Lucas 6:30 - CHUYA QELLQA La Biblia en Quechua de Ayacucho 2012

³⁰ Pipas mañakuqnikimanqa qoykuyá, sichum pipas imaykitapas qechusuptikiqa amañayá mañaychu.

Quechua Ayacucho Bible 1987

³⁰ Mañakuqnikimanqa qoykuyá, imaykitapas apakuptinqa amañayá mañaychu.

Chuya Qellqa 1992

³⁰ Pipas mañakuqnikimanqa qoykuyá, sichum pipas imaykitapas qechusuptikiqa amañayá mañaychu.

Lucas 6:30 Iomraidhean Croise

Proverbios 19:17

Wakchaman prestaspaqa Tayta Diosmanmi prestachkan, chay qosqantaqa Tayta Diosmi kutichipunqa.

Proverbios 21:26

Qella runaqa hukpa kaqtam imatapas munan, allin ruwaq runam ichaqa imallantapas qokuykun.

Proverbios 22:9

Runamasinta llakipayaq runaqa, wakchakunaman mikuykachisqanraykum bendecisqa kanqa.

Eclesiastés 11:2

Qanchisman otaq pusaqman kapuqnikikunata aypuy, manam yachankichu ima sasachakuymi llaqtaman hamunantapas.

Eclesiastés 8:16

Kay pachapi tukuy ima ruwasqankuta yachaypi rispaymi chaynataq yachayta haypaypi rispaymi, tutapas punchawpas mana puñuyta atirqanichu.

Mateo 18:35

Chaynatam hanaq pachapi kaq Taytaypas qamkunawan ruwanqa, runamasikichikta tukuy sonqoykichikwan mana pampachaptikichikqa, nispan.

Mateo 5:39

Ñoqam ichaqa nikichik: Mana allin ruwasuqnikitaqa amayá kutichikuychu. Sichum pipas huknin uyaykipi laqyarusuptikiqa huknin uyaykitawanyá qoykuy.

Mateo 6:12

Huchaykutayá pampachawayku, imaynam ñoqaykupas mana allin ruwawaqniykuta pampachasqaykuta hina.

Lucas 11:41

Kapusuqnikichikmantayá limosnatapas qoychik, chaynapi tukuy imapas limpio kapusunaykichikpaq.

Lucas 12:33

Kapuqnikichikta rantikuspayá mana imayuqkunaman qoychik. Chaynata ruwaspaqa hanaq pachapi mana mawkayaq wayqamanmi mana tukuq kapuqnikichikta huntachichkankichik. Chaymanqa manam suwapas chayanchu, chaypiqa manataqmi puyupas tukunchu.

Lucas 18:22

Chayta uyarispanmi Jesusñataq nirqa: Chaywanpas kayraqmi ruwanayki kachkan, rispayki tukuy kapuqnikita rantikaramuy hinaspa chay qollqeta wakchakunaman qoykamuy, chaynapim hanaq pachapi kapuqniyuq kanki, hinaspayá qatiway, nispa.

Lucas 6:29

Sichum pipas huknin uyaykipi laqyasuptikiqa, huknin uyaykitawanyá qoykuy. Pipas capaykita qechusuptikiqa tunicaykitawan qoykuy.

Lucas 6:31

Chaynaqa, imaynam qamkunapaq runamasikichik ruwananta munankichik, chaynatayá qamkunapas paykunapaq ruwaychik.

Lucas 6:38

Runamasikichikman qospaykichikqa, tupuman hinam llimpay-llimpayta hinaspa huntay-huntayta chaskikunkichik. Imaynam runamasikichikwan ruwasqaykichikta hinallam qamkunawanpas Dios ruwanqa, nispa.

Hechos 20:35

Qamkunatapas yachachirqaykichikmi ñoqa hina llamkaspa wakchakunata yanapanaykichikpaq. Amayá qonqaychikchu Señor Jesucristopa nisqanta, paymi nirqa: “Chaskispa kusikuymantaqa, qospa kusikuymi aswan allinqa”, nispa.

2~Corintios 8:9

Qamkunaqa yachankichikñam Señorninchik Jesucristopa kuyawasqanchikta. Payqa apu kachkaspam qamkunata kuyasusqaykichikrayku wakchayarurqa, chaynapi wakcha kayninwan qamkuna apu kanaykichikpaq.

Efesios 4:28

Pipas suwakuqqa amañayá suwakuchunchu, aswanqa imatapas allinta ruwaspayá llamkachun, chaynapi mana imayuqkunata imallawanpas yanapaykunanpaq.