Lucas 6:13 - CHUYA QELLQA La Biblia en Quechua de Ayacucho 2012

¹³ Achikyaramuptinmi discipulonkunata qayaykuspan paykunamanta chunka iskayniyuqta akllarqa. Paykunatam apostolwan suticharqa.

Quechua Ayacucho Bible 1987

¹³ Achikyaramuptinñataqmi qatiqninkunata huñuykuspa paykunamanta chunka iskayniyoqta akllarqa. Paykunatam suticharqa *f**apostolwan.

Chuya Qellqa 1992

¹³ Achikyaramuptinmi discipulonkunata qayaykuspan paykunamanta chunka iskayniyuqta akllarqa. Paykunatam apostolwan suticharqa.

Lucas 6:13 Iomraidhean Croise

Mateo 10:2

Kaykunam chunka iskayniyuq apostolninkunapa sutin: Punta kaqmi Simón, paypa huknin sutinqa Pedrom, wawqen Andrés; Jacobowan Juan, paykunaqa Zebedeopa churinkunam karqaku;

Mateo 19:28

Chaymi Jesusñataq nirqa: Cheqaptapunim nikichik, tukuy ima-pas musoqyachisqa kanan tiempo chayaramuptinmi kancharichkaq tro-nonpi runapa Churin tiyaykunqa, hinaptinmi qamkunapas chunka iskay-niyuq tronokunapi tiyaykuspa Israel ayllukunata juzgankichik.

Mateo 9:36

Chaymi achkallaña runakunata qawaykuspan paykunamanta llakipayarikurqa, mana michiqniyuq wischusqa ovejakuna hina cheqesqa kasqankumanta.

Marcos 6:30

Llapa apostolkunam Jesuswan huñunakuruspanku tukuy ima ruwamusqankuta hinaspa yachachimusqankuta willarqaku.

Marcos 6:7

Chunka iskayniyuq discipulonkunata qayaykuspanmi iska-iskaytakama kacharqa, hinaspam atiyta qorqa demoniokunata qarqonankupaq.

Lucas 11:49

Chayraykum Diosqa yachayninpi nir-qaña: “Profetakunatawan apostolkunatam kachasaq, wakintam wañuchinqa-ku wakintañataqmi qatikachanqaku”, nispa.

Lucas 22:30

chaynapi qamkunapas munaychakuyniypi ñoqawan kuska mikunaykichikpaq hinaspa tomanaykichikpaq; qamkunam tronokunapi tiyaykuspa Israelpi chunka iskayniyuq ayllukunata juzgankichik, nispa.

Lucas 6:14

Paykunam karqa: Pedrowan sutichasqan Simón, Pedropa wawqen Andrés, Jacobo, Juan, Felipe, Bartolomé,

Juan 4:33

Discipulonkunañataqmi tapuna-kurqaku: ¿Pitaq mikuyta aparamunman karqa? nispanku.

Hechos 1:13

Llaqtaman chayaramuspankum samasqanku wasipa altosninman qespirqaku. Paykunam karqaku: Pedro, Jacobo, Juan, Andrés, Felipe, Tomás, Bartolomé, Mateo, Alfeopa churin Jacobo, Zelote cananista partidomanta Simón hinaspa Jacobopa churin Judas.

Efesios 2:20

Qamkunaqa apostolkunapa hinaspa profetakunapa hawanpi perqasqa wasi hinam kankichik, chay cimientopa esquinanpi hapiq rumiñataqmi kikin Jesucristo.

Efesios 4:11

Paypunitaqmi atiytapas qorqa, wakin-man: Apóstol kananpaq, profeta kananpaq, evangelista kananpaq, michiq kananpaq hinaspa yachachikuq kananpaq.

Hebreos 3:1

Wawqe-panillaykuna, qamkunaqa kachkankichik Diospaq sapaq-chasqam chaynataq hanaq pachapi huñunasqa kanaykichikpaq qayasqam, chaynaqa Diospa kachamusqan sacerdotekunapa kamachiqnin chaskisqanchik Jesucristopiyá yuyaymanaychik.

2~Pedro 3:2

Profetakunapa nisusqaykichikta hinaspa salvaqninchik Señorpa kamachikuyninmanta apostolkunapa yachachisusqaykichiktayá yuyariychik.

Apocalipsis 12:1

Hanaq pachapim hatun señalta rikururqani: Warmim intiwan pachasqa kachkasqa, hinaspam killata saruchkasqa, umanpiñataqmi chunka iskayniyuq chaskakunamanta coronan kachkasqa.

Apocalipsis 18:20

Hanaq pachapi kaqkunapas kusikuychikyá, Diosllapaqña kawsaqkunapas kusikuychikyá, apostolkunawan profetakunapas kusikuychikyá, chay llaqtata Dios castigasqanmanta kusikuychik. Qamkunapaq allin arreglota Diospa ruwasqanmanta kusikuychik”, nispanku.

Apocalipsis 21:14

Llaqtapa muyuriqninpi perqakunapas kasqa chunka iskaynin cimientoyuqmi, sapa cimientopiñataqmi qellqasqa kasqa Corderopa chunka iskayniyuq apostolninkunapa sutinkupas.