Lucas 6:25 - CHUYA QELLQA La Biblia en Quechua de Ayacucho 2012

²⁵ ¡Ay, imaynaraq kankichik llapa saksasqa runakuna! Qamkunapas yar-qaymantam kankichik. ¡Ay, imaynaraq kankichik kunan asikuqkuna! Qamkunapas llakimantam waqankichik.

Quechua Ayacucho Bible 1987

²⁵ —Yaw kunan saksasqa kaqkuna, qamkunaqa ¡imaynaraq kankichik! Yarqaymantam qamkunapas kankichik. —Yaw kunan asikuqkuna, qamkunaqa ¡imaynaraq kankichik! Llakikuymantam waqankichik.

Chuya Qellqa 1992

²⁵ ¡Ay, imaynaraq kankichik llapa saksasqa runakuna! Qamkunapas yarqaymantam kankichik. ¡Ay, imaynaraq kankichik kunan asikuqkuna! Qamkunapas llakimantam waqankichik.

Lucas 6:25 Iomraidhean Croise

Proverbios 14:13

Asikuypa chawpinpipas sonqoqa nanakunmi, kusikuyqa waqakuypim tukun.

Proverbios 30:9

Yanqañataq saksanaykama mikuruspa qamta qepanchaspay niyman: ¿Pitaq Tayta Diosqa? nispay; otaq wakchayaspay suwakuyman, hinaspay sutikita penqayman churayman.

Eclesiastés 2:2

Hinaspaymi yacharurqani asikuyqa mana yuyayniyuqpa ruwaynin kasqanta; kusikuyñataq mana imapaqpas valeq kasqanta.

Eclesiastés 7:3

Asikuymantaqa waqaymi aswan allinqa, uyata llakichispapas ichaqa sonqotam kusichin.

Eclesiastés 7:6

Mana yachayniyuqpa asikuyninqa ninapi toqyaq kichka hinam. Chaypas waspiy hina chinkaruqllam.

Isaías 28:7

Ichaqa paykunam vinota upyasqankurayku pantarunku, poqosqa aqata upyaspam tamsakachanku. Sacerdotewan profetapas poqosqa aqawan machaspam tampikachanku, paykunaqa visión rikusqankutam qewirunku, quejapi sentenciaspam pantarunku.

Isaías 65:13

Chayraykum ñoqa Tayta Dios kaynata nini: Serviqniykunaqa mikusqam kanqaku, qamkunañataqmi yarqaymanta kankichik; serviqniykunam yakuta tomanqaku, qamkunañataqmi yakumanta ñakarinkichik; serviqniykunaqa kusisqam kanqaku, qamkunañataqmi penqaypi tarikurunkichik.

Isaías 8:21

Ñakarichisqa chaynataq yarqaymanta kaspankum runakuna kayman chayman purinqaku. Yarqayninkuraykum llumpayta piñakuspanku reyninkutawan Diosninkuta ñakanqaku, altokunatam piñasqallaña qawanqaku.

Isaías 9:20

Runaqa alleq lawpi mikuchkaspapas manam saksanchu, ichoq lawpi mikuchkaspapas hinallam yarqaymanta, churinkuta mikuchkaspapas manam contentankuchu.

Amós 8:10

Fiestaykichikkunatapas waqakuyman tikraspam, takikichikkunatapas qapariyman tikrasaq; qachqa pachawan pachachispam chukchaykichiktapas rutuchisqaykichik. Sapallan wawa churinmanta waqaqkunata hina kay pachata ruwaptiymi ancha ñakakuyllapiña tukunkichik, nispa.

Nahúm 1:10

Kichka hina wankuy-wankuyña kaspankupas sinkakuyninkupa nuyusqanña kaspankupas chakisqa qopa hinam kañasqa kanqaku.

Lucas 12:20

Ichaqa Diosmi payta nirqa: “Mana yuyayniyuq runa, kunan tutam almayki mañaq hamuchkan. Chaynaqa, ¿pipaqtaq kanqa tukuy ima huñukusqaykiqa?” nispa.

Lucas 13:28

Hinaptinmi hawapi qeparuspa, Abrahamta, Isaacta, Jacobta hinaspa profetakunata Diospa munaychakuyninpi kachkaqta qawaspa, kiruykichikpas kirichichisqa qaparkachankichik.

Lucas 6:24

¡Ay, imaynaraq kankichik llapa apukuna! Qamkunaqa ñam kusikurunkichikña.

Lucas 6:26

¡Ay, imaynaraq kankichik llapallan runakunapa hatunchasqan runakuna! Kay llapa runakunapa ñawpaq taytankupas chaynatam llapa llulla profetakunata hatuncharqaku.

Lucas 8:53

Ichaqa wañusqaña kasqanta yachas-pankum Jesusmanta asikurqaku.

Efesios 5:4

Amataqyá rimaychikchu penqaypaq kaqkunatapas, mana pasaq kaqkunamantapas, tupa-tupaykachispa rimaykunatapas, chay rimaykunaqa manam imapaqpas allinchu, aswanqa Diosllatañayá yupaychaychik.

1~Tesalonicenses 5:3

Hawkam, segurom kachkanchik, nispa, runakuna nichkaptinkum qonqayllamanta paykunaman hatun sasachakuy chayaramunqa, dolorwan hapichikuq warmi hinam kanqaku, manam lluptinqakuchu.

Santiago 4:9

Llakikuychik, waqakuy-chik hinaspa qaparkachaychik. Asi-kuynikichiktapas waqakuymanñayá tikraychik, kusikuynikichiktapas llakikuymanñayá tikraychik.

Apocalipsis 3:17

Qanmi ninki: “Apum kani, apuyarunim, manam imatapas munaniñachu” nispayki, ichaqa manam musyakunkichu llakipayaypaq mana imayuq kasqaykita, wakcha, ñawsa hinaspa qalalla kasqaykitapas.

1~Samuel 2:5

Saksaruspa puchupakuqkunam kunanqa parten tantallapaqña llamkapakuchkanku, yarqaymanta kaqkunam saksasqaña kachkanku, mana wachakuqkunapas qanchiskama wawayuqñam kachkanku, achka wawayuqkunañataqmi mana wachakuqña kachkanku.