Lucas 4:35 - CHUYA QELLQA La Biblia en Quechua de Ayacucho 2012

³⁵ Jesusñataqmi demoniota qaqchaspan nirqa: ¡Upallay hinaspa kay runamanta lloqsiy! nispa. Hinaptinmi demonioñataq chay runata llapa runakunapa chawpinman wikutiruspan mana imanaspalla lloqsirurqa.

Quechua Ayacucho Bible 1987

³⁵ Jesusñataqmi demoniota qaqchaspan nirqa: —Upallay hinaspa lloqsiy kay runamanta —nispa. Chaymi demonioñataq runakunapa chawpinman chay runata wikutiruspan mana imanaspalla lloqsirurqa.

Chuya Qellqa 1992

³⁵ Jesusñataqmi demoniota qaqchaspan nirqa: ¡Upallay hinaspa kay runamanta lloqsiy! nispa. Hinaptinmi demonioñataq chay runata llapa runakunapa chawpinman wikutiruspan mana imanaspalla lloqsirurqa.

Lucas 4:35 Iomraidhean Croise

Zacarías 3:2

Hinaptinmi Satanasta Tayta Diospa angelnin kaynata nirqa: Yaw Satanás, Tayta Diosyá wischusunki. Jerusalén llaqtata akllakuq Tayta Diosyá qarqosunki. Josueyqa rupachkaq ninamanta hurqorusqa sansa hinam, nispa.

Mateo 17:18

Aparamuptinkum demoniota Jesús qaqcharqa, chaymi warmamanta demonio lloqsiruptin sanoyarurqa.

Mateo 8:26

Jesusñataqmi nirqa: Pisi iñiyniyuq runakuna, ¿imanasqataq mancharisqallaña kachkankichik? nispan. Chaymi hatarispan wayratawan lamar qochata qaqcharqa, hinaptinmi hawkayarurqa.

Marcos 1:26

Chaymi demonioqa runata taspiparuspan qaparisparaq lloqsirurqa.

Marcos 4:39

Jesusñataqmi hatarispan wayrata qaqcharqa, qochatañataqmi nirqa: ¡Hawkayay! nispan. Chaymi wayra samaruptin lliw hawkayarurqa.

Marcos 9:26

Hinaptinmi chay mana allin espirituqa qaparispanraq chay warmata taspiparuspan lloqsirurqa, hinaspam wañusqata hinaraq saqerurqa; chaymi llapa runakuna nirqaku: “Wañurunmi”, nispanku.

Lucas 11:22

Sichum paymanta aswan kallpasapa runa hamuruspanqa, venceruspanmi armankunatapas qechuruspan tukuy imankunatapas munasqanta ruwarunqa.

Lucas 4:23

Hinaptinmi Jesusñataq nirqa: Ichapas nisqankupi hina niwankichikmanpas: “Yaw médico, kikikiraq hampikuruy, Capernaúm llaqtapi ruwasqaykita hinayá kay llaqtaykipipas ruway”, nispaykichik.

Lucas 4:39

Hinaptinmi Jesusñataq onqoqman asuykuspan calenturata qaqcharuptin chaypunilla tanirurqa. Chaymi Pedropa suegranqa utqayman hatarispan paykunata servirqa.

Lucas 4:41

Achkaqmantam demoniokunapas qaparillawanña lloqsirqaku: ¡Qamqa Diospa Churinmi kanki! nispanku. Jesusmi ichaqa demoniokunata qaqchaspan rimanankuta mana munarqachu; demoniokunaqa yacharqakum payqa Cristo kasqanta.

Lucas 8:24

Chaymi discipulonkuna Jesusman asuykuspanku rikchachirqaku: ¡Yachachikuq, Yachachikuq, chinkaykuchkanchikñam! nispanku. Payñataqmi puñusqanmanta hatarispan wayratawan qochapa olankunata qaqcharqa, hinaptinmi hawkayarurqa.

Lucas 9:39

Paytam huk demonio hapiruspan qonqaymanta qaparkachachin, taspispanmi posoqollataña aqtuchin, hinaspanmi ñakarichispan sasa-sasata kacharin.

Lucas 9:42

Chaymi warma asuykuchkaptin demonio wikaparuspan wañuy mañawan hapirachirqa. Hinaptinmi Jesusñataq demoniota qaqcharqa, chaymi warma sanoyaruptin taytanman qoykurqa.

Apocalipsis 12:12

Chaynaqa, ¡cielokuna kusikuychik, kusikuychiktaqyá chaypi yachaqkunapas! ¡Ay, imaynaraq kanqa kay pachapi kaqkunaqa! Diabloqa piñasqallañam qamkunaman uraykaramun, payqa yachakunmi pisi tiempollapaqña kananta”, nispa.