Lucas 7:13 - CHUYA QELLQA La Biblia en Quechua de Ayacucho 2012

¹³ Chayta qawaykuspanmi Jesusñataq chay viudata llakipayarispan nirqa: Ama waqaychu, nispa.

Quechua Ayacucho Bible 1987

¹³ Viudata Señor qawarispanmi llakiparikuspa nirqa: —Ama waqaychu —nispa.

Chuya Qellqa 1992

¹³ Chayta qawaykuspanmi Jesusñataq chay viudata llakipayarispan nirqa: Ama waqaychu, nispa.

Lucas 7:13 Iomraidhean Croise

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Jeremías 31:20

Ñoqa Tayta Diosmi nini: Efraín llaqtaqa kuyasqay churiymi, payqa ancha kuyasqay churiymi; qaqcharuspaypas paytaqa manam qonqanichu, paymantaqa sonqoypas waqanmi, paymantaqa sinchitam llakikuni.

Marcos 8:2

Kay runakunamantam llakipayarikuni, paykunaqa kimsa punchawñam ñoqawan kachkanku, manam imapas mikunankupaq kanchu,

Lucas 10:1

Kaykunapa qepantam, Señorqa qanchis chunka iskayniyuqta akllarqa, paykunatam maymi rinan llaqtakunaman iska-iskaytakama ñawpachirqa.

Lucas 11:1

Huk sitiopim Jesús mañakuchkarqa, chaymi tukuykuptin huknin discipulon nirqa: Señor, imaynam Bautizaq Juanpas discipulonkunata yachachisqanta hinayá qampas Diosta imaynam mañakuyta yachachiwayku, nispa.

Lucas 11:39

Chaymi Jesusñataq nirqa: Yaw fariseokuna, qamkunaqa vasotawan platotapas hawallantam mayllankichik, ukuykichikmi ichaqa suwakuywan hinaspa mana allin ruwaywan huntasqa kachkan.

Lucas 12:42

Chaymi Señorñataq nirqa: ¿Pitaq allin yuyayniyuq hinaspa allin yachayniyuq sirvienteqa? ¿Paytaqa manachum patronninpas wasinpi churaykun, wasinpi kaqkunaman imam horapi mikuchinanpaq?

Lucas 13:15

Señorñataqmi nirqa: ¡Yaw, llapa iskay uyakuna! ¿Manachum qamkunapas toroykichikta otaq asnoykichikta samana punchawpi paskaspa yaku tomachiq pusankichik?

Lucas 17:5

Apostolninkunam Señorta mañakurqaku: Iñiytayá yapaykuwayku, nispanku.

Lucas 17:6

Chaymi Señorñataq nirqa: Mostazapa muhun hinallapas iñiynikichik kaptinqa kay purun higos sachatam niwaqchik: “Sapikimanta chutakuspa lamar qochapiña sapichakamuy” nispa, hinaptinqa kasusunkichikmanmi.

Lucas 18:6

Chaymantam Jesús nirqa: Chaynatam kay mana allin juez nirqa.

Lucas 19:8

Zaqueoñataqmi sayariykuspan Señorta nirqa: Señor, kapuqniykunatam partenta wakchakunaman qosaq, sichum engañaspay pimantapas suwakusqaytañataqmi tawa kuti mirayniyuqta kutichipusaq, nispa.

Lucas 22:61

Chaymi Jesusñataq muyuriykuspan Pedrota qawariykurqa, Pedroñataqmi Señorpa kayna nisqanta yuyarirurqa, paymi nirqa: “Kunanpunim manaraqpas utulu waqachkaptin reqsiwasqaykita kimsa kutikama negawanki” nispa.

Lucas 24:3

chaymi yaykuruspanku Señor Jesuspa cuerpontaqa manaña tarirqakuchu.

Lucas 24:34

Paykunam ninakuchkasqaku: Cheqaptapunim Señorqa kawsarirusqa. Pedromanpas rikuriykunñam, nispanku.

Lucas 7:12

Llaqtapa punkunman hichpaykuchkaptinkum, huk viudapa sapallan qari wawan wañuruptin pampaq apachkarqaku. Llaqta runakunapas achkallañam pampaysiq rirqaku.

Lucas 7:14

Hinaspam chakanaman asuykuspa llapchaykurqa, hinaptinmi llapa wantuqkunapas sayarurqaku, chaymi ayata Jesús nirqa: Yaw joven, qamtam niki, ¡hatariy! nispa.

Lucas 7:19

Jesusta tapuchimurqa: ¿Qamchu Diosmanta hamuq kachkanki, icha huktachu suyasaqku? nispa.

Lucas 8:52

Llapallanku pitukuykuspa-pitukuykuspa qaparillawanña waqaptinkum Jesús nirqa: Ama waqaychikchu, warmaqa manam wañusqachu kachkan, aswanqa puñuyllam puñuchkan, nispa.

Juan 11:2

Huk kutipim onqoq Lazaropa panin María, Señor Jesuspa chakinman perfumeta talliykurqa, hinaspam chukchanwan chakichirqa.

Juan 11:3

Lazaropa paninkunam Señor Jesusman willachiq kacharqaku: Señorlláy, amistadniki Lazarom onqochkan, nispanku.

Juan 20:13

Mariatam tapurqaku: Warmi, ¿imanasqataq waqachkanki? nispanku. Payñataqmi nirqa: Señorniytam aparusqaku chaymi mana yachanichu mayman churasqankutapas, nispa.

Juan 20:15

Jesusmi tapurqa: Warmi, ¿imanasqataq waqachkanki? ¿Pitataq maskachkanki? nispan. Mariañataqmi piensarqa huerta nanachikuq kasqanta, chaymi nirqa: Señor, qam aparuspaykiqa willaykuwayá maypim churaramusqaykitapas chaynapi rispay apakunaypaq, nispa.

Juan 4:1

Fariseokunam yacharurqaku Jesusqa Juanmantapas aswan achka discipulokunata hatarichisqanta hinaspa bautizasqanta. Chaytam Jesús yacharurqa.

Juan 6:23

Chaymanmi Tiberias llaqtamanta barcakuna chayaramurqa, chaypim Jesús graciasta qospa tantata runakunaman mikuchirqa.

1~Corintios 7:30

Llakisqa kaqkunapas mana llakiyuq hinam kananku, kusisqa kaqkunapas mana kusikuyniyuq hinam kananku, chaynataqmi rantiqkunapas mana kapuqniyuq hinaña kananku.

1~Tesalonicenses 4:13

Wawqe-panillaykuna, munachkanikutaqmi wañuqkunamanta yacha-naykichiktapas, chaynapi mana suyakuyniyuqkuna hina ama llakikunaykichikpaq.

Hebreos 2:17

Chayraykum wawqenkunaman tukuy imapi rikchakurqa chaynapi llakipayakuq hinaspa hapipakunapaq kasqanrayku Diospa qayllanpi sacerdotekunapa kamachiqnin kananpaq hinaspa runakunapa huchanrayku wañuspan, paykunapaq Diospa pampachakuyninta haypananpaq.

Hebreos 4:15

Sumo sacerdotenchik Jesusqa huchaman urmaqlla kayninchikmanta llakipayawaqninchikmi. Paypas ñoqanchik hinam tukuypi tentasqa karqa, ichaqa manam huchallikurqachu.

Jueces 10:16

Hinaspam huklaw nacionkunapa diosninkunata chawpinkumanta wischuruspanku Tayta Diostaña servirqaku, chaymi Israelpa mirayninkunapa ñakariyninta qawarispan Tayta Dios llakipayariykurqa.