Lucas 6:38 - CHUYA QELLQA La Biblia en Quechua de Ayacucho 2012

³⁸ Runamasikichikman qospaykichikqa, tupuman hinam llimpay-llimpayta hinaspa huntay-huntayta chaskikunkichik. Imaynam runamasikichikwan ruwasqaykichikta hinallam qamkunawanpas Dios ruwanqa, nispa.

Quechua Ayacucho Bible 1987

³⁸ Qoychikyá runamasikichikman chaynapi Dios qosunaykichikpaq. Qoptikichikqa chanin tupupim ñiti-ñitirispa hinaspa taspi-taspirispa llimparichkaqta kutichipusunkichik. Runakunawan imapas rurasqaykichikman hinam Diospas qamkunawan ruranqa.

Chuya Qellqa 1992

³⁸ Runamasikichikman qospaykichikqa, tupuman hinam llimpay-llimpayta hinaspa huntay-huntayta chaskikunkichik. Imaynam runamasikichikwan ruwasqaykichikta hinallam qamkunawanpas Dios ruwanqa, nispa.

Lucas 6:38 Iomraidhean Croise

2~Samuel 19:36

Kay serviqnikiqa compañasqayki Jordán mayupa waklaw chimpankamallañam. Chaynaqa, amañayá imatapas ofrece-wayñachu.

Ester 7:10

Hinaptinmi Amanta warkururqaku Mardoqueopaq ruwachisqan warkunapi, chayñam reypa piñakuynin tanirurqa.

Ester 9:25

Ichaqa reypa ñawpaqninman reina Ester hamuruspa mañakuptinmi, reyqa huk decretota kamachikurqa, judiokunapa contranpi Amanpa mana allinkuna tanteasqan kikillanman wichiykunanpaq. Chaynapim Amanqa churinkunapiwan warkunapi warkurachikurqaku.

Jobwan Sutichasqa Libro 42:11

Hinaptinmi paninkunapas, wawqenkunapas, lliw reqsiqninkunapas Jobta watukurqaku, hinaspam wasinpi convidota ruwaspanku paywan mikurqaku. Tayta Diospa sasachakuykuna qosqanmantapas llakipayaykuspankum sonqonta tiyachirqaku. Sapakamam qori-qollqetawan huk qori anillota qoykurqaku.

Éxodo 21:24

Runaqa paganqa ñawimantam ñawinwan, kirumantam kirunwan, makimantam makinwan, chakimantam chakinwan.

Proverbios 10:22

Diospa bendicionninqa apuyachikuqmi, Diospa bendicionninqa manam llakikuytaqa apamunchu.

Proverbios 19:17

Wakchaman prestaspaqa Tayta Diosmanmi prestachkan, chay qosqantaqa Tayta Diosmi kutichipunqa.

Proverbios 22:9

Runamasinta llakipayaq runaqa, wakchakunaman mikuykachisqanraykum bendecisqa kanqa.

Jeremías 32:18

Waranqantin runakunatam llakipayanki, tayta-mamanpa huchanmantam qepa wiñaykunata castiganki, hatun munaychakuq Diosnilláy. Sutikiqa Tukuy Atiyniyuq Tayta Diosmi.

Mateo 10:42

Pipas qatiqniykunamanta taksan kaqkunallamanpas chiri yakullatapas qoykuqqa, qatiqniy kasqanraykum premionta chaskinqa.

Mateo 7:2

Imaynam juzgas-qaykichikman hinam Diospas juzga-sunkichik, imaynam ruwasqaykichikman hinataqmi Diospas qamkunawan ruwanqa.

Marcos 4:24

Allintayá uyariychik. Imaynam runamasikichikwan ruwasqaykichikman hinam Diospas qamkunawan ruwanqa; qamkunawanqa aswantaraqmi ruwanqa.

Lucas 6:30

Pipas mañakuqnikimanqa qoykuyá, sichum pipas imaykitapas qechusuptikiqa amañayá mañaychu.

Deuteronomio 15:10

Amam maqllaqa kankichikchu, chayllam yanapaykunkichik. Chaynata ruwaptikichikqa Señor-nikichik Tayta Diosmi astawan tukuy ruwasqaykichikpi bendecisunkichik.

Santiago 2:13

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.

Jueces 1:7

Chaymi rey Adoni-bezec nirqa: Qanchis chunka reykunapa makinkunapa hinaspa chakinkunapa maman dedonkunatam qoruchirqani, paykunam mesaymanta mikuy wichiqkunata huñuspa mikuqku. Diospas ruwasqayman hinallam pagaykapuwan, nispa. Adoni-bezecta Jerusalén llaqtaman pusamuptinkum chaypi wañukurqa.