Lucas 5:38 - CHUYA QELLQA La Biblia en Quechua de Ayacucho 2012

³⁸ Mana poqosqa vinotaqa musoq odrekunamanmi hillpuna.

Quechua Ayacucho Bible 1987

³⁸ Manaraq poqosqa vinotaqa mosoq odrekunapim churana.

Chuya Qellqa 1992

³⁸ Mana poqosqa vinotaqa musoq odrekunamanmi hillpuna.

Lucas 5:38 Iomraidhean Croise

Ezequiel 36:26

Musoq sonqotañachuraykuspaymi musoq espiritu-taña qosqaykichik. Rumi sonqoykichikta hurqoruspaymi aycha sonqotaña churasqaykichik.

Mateo 9:17

Manataqmi pipas mana poqosqa vinotaqa mawka odrekunamanqa hillpunmanchu, chay odrekuna toqya-ruptinmi vinopas chaynataq odrekunapas yanqachakurunman. Chayraykum mana poqosqa vinotaqa musoq odrekunaman hillpuna, chaynapi odrepas vinopas waqaychasqa kanankupaq.

Lucas 5:37

Manataqmi pipas mawka odrekunamanqa mana poqosqa vinotaqa hillpunmanchu, yanqañataqmi chay vino poqoruspan mawka odrekunata toqyarachinman, hinaptinmi vinopas usunman, chaynataqmi odrekunapas mana valeqña kanman.

Lucas 5:39

Manataqmi pipas poqosqa vinota upyachkaspaqa, mana poqosqa vino upyaytaqa munanmanchu, aswanqa ninqam: “Poqosqa vinom aswan allinqa”, nispan.

2~Corintios 5:17

Chaynaqa, pipas Cristopi kaqqa musoq runañam, ñawpaq kaqkunaqa pasarunñam, kunanqa lliwmi musoqña.

Gálatas 2:4

Chaywanpas wakin runakunam iñiqmasinchik tukuspanku yaykuramurqaku, tukuy ima ruwasqaykuta wateqawanankupaq, hinaspam Jesucristo librawasqanchikta mana munaspa llumpay sasa kamachikuykuna kasukunaykuta munarqaku.

1~Timoteo 4:8

Cuerponchikwan ejercicio ruwayqa asllatam yanapawanchik, Diospa munasqan kaqkuna ruwaymi ichaqa lliwpi allinpaq yanapawanchik, kayqa kunan kawsaypipas hinaspa hamuq kawsaypipas allinninchikpaqmi.

Apocalipsis 21:5

Hatun tronopi tiyaqñataqmi kaynata niwarqa: Ñoqam tukuy imata musoqyachini, nispa. Huktawanmi niwarqa: “Qellqay: Kay nisqaykunaqa hapipakunapaqmi hinaspa cheqapmi”, nispa.