Lucas 7:12 - CHUYA QELLQA La Biblia en Quechua de Ayacucho 2012

¹² Llaqtapa punkunman hichpaykuchkaptinkum, huk viudapa sapallan qari wawan wañuruptin pampaq apachkarqaku. Llaqta runakunapas achkallañam pampaysiq rirqaku.

Quechua Ayacucho Bible 1987

¹² Llaqtapa punkunman chayaykuchkaptinkuñataqmi pampaq apachkasqaku viudapa sapallan qari wawanta. Llaqta runakunapas achkallañam viudawan richkasqa.

Chuya Qellqa 1992

¹² Llaqtapa punkunman hichpaykuchkaptinkum, huk viudapa sapallan qari wawan wañuruptin pampaq apachkarqaku. Llaqta runakunapas achkallañam pampaysiq rirqaku.

Lucas 7:12 Iomraidhean Croise

Génesis 22:12

Angelñataqmi nirqa: Ama imanaychu chay warmata, ñam yachaniña Dios manchakusqaykita, kuyasqayki sapallan churiki kachkaptinpas manam negakurqankichu Diospaq ofreceyta, nispa.

Génesis 22:2

Chaymi Dios nirqa: Moriah lawman riy kuyasqayki sapallan churiki Isaacta pusarikuspa, chaypi payta kañaspa ofrecemuway, ñoqam nisqayki mayqan orqopim ruwanaykitapas, nispa.

2~Samuel 14:7

Chaymi ñoqapa contraypi llapallan aylluykuna hatariramuspa niwachkanku: Wawqen wañuchiq wawaykita makiykuman churamuy wawqen wañuchisqanmanta wañuchinaykupaq, chaynapi herencia chaskinantapas amaña chaskinanpaq, nispanku. Chaynaqa, reynilláy, huknin wawaytachiki nina sansa hina kachkaqta chinkarachinqaku, hinaptinchá qosaypa sutinpas chaynataq mirayninpas kay pachamanta chinkarunqa, nispa.

1~Reyes 17:12

Chaymi viudañataq nirqa: Señorniki Tayta Diosraykum jurani, manam tantayqa kapuwanchu, aswanqa tinajaypi putqoy harinawan puyñupi pisi aceitellayñam kachkan. Kunanmi yantata huñuchkarqani, chaywan ñoqapaqwan wawaypaq tantata ruwanaypaq, chayta mikuruspaykuqa mana mikunayku kaptinchá yarqaymanta wañukusaqku, nispa.

1~Reyes 17:18

Chaymi Eliasta viuda nirqa: Diospa runan ¿imatataq contraykipi ruwaruni? ¿Huchaykunata yuyarichiwaspa wawayta wañuchinaykipaqchu hamurqanki? nispa.

1~Reyes 17:23

Chaymi Eliasqa wawata marqakuykuspan altosmanta uraykamupan mamanman qoykuspan nirqa: Kayqaya wawaykiqa kawsarirun, nispa.

1~Reyes 17:9

Hatarispayki Sidón lawpi Sarepta llaqtapi yachamuy. Chaypim huk viudata kamachiniña mikuchisunaykipaq, nispa.

2~Reyes 4:16

Hinaptinmi Eliseo nirqa: Wataman kunan hinatam qari wawata marqarinki, nispa. Hinaptinmi chay warmi nirqa: Taytalláy, amayá kay serviqnikitaqa burlakuwaychu, nispa.

2~Reyes 4:20

Chaymi criadonqa marqarikuspan mamanman chayarachirqa, chaymi ma-manpa millqayninpi chawpi punchawkama karuspan wañururqa.

Jobwan Sutichasqa Libro 29:13

Wakchayayman chayaruq runakunapas graciastam qowaqku, viudakunapas yanapaykuptiymi kusikuywan takiqku.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Lucas 7:11

Chaykunapa qepantam Jesusqa discipulonkunawan hinaspa achkallaña runakunawan kuska Naín llaqtaman rirqaku.

Lucas 7:13

Chayta qawaykuspanmi Jesusñataq chay viudata llakipayarispan nirqa: Ama waqaychu, nispa.

Lucas 8:42

Chunka iskayniyuq watanpi kaq sapallan warmi churiymi wañuruchkanña, nispan. Riptinmi Jesusta achkallaña runakuna ñiti-ñiti qatirqaku.

Lucas 8:52

Llapallanku pitukuykuspa-pitukuykuspa qaparillawanña waqaptinkum Jesús nirqa: Ama waqaychikchu, warmaqa manam wañusqachu kachkan, aswanqa puñuyllam puñuchkan, nispa.

Juan 11:19

Chaymi achkaq judiokuna rirqaku Martapatawan Mariapata turinku wañukuptin llakis-qa kasqankumanta consuelamunankupaq.

Hechos 9:39

Chaynata Pedroman willaykuptinkum paykunawan pasarqa. Chayaruptinmi Pedrota wañuqpa kasqan cuartoman pusaykurqaku, chaymi llapa viudakuna Pedroman asuykuspanku waqastin Dorcaspa ruwasqan pachakunata qawa-chirqaku.

Hechos 9:41

Pedroñataqmi makinmanta hapiykuspan sayarichirqa, hinaspam iñiqkunatawan viudakunata qayaykuspan kawsachkaqtaña paykunaman qawaykachirqa.

Santiago 1:27

Dios Taytapa qayllanpi mana pantayniyuq cheqap religionqa kayna ruwanmi: Mana tayta-mamayuqkunaman watukuykuymi, viudakunata llakinkupi yanapaykuymi hinaspa kay pachapi mana allin ruway-kunaman mana chapukuspa waqay-chakuymi.