Lucas 5:1 - CHUYA QELLQA La Biblia en Quechua de Ayacucho 2012

¹ Genesaret qochapa patanpi Jesús kachkaptinmi, llapa runakuna huñunakaramurqaku paytapas kichkichanankukama Diospa palabranta uyarinankupaq.

Quechua Ayacucho Bible 1987

¹ Genesaret otaq Galilea Qochapa patanpi Jesus kachkaptinmi paytapas kichkichanankukama runakuna huñunakaramurqa Diospa palabranta uyarinankupaq.

Chuya Qellqa 1992

¹ Genesaret qochapa patanpi Jesús kachkaptinmi, llapa runakuna huñunakaramurqaku paytapas kichkichanankukama Diospa palabranta uyarinankupaq.

Lucas 5:1 Iomraidhean Croise

Números 34:11

Sefam lawmantañataqmi uraykunqa Riblakama, Riblaqa kachkan Aín lawpi intipa qespimunan lawninpim. Chaymantam intipa qespimunan lawman uraykuspan chayanqa Cineret sutiyuq qochapa patankama.

Mateo 11:12

Bautizaq Juanpa hamusqanman-tapunim Diospa munaychakuynin-ta chinkachiypi richkanku, allin kall-pawanraqmi chinkachiyta munan-ku.

Mateo 14:34

Lamar qochata chimparuspankum Genesaret llaqtaman chayarurqaku.

Marcos 3:9

Achkallaña runakuna chaypi kasqanraykum discipulonkunata Jesús kamachirqa huk barcata alistanankupaq, chaynapi llapa runakuna mana ñitirunanpaq.

Marcos 4:1

Jesusmi qochapa patanpi huktawan yachachiyta qallaykurqa. Achkallaña runakuna huñunakaramuptinmi, qochapi barcaman qespispan Jesús tiyaykurqa, llapa runañataqmi qochapa patallanpi karqaku.

Marcos 5:24

Jairowan Jesús pasaptinmi achkallaña runakuna ñitinakustin qatirqaku.

Marcos 6:53

Qochata chimparuspankum Gene-saret lawman chayaruspanku barcata qocha patanpi watarqaku.

Lucas 12:1

Waranqantin-waranqantin runakunam tanqanakustin Jesuspa kasqanman huñunakaramurqaku. Hinaptinmi Jesusqa discipulonkunamanta qallaykuspan nirqa: Fariseokunapa levaduranmanta cuidakuychik, paykunaqa iskay uyakunam.

Lucas 5:2

Hinaptinmi Jesusqa iskay barcakunata qochapa patanpi rikururqa. Challwaqkunañataqmi barcankumanta lloqsispa mallankuta mayllachkarqaku.

Lucas 8:22

Huk kutipim, Jesuswan discipulonkuna huk barcaman qespirurqaku, hinaptinmi Jesús nirqa: Waklaw chimpaman hakuchik, nispa.

Lucas 8:23

Qochata chimpachkaptinkum Jesús puñururqa, chayllamanmi sinchi wayra lamar qochaman pukumurqa, hinaptinmi yakupas barcaman huntaptin yaqaña chinkaykurqaku.

Lucas 8:33

demoniokunaqa runa-manta lloqsiruspanku kuchikunaman ustururqaku, hinaptinmi chay kuchi-kunaqa tukuy waqtata kallpaspan-ku qochaman pawaykuspanku heqepa-rurqaku.

Lucas 8:45

Chaymi Jesús tapukurqa: ¿Pitaq llapchaykaramuwan? nispan. Hinaptinmi llapallanku nirqaku: Manam ñoqaykuchu, nispanku. Pedroñataqmi nirqa: Yachachikuq, kaynaña runakunam tanqanakuspa ñitimuchkasunkiqa, nispa.

Juan 1:40

Simón Pedropa wawqen Andresmi karqa Juanpa nisqanta uyariykuspa Jesusta qatikuqkunapa huknin.

Juan 6:1

Chaymantam Galilea qochapa waklawninman Jesús rirqa, chay qochapa huknin sutinmi karqa Tiberias.

Deuteronomio 3:17

Arabá qechwatapas paykunamanmi qorqani, chaypa linderonqa tukuy Jordán mayum kachkan. Chay mayuqa richkan Cineret qochamanta Arabá lamarkamam otaq Puchqo lamar qochakama. Chay lamarqa kachkan intipa qespimunan lawpi kaq Pisga orqopa uray waqtanpim.

Hebreos 13:7

Diospa palabranta yachachispa puntaman pusasuqnikichik michiqnikichikkunatayá yuyariychik. Imaynam kawsasqankuta qawarispayá iñiyninkuta qatipakuychik.

Josué 12:3

Munaychakurqataqmi Jordán mayupa intipa qespimunan law qechwakunapipas, Cineret qochamanta qallarispa Puchqo lamar qochakama, sur lawmanñataq Bet-jesimot lawmanta qallarispa Pisga orqopa waqtankama.

Josué 13:27

Qechwa lawkunapiñataqmi qorqa Bet-aram llaqtata, Bet-nimra llaqtata, Sucot llaqtata hinaspa Zafón llaqtatapas; qorqataqmi Hesbón llaqtapi munaychakuq rey Sehonpa allpankunatapas partenta. Allpankum karqa Jordán mayupa intipa qespimunan lawninmanta qallarispa Cineret qochapa sur law patankama.