Lucas 5:35 - CHUYA QELLQA La Biblia en Quechua de Ayacucho 2012

³⁵ Ichaqa chayamunqam punchaw paykunamanta novio qechusqa kananpaq, hinaptinmi ichaqa ayunanqaku, nispa.

Quechua Ayacucho Bible 1987

³⁵ Hamuq punchawkunapim ichaqa novio chinkaruptin ayunanqaku —nispa.

Chuya Qellqa 1992

³⁵ Ichaqa chayamunqam punchaw paykunamanta novio qechusqa kananpaq, hinaptinmi ichaqa ayunanqaku, nispa.

Lucas 5:35 Iomraidhean Croise

Isaías 22:12

Chayraykum Tukuy Atiyniyuq Tayta Dios chay punchawpi qayasurqankichik, umaykichikta rutukuruspa luto pachawan pachakuspa waqanaykichikpaq.

Daniel 9:26

Chay soqta chunka iskayniyuq semanakuna pasaruptinmi, kamachikuq Mesías wañuchisqa kanqa. Jerusalén llaqtatapas huk reymi tropankunawan hamuruspa tuñirachinqa, chaynataqmi santuariotapas tuñirachinqa. Lloqlla hinam puchukay chayaramunqa, puchukay chayamunankamam guerrakunapas hinaspa purmachiykunapas kanqa.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Mateo 9:15

Jesusñataqmi nirqa: ¿Yaqachum casamientoman riq runakuna paykunawan novio kachkaptin llakisqa kanmanku? Ichaqa chayamunqam punchaw paykunamanta novio qechusqa kaptin ayunanankupaq.

Marcos 2:20

Chayamun-qam punchaw novio apasqa kananpaq, chay punchawpim ichaqa ayunanqaku.

Lucas 17:22

Discipulonkunatapas nirqataqmi: Chayamunqam punchaw runapa Churinpa hukkaqnin punchawninta rikuykuy munanaykichikpaq, ichaqa manam rikunkichikchu.

Lucas 5:34

Hinaptinmi Jesusñataq nirqa: ¿Yaqachu paykunawanraq novio kachkaptin casamientoman riq runakunata ayunachiwaqchik?

Lucas 5:36

Jesusqa kay rikchanachiytapas nirqataqmi: Manam pipas mawka pachataqa musoq pachata llikispanqa remiendanmanchu. Chaynata ruwaspanqa musoq pachatam yanqacharunqa, mawka pachaman serasqanpas manataqmi tupanqachu.

Juan 12:8

Wakchakunaqa qamkunawanmi haykapikamapas kanqaku, ñoqam ichaqa mana tukuy tiempochu qamkunawan kasaq, nispa.

Juan 13:33

Churillaykuna, manam unayñachu qamkunawanqa kasaq, chaymi maskawankichik. Imaynam judiokunaman nisqayta hinallam qamkunatapas nikichik: Ñoqapa risqaytaqa qamkunaqa manam riyta atiwaqchikchu, nispa.

Juan 16:28

Taytapa kasqanmantam kay pachaman hamurqani, kunanñataqmi kay pachata saqespay Taytayman kutisaq, nispa.

Hechos 1:9

Kaykunata niruptinñataqmi apostolninkuna qawachkaptinku Jesusqa hanaq pachaman hoqarisqa karqa. Puyu ukuman Jesús chinkaykuptinmi apostolninkunaqa manaña rikurqakuchu.

Hechos 14:23

Sapa iglesiapim ancianokunata churarqaku, hinaspankum ayunowan chaynataq Diosta mañakuspanku iñisqanku Señorpa makinman churarqaku.

Hechos 3:21

Jesucristoqa hanaq pachapiraqmi kamunan, tukuy imakunatapas ñawpaqpi hina Dios allichanankama, chaytaqa ñawpaq tiempopi profetankunatakamam nirqaña.

1~Corintios 7:5

Warmikichikwan otaq qosaykichikwan kaytaqa ama neganakuychikchu, negaspaqa neganakuychik as punchawkunallapaq iskaynikichik tanteanakuspa, chaynapi Diosta mañakunaykichikpaq tiempoykichik kananpaq, chaymantaqa kaqllayá kakuychik, yanqañataqmi mana aguantayta atiptikichik Satanás huchaman wichiykachisunkichikman.

2~Corintios 11:27

Llumpaytam llamkarqani, sasachakuyllapim karqani. Achka kutipim karqani: Yarqaymanta, yakumanta chaynataq mana puñusqa, mana mikusqa, chiripi hinaspa pachaymantapas ususqa.