Lucas 6:39 - CHUYA QELLQA La Biblia en Quechua de Ayacucho 2012

³⁹ Chaynata niruspanmi kay rikchanachiyta nirqa: ¿Yaqachu huk ñawsa ñawsamasinta pusayta atinman? ¿Manachum iskayninku uchkuman wichiykunqaku?

Quechua Ayacucho Bible 1987

³⁹ Chaynata niruspanmi kay rikchanachiyta nirqa: —¿Ñawsa runaqa yaqachum ñawsamasinta pusanman? ¿Manachum iskayninku uchkuman urmaykunqaku?

Chuya Qellqa 1992

³⁹ Chaynata niruspanmi kay rikchanachiyta nirqa: ¿Yaqachu huk ñawsa ñawsamasinta pusayta atinman? ¿Manachum iskayninku uchkuman wichiykunqaku?

Lucas 6:39 Iomraidhean Croise

Isaías 56:10

Llaqtay nanachikuqkunaqa ñawsakunam, mana imallatapas yachaqkunam, llapallankupas mana rimariq allqokunam, mana anyakuy atiq allqokunam, wischurayaspa puñuywan arwitakuqkunam, puñukuylla kuyaqkunam.

Isaías 9:16

Kayna kamachikuqkunam llaqtata pantarachin, kamachisqan runakunañataqmi pantaypi rikurirun.

Jeremías 6:15

Millakusqay kaqkunata ruwachkaspankupas manam paykunaqa penqakunkuchu, manañam penqakuyninkupas kanñachu. Chayraykum castigasqay punchawpi castigasqaykunawan kuska wichinqaku. Ñoqa Tayta Diosmi chaynata nini.

Jeremías 8:12

Millakuypaq ruwasqankumanta penqakunanku kachkaptinpas manam penqakurqakuchu. Paykunaqa manam penqakuytapas yachankuchu, chayraykum ñoqa Tayta Dios kaynata nini: Paykunaqa castigasqay tiempopim wichinqaku, wañuchisqakunawan kuskam wañuchisqa kanqaku.

Mateo 13:3

Jesusmi tukuy imamanta rikchanachiykunawan yachachispan kaynata nirqa: Huk runam tarpukuq lloqsirqa.

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.

Mateo 23:33

¡Maqta urukuna! ¡Maqta urupa mirayninkuna! ¿Imaynatataq infiernopi castigasqa kanaykichikmanta lluptinkichik?

Romanos 2:19

Qanmi ñawsakuna pusaqpaq hapikunki, tutayaypi kaqkunapaqpas “achkiymi kani” ninkim.

2~Timoteo 3:13

Mana allin runakuna hinaspa engañakuq runakunam ichaqa aswan-aswanraq mana allinman chayanqaku, pantachispankum paykunapas pantachisqa kanqaku.