Lucas 5:12 - CHUYA QELLQA La Biblia en Quechua de Ayacucho 2012

¹² Huk kutipim Jesús huk llaqtapi kachkarqa, chaymi leprawan onqoq runa hamuruspan Jesuspa ñawpaqninpi qonqorakuykuspan ruegakurqa: Señorlláy, munaspaykiqa sanoyaykachiway, nispan.

Quechua Ayacucho Bible 1987

¹² Huk llaqtapi Jesus kachkaptinmi *f**leprawan onqoq runa payta rikuruspan ñawpaqninpi qonqoranpa kumukuykurqa: —Señorlláy, munaspaykiqa allinyaykachillawayá —nispan.

Chuya Qellqa 1992

¹² Huk kutipim Jesús huk llaqtapi kachkarqa, chaymi leprawan onqoq runa hamuruspan Jesuspa ñawpaqninpi qonqorakuykuspan ruegakurqa: Señorlláy, munaspaykiqa sanoyaykachiway, nispan.

Lucas 5:12 Iomraidhean Croise

Génesis 18:14

¿Kanmanchu Diospaq imapas mana ruway atinan? Wataman kunan hinatam huktawan watukamusqayki, chaypaqqa Sarapas wawayuqñam kanqa, nispa.

1~Reyes 18:39

Llapa runakunañataqmi chayta rikuruspanku qonqoranpa pampaman kumuykuspa nirqaku: ¡Tayta Diosmi cheqap Diosqa, Tayta Diosmi cheqap Diosqa! nispanku.

2~Reyes 5:1

Naamanqa karqa Siria nacionpi reypa llapa tropankunapa kamachiqninmi, paynintakamam Siria nacionta enemigonkunamanta Tayta Dios librarqa, chayraykum reyninqa anchata kuyarqa. Payqa allinnin qari-qari soldadom karqa, ichaqa lepra onqoywanmi ñakarirqa.

2~Reyes 5:27

Chaynaqa, Naamanpa lepra onqoyninwanmi qamña miraynikikunapiwan mana tukuyta onqonkichik, nispa. Chaymi Gieziqa Eliseopa qayllanmanta riti hina yuraq-yuraq lepra onqoyniyuqña lloqsirurqa.

2~Reyes 7:3

Llaqtapa punkunpa hawa lawninpim lepra onqoyniyuq tawa runakuna kachkarqaku. Paykunam ninakurqaku: ¿Imatataq kaypi ruwanchik wañuyta suyaspanchikqa?

1~Crónicas 21:16

Davidñataqmi qawarispan Tayta Diospa angelninta rikururqa kay pachapa altonpi kaspan espadanta hapiykuspan Jerusalén llaqtaman haywarayachkaqta. Chaymi Davidwan llapa ancianokuna, qachqa pachawan pachakuruspanku qonqoranpa pampaman kumuykurqaku.

Éxodo 4:6

Chaymantam Tayta Dios nirqa: Makikita oqllaynikiman hinay, nispa. Moisés oqllayninman makinta hinaykuspa hurqoykuptinmi makinqa riti hina yuraqllaña lepra onqoywan kachkasqa.

Levítico 13:16

Sichum chay llullu aycha yuraqman tikrakuruptinqa chay runam sacerdoteman hamunqa

Levítico 9:24

Hinaptinmi Tayta Diospa qayllanmanta lenwachkaq nina lloqsiramurqa, hinaspam lliw kañana animaltawan altarpi wirakunata ruparurqa. Chayta llapallan runakuna qawaykuspankum kusikuymanta qaparispa pampaman pakchakuykurqaku.

Mateo 26:6

Jesusmi Betania llaqtapi kachkarqa “leprayuq” nispa sutichasqanku Simonpa wasinpi.

Mateo 9:28

Wasiman Jesús yaykuruptinmi ñawsakunañataq asuykurqaku, hinaptinmi Jesusñataq tapurqa: ¿Creenkichikchu allinyarachinayta? nispan. Chaymi nirqaku: Arí, Señorllayku, nispanku.

Marcos 5:23

Hinaspanmi Jesusta ruegakuspan nirqa: Warmi churiymi wañuruchkanña, ama hina kaspa wasiyta hakuchik, makikita churaykamuptikiqa sanoyaspam kawsanqa, nispan.

Lucas 17:16

Hinaspam graciasta qospan Jesuspa ñawpaqninpi qonqorakuykurqa. Payqa karqa Samaria lawmanta kaqmi.

Lucas 5:13

Jesusñataqmi llapchaykuspan nirqa: Arí, munanim, sanoyayña, nispa. Hinaptinmi chaypunilla chay lepra onqoynin chinkarurqa.

Deuteronomio 24:8

Lepra onqoy rikuriruptinqa, Leví ayllumanta kaq sacerdotekunapa tukuy ima nisusqaykichiktam ruwankichik. Imaynam paykunaman kamachisqayman hinam ruwankichik.

Hebreos 7:25

Chayraykum pipas paynin-takama Diosman asuykuqkunataqa wiñaypaq salvanman. Jesusqa wiñay-paqmi kawsachkan, paykunapaq Diosta mañakunanpaq.

Josué 5:14

Chay runañataqmi nirqa: Ñoqaqa Tayta Diospa tropankuna kamachiqmi kani, nispa. Hinaptinmi qonqoranpa kumukuykuspan Josué nirqa: Señorlláy, ¿imatataq kay serviqnikiman kamachiwanki? nispa.