Lucas 24:44 - CHUYA QELLQA La Biblia en Quechua de Ayacucho 2012

⁴⁴ Chaymantam paykunata nirqa: Kaykuna pasakunanmantaqa qam-kunawan kachkaspayraqmi willar-qaykichikña: Moisespa qellqasqan kamachikuykunapi, profetakunapa qellqasqanpi hinaspa Salmokunapi ñoqamanta qellqasqa kaqkunaqa cumplikunanpunim, nispay.

Quechua Ayacucho Bible 1987

⁴⁴ Paykunatam nirqa: —Kaykunaqa sucedekun Moisespa qellqasqankuna, Diosmanta willakuqkunapa qellqasqankuna hinaspa Salmos libropi qellqasqa kaqkuna cumplikunanpaqmi. Chaytaqa qamkunawan kachkaspayraqmi willarqaykichik.

Chuya Qellqa 1992

⁴⁴ Chaymantam paykunata nirqa: Kaykuna pasakunanmantaqa qamkunawan kachkaspayraqmi willarqaykichikña: Moisespa qellqasqan kamachikuykunapi, profetakunapa qellqasqanpi hinaspa Salmokunapi ñoqamanta qellqasqa kaqkunaqa cumplikunanpunim, nispay.

Lucas 24:44 Iomraidhean Croise

Génesis 14:18

Salempa reynin Melquisedecpas vinotawan mikuytam apamurqa. Payqa Tukuy Atiyniyuq Diospa sacerdotenmi karqa.

Génesis 22:18

Kasuwasqaykiraykum kay pachapi lliw runakuna miraynikitakama bendecisqa kanqaku”, nispa.

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

Isaías 28:16

Chayraykum Tayta Dios kaynata nin: Ñoqam Sión moqopi cimientopaq churani, kuyayllapaq suni takyaq akllasqa esquina rumita. Pipas chay rumipi hapipakuqqa manam hukmanyanqachu.

Isaías 52:13

Serviqniyqa ima ruwasqanpipas vencenqam, payqa ancha hatunchasqam kanqa, payqa ancha reqsisqam kanqa, altoman hoqarisqam kanqa.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Jeremías 23:5

Tayta Diosmi kaynata nin: Chayamunqam punchaw rey Davidpa mirayninmanta huk reyta hatarichinaypaq, payqa allin ruwaqmi kanqa, yachaywanmi nacionpipas munaychakunqa, allin arregloman hinam munaychakunqa, allin ruwaykunawanmi munaychakunqa.

Jeremías 33:14

Ñoqa Tayta Diosmi kaynata nini: Hamuchkanmi punchaw, Israel naciontawan Judá nacionta bendecinaypaq prometesqaykunata cumplinaypaq.

Ezequiel 17:22

Ñoqa Tayta Diosmi kaynata nini: Chay cedro sachapa puntantam wituruspay plantarusaq; allinnin kallmanpa ñawinta wituruspaymi alto-alto orqopa puntanpi plantarusaq.

Ezequiel 34:23

Ñoqam ovejaykuna michiqta hatarichisaq, payñam ovejaykunata michinqa. Payqa serviqniy Davidmi, payñam michiqninku kaspa ovejaykunata nanachikunqa.

Daniel 2:44

Chay reykuna munaychakuchkaptinkum hanaq pacha Dios hatarichinqa wiñaypaq mana tuñichiy atina munaychakuyta, chay munaychakuypa hawanpiqa manam hukqa munaychakunqachu. Aswanqa chay munaychakuymi llapallan munaychakuykunata ñutupaspan wiña-wiñaypaq takyanqa.

Daniel 7:13

Tutam visionniypi qawarqani, qonqaymanta puyukunawan kuska alto cielomanta runapa churinman rikchakuq uraykamuqta, paymi Yuyaqpa kasqanman chayaramurqa, hinaptinmi Yuyaqpa qayllanman asuykachirqaku.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Amós 9:11

Tayta Diosmi kaynata nin: Chay punchawkunapim Davidpa munaychakuyninta hatarichisaq, uchkunkunata wichqaykuspaymi perqankunatapas allichaykusaq, hinaspaymi ñawpaq tiempopi hina hatarichisaq.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Zacarías 14:4

Chay punchawpim Tayta Dios, Jerusalenpa chimpan intipa qespimunan law Olivos moqopi sarupakuykunqa. Hinaptinmi Olivos moqo intipa qespimunan lawmanta intipa seqaykunan lawman kicharikuptin hatu-hatun wayqo rikurinqa. Huknin partenmi norte lawman asurinqa, hukninñataqmi sur lawman.

Zacarías 6:12

Hinaspam Josueyta ninki, Tukuy Atiyniyuq Tayta Diosmi kaynata nin: Kaymi chay “Ikllirimuq” nispa sutichasqa runa, paymi sapinmanta ikllimuspan Tayta Diospa templonta musoqmanta hatarichinqa.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Números 21:8

Hinaptinmi Moisesta Tayta Dios nirqa: Maqta uruta ruwaspa kaspiman churay, chaynapim maqta urupa kachusqankuna chayta qawaspanku mana wañunqakuchu, nispa.

Números 35:25

Wañuqpa vidanmanta vengakuy munaqmantam huñunasqa runakuna qonqaymanta wañurachiqta libraspanku amparakuna llaqtaman kutichinqaku, chay runamasin wañurachiq runaqa chay llaqtapim yachanqa aceitewan tallispa sapaqchasqa sumo sacerdotepa wañunan punchawkama.

Mateo 1:22

Tukuy kaykunam pasakurqa profetantakama Diospa kayna nisqan cumplikunanpaq:

Mateo 16:21

Chaymantapunim discipulonkunaman Jesús willakurqa Jerusalenman riptin judiokunapa chaynataq sacerdotekunapa kamachiqninkuna hinaspa Diospa leynin yachachiqkuna ñakari-chinankumanta. Willakurqataqmi wañu-rachiptinku kimsa punchawninman kawsarimunantapas.

Mateo 26:54

Chayna kaptinqa manachiki Qellqapa kaykuna pasakunanmanta nisqankuna cumplikunmanchu, nispa.

Mateo 26:56

Tukuy kaykunaqa pasakun profetapa qellqasqan cumplikunanpaqmi, nispa. Llapa discipulokunañataqmi Jesusta sapallanta saqeruspanku ayqekurqaku.

Marcos 9:31

discipulonkunata yachachisqanrayku. Jesusmi discipulonkunata nirqa: Runapa Churinqa runakunapa makin-man entregasqam kanqa, hinaptinmi wañuchinqaku, ichaqa kimsa punchawmantam kawsarimunqa, nispa.

Lucas 21:22

Chay punchawkunaqa Qellqapa nisqankuna cumplikunanpaqmi Diospa castiganan punchawkuna kanqa.

Lucas 22:37

Nikichikmi, Qellqapa nisqanmi ñoqapi cumplikunan, chaypim nin: “Mana allin runakunawan yupasqam karqa”, nispa. Ñoqamanta qellqasqa kaqkunaqa cumplikunanpunim, nispa.

Lucas 24:46

Hinaspanmi paykunata Jesús nirqa: Qellqasqam kachkan Cristoqa ñaka-rispa wañunanmanta hinaspa kimsa punchawman kawsarimunanmanta,

Lucas 9:22

Chaymantam discipulonkunata nirqa: Runapa Churinqa llumpaytam ñakarinqa, llapa ancianokunawan sacerdotekunapa kamachiqninkunam hinaspa Diospa leynin yachachiqkunam qepanchaspanku wañuchinqaku, ichaqa kimsa punchawmanmi kawsarimunqa, nispa.

Lucas 9:44

Allintayá uyariychik: Runapa Chu-rinqa runakunapa makinman entregasqam kanqa, nispa.

Juan 3:14

Imaynam Moisespas maqta uruta broncemanta ruwaspa chunniqpi hoqarirqa, chaynam runapa Churinpas hoqarisqa kanqa.

Juan 5:39

Qellqatayá allinta qatipaychik chaypim wiñay kawsayta tarinkichik, paytaqmi ñoqamanta willakun

Juan 5:46

Sichum Moisespa nisqankunata creespaykichikqa ñoqatapas creewankichikmanmi, Moisesqa ñoqamantam qellqarqa.

Hechos 13:33

Ñoqanchik paykunapa miraynin kaptinchikmi prometewasqanchikman hina Jesusta Dios kawsarirachimurqa, iskay kaq Salmopipas kaynam qellqasqa kachkan: “Qamqa Churiymi kanki, ñoqam churyaqniki kani” niq.

Hechos 13:40

Cuidakuychikyá profetakunapa nisqankuna qamkunaman ama chayamusunaykichikpaq, paykunam nirqaku:

Hechos 2:27

Cuerpoytapas amam sepulturapiqa saqerunkichu, kuyasqaykitaqa amam sepulturapi asnarinantaqa saqerunkichu.

Hechos 3:18

Chaynapim ñawpaqmantaraq llapallan profetankunapa imaynam Cristopa ñakarinanmanta nisqankuta Dios cumplichirqa.

Hechos 7:37

Kay Moisestaqmi Israelpa mirayninkunata nirqa: “Diosmi castanchikmanta ñoqa hina profetata hatarichinqa, paytam uyarinkichik”, nispa.

Hebreos 10:1

Moisespa leyninqa karqa ha-muq kaqkunapa llantuynin hinallam, manam kikin allin kaqkunachu. Chayraykum leyman hinaqa animalkunata kañaspa watan-watan ofreceqkunapas mana chuyanchakuyta atiqkuchu.

Hebreos 3:5

Moisesqa Diospa wasinpi allin servikuq hinaspa lliwpi kasukuqmi karqa, imapas Diospa nisqankunamanta willakunanpaq.

Hebreos 7:1

Melquisedecqa Salem llaqtapi rey kaspanmi tukuy imapa hawanpi munaychakuq Diospa sacerdoten karqa. Reykunawan peleamusqanmanta Abraham kutimuptinmi taripaspan Diospa bendicionninta mañapurqa.

Hebreos 9:8

Chayna kasqanraykum Chuya Espiritupa yachachisqanpi hinapas Chuyay-chuyay lugarqa manaraq kichasqachu karqa, chaynaqa karqa chay Chuya lugarqa hinallaraq kasqanraykum.

1~Pedro 1:11

Cristopa Espiritunmi profetakunaman ñawpaqmantaraq yacha-chirqa Cristopa ñakarinanmanta hinaspa chaykuna pasaruptin hatunchasqa kananmanta. Paykunam yachaykuyta munarqaku Cristopa imaynam ñakarinanmanta hinaspa chaykunapa qepanta hatun kusikuy hamunanmanta.

Apocalipsis 19:10

Angelta yupaychanaypaq ñawpaqninpi qonqorakuykuptiymi, payñataq niwarqa: ¡Ama chaytaqa ruwaychu! Ñoqaqa kani, qampapas chaynataq Jesusmanta willakuq wawqe-panikikunapapas serviqmasillaykichikmi. ¡Yupaychaspaqa yupaychay Diosllatayá! Jesusmanta cheqap willakuqqa Diospa revelasqantam yachachin, nispa.