Lucas 7:16 - CHUYA QELLQA La Biblia en Quechua de Ayacucho 2012

¹⁶ Chaypi kaqkunañataqmi llumpayta mancharikurqaku, chaymi Diosta kaynata nispa yupaycharqaku: Chawpinchikpim hatun profeta hatarirun. Diosmi yanapaykunanpaq llaqtanta watukaykamun, nispanku.

Quechua Ayacucho Bible 1987

¹⁶ Llapallan chaypi kaqkunañataqmi Diosta mancharisqallaña alabaspanku nirqaku: —Ancha reqsisqa willakuqmi ñoqanchik ukupi rikurirun. Diosmi runankunata watukaykamuwanchik —nispa.

Chuya Qellqa 1992

¹⁶ Chaypi kaqkunañataqmi llumpayta mancharikurqaku, chaymi Diosta kaynata nispa yupaycharqaku: Chawpinchikpim hatun profeta hatarirun. Diosmi yanapaykunanpaq llaqtanta watukaykamun, nispanku.

Lucas 7:16 Iomraidhean Croise

Éxodo 4:31

Chaymi paykunapa nisqanta runakuna creerqaku. Israelpa mirayninkunam paykunaman Tayta Diospa watukusqanta yachaykuspanku, ñakarisqankutapas qawaykusqanta uyariykuspanku kumuykuspa Diosta hatuncharqaku.

Jeremías 33:9

Jerusalén llaqtam kusikunay llaqta kanqa, kay pachapi nacionkunapa hatunchakunan hinaspa ancha reqsisqa kanan llaqtam kanqa. Jerusalén llaqtapi yachaqkunapaq tukuy allinkunata ruwaspay hawkayaypi kawsachisqayta uyarispankum chay nacionkuna manchakuspa katkatatanqaku, nispa.

Mateo 15:31

Chaymi mana rimaqkuna rimaptin, wañusqa makiyuqkuna sanoyaptin, wistukuna puriptin hinaspa ñawsakuna qawarikuptin llapa runakuna admirakurqaku. Chayraykum Israel nacionpa Diosninta yupaycharqaku.

Mateo 21:11

Hinaptinmi runakunañataq nirqaku: Payqa Galilea law Nazaret llaqtayuq profeta Jesusmi, nispanku.

Mateo 28:8

Chaymi warmikunañataq sepulturamanta mancharisqallaña hinaspa llumpay kusisqa lloqsiramuspanku discipulokunaman willamunankupaq kallparqaku.

Mateo 9:8

Chayta qaway-kuspankum llapa runakuna mancharikurqaku, hinaspam runakunaman atiy qosqanmanta Diosta yupaycharqaku.

Lucas 1:65

Chaykuna pasakusqanwanmi veci-nonkuna llumpay mancharisqallaña karqaku, hinaspam Judea law orqokunapi lliw willakurqaku.

Lucas 1:68

Israelpa Diosninyá qapaqchasqa kachun, payqa llaqtanta salvaykunanpaqmi hamurqa.

Lucas 19:44

Pasaypaq tuñichisqam kanki, runaykikunatapas lliwtam wañuchinqaku. Rumikikunapas manam chullapas perqasqaqa puchunqachu, salvaqniki Diosta mana reqsikusqaykirayku, nispan.

Lucas 2:20

Michiqkunañataqmi imaynam angelpa nisqanman hina tukuy ima pasakusqanta qawaykuspanku chaynataq uyariykuspanku Diosta yupaychastin kusisqallaña kutikurqaku.

Lucas 24:19

Chaymi Jesusñataq nirqa: ¿Imataq pasakururqa? nispa. Hinaptinmi paykunañataq nirqaku: Rimachkanikuqa Nazaret llaqtayuq Jesusmantam. Payqa karqa profetam hinaspa Diospa qayllanpipas chaynataq runakunapa qayllanpipas atiywan rimaspa imatapas ruwaqmi.

Lucas 5:26

Chaymi lliw admirakuspanku Diosta yupaycharqaku, hinaspam ancha mancharisqallaña nirqaku: ¡Kunanqa admirakuypaq kaqkunatam rikuykunchik! nispanku.

Lucas 5:8

Chayta Simón Pedro qawaykuspanmi Jesuspa ñawpaqninpi qonqorakuykuspan nirqa: Señor, ñoqamanta asurikuy, huchasapa runam kallani, nispan.

Lucas 7:15

Hinaptinmi wañusqanmanta kawsariruspa rimayta qallaykurqa, chaymi Jesusñataq mamanman qoykurqa.

Lucas 7:39

Convidaqnin fariseoñataqmi chayta qawaykuspan piensarqa: “Sichum kay runa cheqaptapuni profeta kaspanqa, yachanmanmi imayna clasem kay llapchaqnin warmi kasqanta, kay warmiqa huchasapam”, nispan.

Lucas 8:37

Chaymi Gadara lawpi runakuna mancharikuspanku Jesusta ruegarqaku, paykunapa kasqanmanta huklawman pasakunanpaq. Hinaptinmi Jesusqa barcaman qespiykuspan pasakurqa.

Lucas 9:19

Chaymi paykunañataq nirqaku: Wakinmi ninku, Bautizaq Juan kasqaykita; wakinñataqmi ninku, Elías kasqaykita; otaqmi ñawpaq profetakunamantam hukkaqnin kawsariramun, nispanku.

Juan 1:21

Hinaptinmi tapurqaku: Chaynaqa, ¿pitaq kanki? ¿Icha profeta Eliaschu? nispanku. Juanñataqmi nirqa: Manam ñoqaqa Eliaschu kani, nispa. Chaymi paykunañataq kaqllamanta tapurqaku: ¿Icha qamchu Diospa kachamusqan profeta kachkanki? nispanku. Juanñataqmi nirqa: Manam paychu kani, nispa.

Juan 1:25

Paykunam musoqmanta tapuspa nirqaku: Mana Cristopas, ni Eliaspas, nitaq profetapas kachkaspaykiqa, ¿imanasqataq bautizankiqa? nispanku.

Juan 4:19

Chaynata niptinmi chay warmiñataq nirqa: Señor, qamqa profetachusmi kasqanki.

Juan 6:14

Jesuspa milagro ruwasqanta qawaykuspankum llapa runakuna nirqaku: Payqa cheqaptapunim kay pachaman hamuq profeta kasqa, nispanku.

Juan 9:17

Chayraykum chay sanoyaruq ñawsata musoqmanta tapurqaku: ¿Qamqa imaninkitaq ñawiki qawarichisuqniki runamantaqa? nispanku. Hinaptinmi payñataq nirqa: Payqa profetam, nispa.

Hechos 5:5

Chayta uyariruspanmi Ananías pampaman wichiykuspa wañururqa. Chaymi llapallan uyariqkuna anchallataña mancharikururqaku.

Hechos 7:37

Kay Moisestaqmi Israelpa mirayninkunata nirqa: “Diosmi castanchikmanta ñoqa hina profetata hatarichinqa, paytam uyarinkichik”, nispa.

Gálatas 1:24

Chayta yacharuspankum, ñoqamanta Diosta hatuncharqaku.

Deuteronomio 18:15

Señornikichik Tayta Diosmi qamkunamanta ñoqa hina profetata hata-richinqa, hinaptinmi payta kasunkichik.