Lucas 6:12 - CHUYA QELLQA La Biblia en Quechua de Ayacucho 2012

¹² Chay punchawkunapim Jesusqa orqoman qespirqa Taytanta mañakunanpaq, hinaspam chaypi tukuy tuta mañakurqa.

Quechua Ayacucho Bible 1987

¹² Chay punchawkunapim Taytanta mañakunanpaq Jesus rirqa orqoman, chaypim tukuylla tuta mañakurqa.

Chuya Qellqa 1992

¹² Chay punchawkunapim Jesusqa orqoman qespirqa Taytanta mañakunanpaq, hinaspam chaypi tukuy tuta mañakurqa.

Lucas 6:12 Iomraidhean Croise

Isaías 26:9

Tutakunapas qamllapim yuyaymanani, kawsanaykamaqa tuta punchawmi maskasqayki. Allinta ruwaspa munaychakuptikim kay pachapi yachaqkunaqa allin ruwayta yachanqaku.

Daniel 6:10

Chay decreto firmasqa kasqanta Daniel yacharuspanmi wasinman rispan cuartonpa Jerusalén lawman qawaq ventanankunata kichaykurqa. Hinaspam qonqoranpa kimsa kutikama sapa punchaw Diosninta mañakuspan graciasta qorqa, imaynam ñawpaqta ruwasqanta hina.

Mateo 5:1

Jesusmi llapa runakunata qaway-kuspan orqoman qespispan chay-pi tiyaykurqa. Hinaspanmi discipulonkuna asuykuptinku,

Mateo 6:6

Qamyá ichaqa, mañakunaykipaqqa cuartoykiman yaykuy hinaspa punkuta wichqaykuspa mana pipapas rikusqallanta Dios Taytaykita mañakuy, chaynapim pakasqallapi ruwasqaykita rikuq Taytayki premioykita qosunki.

Marcos 1:35

Jesusmi paqarinnintin tutapayta manaraqpas sumaqta achikyamuchkaptin, llaqtamanta lloqsispan chunniqman rirqa, hinaspam Diosta chaypi mañakurqa.

Marcos 3:13

Chaymantam Jesusqa wakin puriqmasinkunata pusarikuspan orqoman rirqa, chaypi huñunakuruptinkum,

Marcos 6:46

Llapa runakunata aviaruspanmi Diosta mañakunanpaq orqoman qespirqa.

Lucas 5:16

Jesusmi ichaqa mana runapa kasqan chunniqkunaman asurikuspan Diosta chaypi mañakuq.

Lucas 6:11

Paykunañataqmi llumpayta piñakuspanku Jesusta imatapas ruwarunankupaq tanteanakurqaku.

Lucas 6:17

Jesusmi paykunawan orqomanta uraykamuspan huk pampapi sayaykurqa. Chaypim llapa discipulonkunawan achkallaña runakuna huñunakururqaku, chay runakunam Judea lawmanta, Jerusalenmanta hinaspa lamar qochapa patanpi kaq Tiro llaqtamantawan Sidón llaqtamanta hamurqaku. Hamurqakuqa Jesuspa yachachisqanta uyarinankupaq hinaspa onqoyninkumanta sanoyachisqa kanankupaqmi.

Lucas 9:18

Huk kutipim, Jesusqa Diosta sapallan mañakuchkarqa, discipulonkunapas paywanmi kachkarqaku. Chaymi paykunata Jesús tapurqa: ¿Pim kasqaytataq llapa runakuna ñoqamanta rimanku? nispa.

Lucas 9:28

Pusaq punchaw pasaruptinmi Jesusqa, Pedrota, Juanta hinaspa Jacobota pusarikuspan, Diosta mañakunanpaq orqoman qespirqa.

Lucas 9:29

Mañakuchkaptinmi rikchaynin tikrakururqa, pachankunapas yuraq-yuraq hinaspa kancharichkaqmi rikurirurqa.

Juan 6:3

Jesusñataqmi moqoman seqaruspan discipulonkunawan tiyaykurqa.

Colosenses 4:2

Ama pisipaspayá Diosta mañakuychik, rikchan-rikchanlla kaspayá graciasta qoychik.

Hebreos 5:7

Cristoqa kay pachapi kawsaspanmi qaparispan hinaspa waqaspan ruegakuyllawanña wañuymanta libray atiqnin Diosta mañakurqa, chaymi Diosqa payman sonqo kasqanrayku uyariykurqa.

1~Samuel 15:11

Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.