunapa huntasqan runataqa allin pachasqata hinaspa yuyayninman kutisqataña tiyachkaqta tariykurqaku; chaymi llumpayta mancharikururqaku.

Lucas 8:26

Gadara lawmanmi chayarurqaku, chayqa kachkan Galilea qochapa chimpanpim.

Lucas 8:28

Jesusta rikuykuspanmi qaparirqa, hinaspam ñawpaqninpi qonqorakuykuspan nirqa: Tukuy imapa hawanpi munaychakuq Diospa Churin Jesús, ¿imatataq ñoqawan munanki? ¡Ruegakuykim ama ñakarichiwanaykipaq! nispa.

1~Samuel 19:24

Chaymantam Saulqa pachantapas chustukuruspan Samuelpa ñawpaqninpi qalallaña profetizarqa, hinaspanmi tukuy punchaw chaynataq tukuy tuta pampapi qalalla karqa. Chayraykum runakuna rimakuqku: ¿Saulpas profetañachus kasqa? nispanku.