Lucas 6:20 - CHUYA QELLQA La Biblia en Quechua de Ayacucho 2012

²⁰ Jesusñataqmi discipulonkunata qawarispan nirqa: Mayna kusisqam wakchakunaqa kankichik, Diospa munaychakuyninpas qamkunapaqmi.

Quechua Ayacucho Bible 1987

²⁰ Discipulonkunata qawarispanmi Jesus nirqa: —Mayna kusisqam wakchakunaqa kankichik, qamkunapamiki Diospa munaychakusqanqa.

Chuya Qellqa 1992

²⁰ Jesusñataqmi discipulonkunata qawarispan nirqa: Mayna kusisqam wakchakunaqa kankichik, Diospa munaychakuyninpas qamkunapaqmi.

Lucas 6:20 Iomraidhean Croise

Proverbios 16:19

Wakchakunawan uchuychakuymi aswan allin hatun tukuqkunawan apuyanamantaqa.

Proverbios 19:1

Wakcha kaspapas allin sonqoyuq kaymi aswan allinqa, mana yachayniyuq kaspa yanqamanta tumpakuq kanamantaqa.

Isaías 29:19

Sumaq sonqoyuqkunam Tayta Diospi kusikunqaku, pasaypaq wakchakunam Israelpa Chuya Diosninrayku kusikunqaku.

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Sofonías 3:12

Chawpikipim saqeykusaq uchuychakuqkunatawan wakchakunallataña, paykunam ñoqa Tayta Diospi hapipakuwanqaku.

Zacarías 11:11

Chay punchawpim chay pacto pakisqa karqa, hinaptinmi oveja rantiqkuna imam ruwasqayta qawaykuspanku yacharurqaku, chayqa Tayta Diospa Chuya simin kasqanta.

Mateo 11:5

Ñawsakunam qawakuchkanña, suchukunam purichkankuña, leprayuqkunam sanoyarunkuña, mana uyarikuqkunam uyarikuchkan-kuña, wañusqakunam kawsarinku, wak-chakunapas evangeliotam uyarichkanku, nispaykichik.

Mateo 25:34

Hinaspanmi chay Reyqa alleq-ninpi kaqkunata ninqa: “Taytaypa bendecisqankuna hamuychik; manaraq kay pacha unanchasqa kachkaptin qamkunapaq churasqa munaychakuyta chaskiychik.

Mateo 5:1

Jesusmi llapa runakunata qaway-kuspan orqoman qespispan chay-pi tiyaykurqa. Hinaspanmi discipulonkuna asuykuptinku,

Lucas 12:32

Ovejallaykuna, aslla kaspapas amayá manchakuychikchu, Dios Taytaykichikmi kuyasuspaykichik munaychakuyninta qoykusunkichik.

Lucas 13:28

Hinaptinmi hawapi qeparuspa, Abrahamta, Isaacta, Jacobta hinaspa profetakunata Diospa munaychakuyninpi kachkaqta qawaspa, kiruykichikpas kirichichisqa qaparkachankichik.

Lucas 14:15

Chayta uyariruspanmi, Jesuswan kuska mesapi tiyaqkunamanta huknin nirqa: Mayna kusisqam Diospa munaychakuyninpi mikuqkunaqa, nispa.

Lucas 16:25

Abrahamñataqmi nirqa: “Churilláy, yuyariyyá kawsaspaykiraq allin kaqkuna chaskisqaykita, Lazaroñataq ñakariyllapi kasqanta. Kunanmi ichaqa kusisqaña kaypi tarikuchkan, qamñataqmi ñakarichkanki.

Lucas 4:18

“Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa, wakchakunaman allin noticiata willakamunaypaq, llakisqa sonqoyuqkunata sanoyachimunaypaq, presokuna kacharisqa kanankupaq willamunaypaq, ñawsakunata ñawinta kichamunaypaq, ñakarichisqakunata libramunaypaq,

Hechos 14:22

Chay llaqtakunapim Jesucristoman iñikuqkunata imam creesqankupi qaqa hina sayanankupaq kallpancharqaku: Diospa munaychakuyninman yaykuqqa achka sasachakuytam ñakarinan, nispanku.

2~Corintios 6:10

Llakisqallaña kaspapas llumpay kusisqam kaniku, wakcha kaspapas achkaqtam apuyachiniku, mana imayuq kachkaptiykupas tukuy imaykum kapuwachkanku.

2~Corintios 8:2

Paykunaqa ancha sasachakuykunapi kachkaspankupas hatuntam kusikurqaku, wakcha kachkaspankupas apu hinaraqmi ofrendankutaqa tukuy sonqonkuwan qorqaku.

2~Corintios 8:9

Qamkunaqa yachankichikñam Señorninchik Jesucristopa kuyawasqanchikta. Payqa apu kachkaspam qamkunata kuyasusqaykichikrayku wakchayarurqa, chaynapi wakcha kayninwan qamkuna apu kanaykichikpaq.

1~Tesalonicenses 1:6

Qamkunaqa ñoqaykupa hinaspa Señorninchikpa ejemplontam qatichkankichik, llumpayta ñakarichkaspaykichikpas Diospa palabrantam Chuya Espiritupa kusikuy qosusqaykichikwan chaskirqankichik.

2~Tesalonicenses 1:5

Kayqa qawachiwanchik Diospa juicionqa justo kasqantam, qamkunaqa Diospa munay-chakusqanpaqñam kankichik, chayraykum ñakarichkankichikpas.

Santiago 1:12

Mayna kusisqam sasachakuykuna hamuptin pacienciakuq runaqa. Payqa chay sasachakuykunata venceruspanmi wiñay kawsay coronata chaskinqa. Chaytam Dios prometekurqa haykam kuyaqninkunaman qonanpaq.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

Apocalipsis 2:9

Ñoqaqa yachanim ruwasqaykikunatawan ñakarisqaykita hinaspa wakcha kaynikitapas, Diospaqmi ichaqa apu kachkanki. Yachanitaqmi judiom kani niqkunapa kamisusqaykitapas, paykunaqa manam judiochu aswanqa Satanaspa sinagoganmi.

1~Samuel 2:8

Diosllam wakchatapas hatarichin, payllam millay lugarmanta usuqkunatapas sayarichin, allin reqsisqa runakunawanmi tiyaykachin. Tayta Diosmi kay pachata takyachin.