Lucas 5:17 - CHUYA QELLQA La Biblia en Quechua de Ayacucho 2012

¹⁷ Huk punchawmi Jesús yachachichkarqa, chaypitaqmi fariseokunawan Diospa leynin yachachiqkunapas tiyachkarqaku, paykunaqa Galilea lawpi hinaspa Judea lawpi llaqtakunamantawan Jerusalenmantam hamurqaku. Diospa atiyninmi Jesuswan karqa onqoqkunata sanoyachinanpaq.

Quechua Ayacucho Bible 1987

¹⁷ Huk kutipi Jesus yachachichkaptinmi chaypi tiyachkarqaku *f**fariseokunawan Diospa leynin yachachiqkuna, paykunaqa hamururqaku Galilea lawpi hinaspa Judea lawpi llapallan llaqtachakunamantawan Jerusalenmantam, chaypim Señorpa atiynin Jesuswan karqa onqoqkunata sanoyachinanpaq.

Chuya Qellqa 1992

¹⁷ Huk punchawmi Jesús yachachichkarqa, chaypitaqmi fariseokunapas Diospa leynin yachachiqkunapas tiyachkarqaku, paykunaqa Galilea lawpi hinaspa Judea lawpi llaqtakunamantawan Jerusalenmantam hamurqaku. Diospa atiyninmi Jesuswan karqa onqoqkunata sanoyachinanpaq.

Lucas 5:17 Iomraidhean Croise

Mateo 11:5

Ñawsakunam qawakuchkanña, suchukunam purichkankuña, leprayuqkunam sanoyarunkuña, mana uyarikuqkunam uyarikuchkan-kuña, wañusqakunam kawsarinku, wak-chakunapas evangeliotam uyarichkanku, nispaykichik.

Mateo 15:1

Jerusalenmanta hamuq fariseo-kunawan Diospa leynin yacha-chiqkunam Jesusta tapurqaku:

Marcos 1:45

Chay runam pasaspan Jesuspa sanoyachisqanmanta llapa runaman willakachakuyta qallaykurqa, chaynapim Jesusqa maylaw llaqtamanpas mana rikuchikuspallaña yaykuq, payqa chunniqllantañam puriq. Chaywanpas tukuy hinastinmantam runakunaqa Jesusman hamurqaku.

Marcos 16:18

maqta urukunatam hapinqaku; imataña venenoyuqta tomaruptinkupas manam imananqachu; onqoqkunamanmi makinkuta churanqaku, hinaptinmi sanoyanqaku, nispan.

Marcos 3:22

Diospa leynin yachachiqkunapas Jerusalenmanta hamuspankum nirqaku: Kay runaqa demoniokuna kamachiq Beelzebúpa nisqapa huntasqanmi kachkan, paypa atiyninwanmi demoniokunata qarqon, nispanku.

Marcos 5:30

Jesusñataqmi atiynin lloqsirusqanta musyakuruspan muyuriqninpi runakunata tapurqa: ¿Pitaq pachayta llapchaykamun? nispa.

Marcos 7:1

Jerusalenmanta hamuruspankum llapa fariseokunawan Diospa ley-nin yachachiqkuna Jesusman asuykurqaku.

Lucas 15:2

Chaymi fariseokunawan Diospa leynin yachachiqkuna rimakachaspanku nirqaku: Kay runaqa huchasapakunawanmi hukllawakun hinaspam paykunawan mikun, nispanku.

Lucas 2:46

Kimsa punchawmantañam templopi tarirurqaku Diospa leynin yachachiqkunata uyarispan hinaspa tapuspan paykunawan tiyachkaqta.

Lucas 5:21

Diospa leynin yachachiqkunawan fariseokunañataqmi kaynata piensarqaku: “¿Pitaq kay runaqa karqa Diospa contranpi rimananpaqqa? Diosllam huchataqa pampachan”, nispanku.

Lucas 5:30

Chaymi Diospa leynin yachachiqkunawan fariseokunañataq Jesuspa discipulonkunapa contranpi rimaspanku nirqaku: ¿Imanasqataq qamkunaqa impuesto cobraqkunawan hinaspa huchasapakunawan kuska mikuspa upyachkankichik? nispanku.

Lucas 6:19

Onqoqkunata atiyninwan sanoyachiptinmi llapa runakunañataq Jesuspa pachallantapas llapchaykuyta munarqaku.

Lucas 7:30

Fariseokunawan Diospa leynin yachachiqkunam ichaqa mana Juanwan bautizachikurqakuchu, chaynatam paykunapaq Diospa imam munasqanta wischupakurqaku.

Lucas 8:46

Hinaptinmi Jesusñataq nirqa: Hukkaqmi llapchaykamuwan musyakurunim ñoqamanta atiy lloqsirusqanta, nispa.

Juan 3:10

Jesusñataqmi nirqa: Qamqa Israelpi runakuna yachachiqmi kanki, ¿hinachkaspachu kaykunata mana yachanki?

Juan 3:21

Cheqap kaqman hina kawsaqkunam ichaqa, achkiyman asuykamunku, Diospa munasqanman hina ruwasqankuta qawachikunankupaq.

Hechos 19:11

Diospa atiyninwanmi Pablo ruwarqa runakunapa mana haykapipas rikusqan milagrokunata.

Hechos 4:30

Qawachikuyá atiynikita llapa onqoqkunata sanoyachispayki hinaspa admirakuypaq milagrokunata sapaqchakusqayki serviqniki Jesuspa sutinpi ruwaspayki, nispanku.

Hechos 5:34

Hina chay kamachikuqkunawanmi huk fariseo Gamaliel sutiyuq kachkarqa. Paymi karqa Diospa leyninmanta yachachikuq. Paytam llapa runakuna llumpayta respetaqku. Paymi sayarispan kamachirqa apostolkuna hawaman lloqsiykunankupaq,