Lucas 7:47 - CHUYA QELLQA La Biblia en Quechua de Ayacucho 2012

⁴⁷ Chayraykum niki, achka-achka huchankunam pampachasqa, chayraykum payqa llumpayta kuyawan. Pipas pisilla huchanmanta pampachasqam ichaqa pisillatataq kuyakunpas, nispa.

Quechua Ayacucho Bible 1987

⁴⁷ Chaymi niki, achka-achka huchankunam pampachasqa, chayraykum payqa llumpayta kuyawan. Pipas pisilla huchanmanta pampachasqam ichaqa pisillatataq kuyakunpas.

Chuya Qellqa 1992

⁴⁷ Chayraykum niki, achka-achka huchankunam pampachasqa, chayraykum payqa llumpayta kuyawan. Pipas pisilla huchanmanta pampachasqam ichaqa pisillatataq kuyakunpas, nispa.

Lucas 7:47 Iomraidhean Croise

Isaías 1:18

Tayta Diosqa nintaqmi: Chaynaqa, tanteanakunapaqyá ñoqaman hamuychik, cochinilla hina moradoña huchaykichik kaptinpas ritita hinam yuraqyachisqaykichik, carmesí hina pukay-pukayña huchaykichik kaptinpas yuraq millwata hinam yuraqyachisqaykichik.

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Ezequiel 16:63

Mana allin ruwasqaykikunamanta pampachaykuptiymi chaykunata yuyarispa penqakuymanta simikitapas manaña kicharinkichu. Ñoqa Tayta Dios chaynata nini.

Miqueas 7:19

Huktawanyá llakipayariykullawayku, hinaspayá huchallaykutapas pamparuy, lamar qocha ukunmanñayá wischuykuy.

Mateo 10:37

Pipas tayta-mamanta ñoqamanta masta kuyaqqa manam ñoqapaq hinachu, pipas wawa-churinta ñoqamanta masta kuyaqqa manataqmi ñoqapaq hinachu.

Lucas 7:39

Convidaqnin fariseoñataqmi chayta qawaykuspan piensarqa: “Sichum kay runa cheqaptapuni profeta kaspanqa, yachanmanmi imayna clasem kay llapchaqnin warmi kasqanta, kay warmiqa huchasapam”, nispan.

Lucas 7:46

Aceitewanpas manam umaymanqa tallirqankichu, kay warmim ichaqa perfumewanraq chakiykunaman talliykun.

Lucas 7:48

Chaynata niruspanmi warmitañataq nirqa: Huchaykikunaqa pampachasqañam, nispan.

Hechos 5:31

Paytam hatunchaspan alleq lawninman Dios churarqa, chaynapi munaychakuq hinaspa salvaqninchik kananpaq chaynataq Israelpa mirayninkuna huchankumanta wanakuspa pampachasqa kanankupaq.

Romanos 5:20

Leyqa qomusqa karqa hucha astawan achkayananpaqmi, ichaqa hucha astawan rikuriptinmi, Diospa kuyapayakuyninpas aswan chaninchasqa karqa.

2~Corintios 5:14

Cristopa kuyakuyninmi ñoqanchikpi munaychakun, llapallanchikpa rantinchikpi Cristopa wañusqanta yachaspaqa, yachanchiktaqmi wañusqa hinaña kasqanchikta.

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

Efesios 6:24

Haykam mana iskayrayaspa Señorninchik Jesucristota kuyaqkunamanyá, kuyakuyninta Diosninchik qochun.

Filipenses 1:9

Kaytam mañakuchkani, Diospa kuyakuynin qamkunapi aswan-aswan wiñananpaq chaynataq yachaytawan yuyayta qosunaykichikpaq,

1~Timoteo 1:14

Señorninchikmi kuyakuyninta ñoqaman achkanpi chaqchurimuwarqa hinaspam Jesucristopi kaq iñiytawan kuyakuyta qoykuwarqa.

1~Juan 1:7

Imaynam Diospas achkiypi kachkan, chaynayá ñoqanchikpas achkiypi kawsasun, kikinchikpurapas hukllayá kasun, hinaptinqa Diospa Churin Jesucristopa yawarninmi lliw huchanchikkunamanta mayllawasun.

1~Juan 3:18

Churillaykuna, amayá simillawanchu kuyanakusunchikqa, aswanqa cheqap ruwaywanyá kuyanakuychik.

1~Juan 4:19

Diostaqa kuyanchik paypuni puntata kuyawasqanchikraykum.

1~Juan 5:3

Diosta kuyayqa kamachikuyninkuna kasukuymi, kamachikuyninkunaqa manam sasa apaychu,