Lucas 6:23 - CHUYA QELLQA La Biblia en Quechua de Ayacucho 2012

²³ Chaynata ruwasuptikichikqa kusikuymantayá pawaykachaychik, qamkunaqa hanaq pachapim hatun premiota chaskinkichik. Kay runakunapa ñawpaq taytankunapas chaynatam llapa profetakunata ñakarichirqaku.

Quechua Ayacucho Bible 1987

²³ Chaynata rurasuptikichikqa kusikunkichikmá. Kusikuymantayá pawaykachaychik, hatun premiotam chaskinkichik hanaq pachapi. Ñakarichisuqnikichikkunapa abuelonkunapas chaynatam rurarqa Diosmanta willakuqkunata.

Chuya Qellqa 1992

²³ Chaynata ruwasuptikichikqa kusikuymantayá pawaykachaychik, qamkunaqa hanaq pachapim hatun premiota chaskinkichik. Kay runakunapa ñawpaq taytankunapas chaynatam llapa profetakunata ñakarichirqaku.

Lucas 6:23 Iomraidhean Croise

2~Samuel 6:16

Jerusalenman Tayta Diospa Arcan chayaruptinmi, Saulpa warmi churin Mical ventananta qawarispa rey Davidta Tayta Diospa ñawpaqninpi pawaykachaspa danzasqanta rikururqa, hinaspanmi llumpayta penqarqa.

1~Reyes 18:4

chaymi Tayta Diospa profetankunata reina Jezabel wañuchiyta qallaykuptin Abdiasñataq pachak profetakunata iskay machaykunapi pakarurqa, sapa machaykunapi pichqa chunkatakama pakaruspanmi mikuyta yakuta qospan kawsachirqa.

1~Reyes 19:10

Eliasñataqmi nirqa: Tukuy Atiyniyuq Tayta Dios, sonqoymi qanmanta llumpay llakisqa kachkan, Israelpa mirayninkunam pacto ruwasqaykita saqeruspa altarnikikunatapas tuñirachinku. Profetaykikunatapas espadawan wañurachiptinkum sapallayña qeparuni, ichaqa ñoqatapas wañuchi-wanankupaqmi maskawachkanku, nispa.

1~Reyes 19:14

Eliasñataqmi nirqa: Tukuy Atiyniyuq Dios Taytalláy, son-qoymi qanmanta llumpay llakisqa tarikun, Israelpa mirayninkunam pacto ruwasqaykita saqeruspa altarnikikunatapas tuñirachinku. Profetaykikunatapas espadawan wañurachiptinkum sapa-llayña qeparuni, ichaqa ñoqatapas wañu-chiwanankupaqmi maskawachkanku, nispa.

1~Reyes 19:2

Chaymi Eliasman Jezabel kaynata nichimurqa: Dioskunayá sinchita castigawachun Baalpa profetankunawan imaynallam ruwasqaykita hina qamtapas paqarin kay horata mana ruwaruptiyqa, nispa.

1~Reyes 21:20

Chaymi Eliasta rey Acab nirqa: Yaw enemigoy, ¿tariramuwankichu? nispa. Eliasñataqmi nirqa: Arí, tariramuykim, Tayta Diospa qay-llanpim qamqa mana allin ruwayman qokurunki.

1~Reyes 22:27

Ñoqa reypa kayna nisqaytam nimunkichik: Kay runata carcelpi wichqamuychik hinaspa mikunanpaqpas tantatawan yakullata qoychik, chaynam kanqa guerrapi vencespay kutimunaykama, nispa.

1~Reyes 22:8

Chaymi Josafatta Israelpa reynin nirqa: Arí, tapunanchikpaqqa kachkanraqmi Tayta Diospa huk profetan, payqa Imlapa churin Micaiasmi, paytaqa cheqninim, manam haykapipas allintaqa willawanchu aswanqa mana allinllatam, nispa. Josafatñataqmi nirqa: Ama chaynataqa niychu, nispa.

2~Reyes 6:31

Chaypim rey qaparirqa: Safatpa churin Eliseopa umanta kunanpuni mana kuchuptiyqa Diosyá llumpa-llumpayta castigawachun, nispa.

2~Crónicas 36:16

Paykunam ichaqa Diospa kachasqan runakunamanta asikurqaku, profetakunapa willakusqankutapas mana uyariq tukuspankum burlakurqaku. Chayraykum runankunapa contranpi Tayta Dios piñakururqa manaña ima ruwaytapas atinankukama.

Nehemías 9:26

Paykunam ichaqa mana kasukurqakuchu, contraykipi hatarispankum kamachikuynikita qepancharqaku, qanman kutirikamunankupaq rimapayaqninku profetaykikunatapas wañurachispankum llumpayta piñachisurqanki.

Isaías 35:6

Wistukunam luwichu hinaraq pawaykachanqaku, mana rimaqkunam sumaqllataña qaparinqaku; yakukunam chunniqpi toqyanqa, chaki allpakunapim mayukuna kallpanqa.

Jeremías 2:30

Yanqapaqmi miraynikichikkunatapas castigarqani, paykunaqa manam corregikuyta munarqakuchu. Imaynam león wañuchin runakunata, chaynam profetaykunata espadawan wañuchirqankichik.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Mateo 5:12

Anchatayá kusikuychik, hanaq pachapim hatun premiota chaskinkichik. Chaynatam qatikacharqaku qamkunamanta ñawpaq kaq profetakunatapas.

Lucas 1:41

Rimaykusqanta Elisabet uyariykuptinmi wiksanpi wawa chaylla kuyurirurqa. Chaymi Elisabetqa Chuya Espíritu huntaykuptin

Lucas 1:44

Rimaykuwasqaykita uyariykuptiymi wiksaypi wawa kusikuymanta kuyurirun.

Lucas 6:35

Ene-migoykichiktapas kuyaspayá paykunapaq allin kaqkunata ruwaychik, imatapas mana imallapaqyá prestaychik. Chaynapim hatun premiota chaskinkichik, hinaspam hanaq pachapi Diospa churinkuna kankichik; payqa mana reqsikuqninkunatapas chaynataq huchasapakunatapas kuyapayanmi.

Hechos 14:10

Chaymi hatunmanta nirqa: ¡Hatarispa sayariy! nispa. Hinaptinmi chay runaqa hukta pawaris-pa puriyta qallaykurqa.

Hechos 3:8

Hinaptinmi chay runaqa pawarispan puriyta qallaykurqa. Paykunawanmi temploman yaykurqa puristin, pawaykachastin hinaspa Diosta yupaychastin.

Hechos 5:41

Chaymi apostolkuna llumpay kusisqallaña juzgaqninkunapa qayllanmanta lloqsirqaku, Jesucristorayku ñakarinankupaq Diospa akllasqa kasqankumanta.

Romanos 5:3

Chaynataqmi ñakariykunapipas kusikunchik, ñakariykunaqa pacienciakuytam yachachiwanchik,

2~Corintios 12:10

Chayraykum kusisqa kani mana kallpayuq kaspaypas, kamisqa kaspaypas, mana imayuq kaspaypas, ñakarichisqa kaspaypas hinaspa sasachakuykunapi kaspaypas. Mana kallpayuq kachkaspaypas aswan kallpayuqraqmi rikuriykuni.

Colosenses 1:24

Kunanqa llumpaytam kusikuni qamkunarayku ñakarisqaywan, chaynapim llapa iñiqkunarayku Cristopa ñakarisqanta kikiypa cuerpoypiña tukupachkani, llapa iñiqkunaqa Cristopa cuerponmi.

2~Timoteo 2:12

ñakarispaqa paywanmi munaychakusun, payta negaptinchikqa, paypas negaruwasuntaqmi,

Hebreos 11:26

Egipto runakunapa tukuy ima kapuqninkunamantapas astawanqa Cristorayku ñakarisqa kaytam qori-qollqeta hina akllakuykurqa, chaynataqa ruwarqa Diospa qokuyninta chaskiyta munaspanmi.

Hebreos 11:6

Mana iñiyniyuq kaspaqa manam Diostaqa agradachwanchu. Pipas Diosman asuykunanpaqqa cheqap kasqantam creenan, creenantaqmi haykam maskaqninkunamanqa premianantapas.

Santiago 1:2

Wawqe-panillaykuna, imaymana sasachakuykunapi tarikuspaykichikqa aswanraqyá kusikuychik.

1~Pedro 4:13

Aswanqa Cristopa ñakariqmasin kasqaykichikraykuyá kusikuychik, chaynapi hanaq pachamanta suma-sumaq kanchariyninta qawaspa aswanraq kusikunaykichikpaq.

Apocalipsis 2:17

Pipas uyarikuqqa, iñiqkunaman Espiritupa nisqanta uyarichun, venceq-manqa Diospa apachimusqan pakasqa maná sutiyuq mikuytam mikuchisaq hinaspam yuraq rumichata qosaq. Chay rumichapim musoq suti qellqasqa kanqa, chaytaqa manam pipas reqsinmanchu aswanqa chaskiqllanmi, nispa.

Apocalipsis 2:26

Haykam venceqkunamanqa hinaspa tukupayninkama munasqayta ruwaq-kunamanqa atiytam qosaq nacionkunapi munaychakunankupaq,

Apocalipsis 2:7

Pipas uyarikuqqa, iglesiakunaman Espiritupa nisqanta uyarichun. Haykam venceqmanqa kawsachikuq sachapa ruruntam mikunanpaq qosaq. Chay sachaqa kachkan Diospa huertanpa chawpinpim, nispa.

Apocalipsis 21:7

Pipas venceqqa tukuy kaykunatam herenciapaq chaskinqa, ñoqam Diosnin kasaq, payñataqmi churiy kanqa.

Apocalipsis 3:12

Pipas venceqtaqa Diosniypa templonpa pilarninta hinam ruwasaq, chaynata ruwaptiyqa manañam chaymanta lloqsinqachu. Paypim qellqasaq Diosniypa sutinta, qellqasaqtaqmi musoq Jerusalén llaqtapa sutintapas, chay llaqtaqa Diosniypa kasqan hanaq pachamantam uraykamunqa. Qellqasaqtaqmi musoq sutiytapas.

Apocalipsis 3:5

Pipas venceqkunaqa yuraq pachawan pachachisqam kanqaku, sutinkutapas manataqmi kawsay libromantaqa chinkachisaqchu, hinaspam Taytaypa chaynataq angelninkunapa qayllanpi sutinkumanta willakusaq.