Lucas 24:27 - CHUYA QELLQA La Biblia en Quechua de Ayacucho 2012

²⁷ Hinaspam Moisespa qellqasqan-manta qallarispa profetakunapa qellqasqankama, paymanta llapallan Qellqapa nisqanta paykunaman entien-dechirqa.

Quechua Ayacucho Bible 1987

²⁷ Moisespa qellqasqan librokunamanta qallarispam Diosmanta willakuqkunapa libronkunapi tukunankama kikinmanta rimaqta entiendechirqa.

Chuya Qellqa 1992

²⁷ Hinaspam Moisespa qellqasqanmanta qallarispa profetakunapa qellqasqankama, paymanta llapallan Qellqapa nisqanta paykunaman entiendechirqa.

Lucas 24:27 Iomraidhean Croise

Génesis 12:3

Bendecisuqnikikunatam bendecisaq, ñakasuqnikikunatam ñakasaq. Qamraykum kay pachapi llapallan ayllukunatapas bendecisaq, nispa.

Génesis 22:18

Kasuwasqaykiraykum kay pachapi lliw runakuna miraynikitakama bendecisqa kanqaku”, nispa.

Génesis 26:4

Miraynikikunatam cielopi chaskakunata hinaña mirachisaq, kay allpakunatam miraynikikunaman qosaq. Kay pachapi llapallan nacionkunam miraynikirayku bendecisqa kanqaku.

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

Isaías 1:23

Kamachiqnikikunapas pasaypaq mana kasukuqkunam, suwakunamanpas sayapakuqkunam. Llapallankum qollqewan rantichikunku, imapas chaskiruyllatam paykunaqa maskanku. Mana piniyuqkunatapas manam nanachikunkuchu, viudakunapa quejantapas manam allichankuchu.

Isaías 50:6

Wasaytam azoteqkunaman qorqani, barbayta chutapaptinkupas manam kutichikurqanichu, cheqniwaspa toqawaqniykunamantapas manam uyayta asurichirqanichu.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Isaías 8:17

Jacobpa mirayninkunataña Tayta Dios pakakuptinpas, ñoqaqa payllapim hapipakusaq, payllapim suyasaq.

Isaías 9:1

Chaywanpas ñakariqkunapaqqa manam tutayayllachu kanqa. Ñawpaq tiempokunapim Neftalí ayllutawan Zabulón aylluta Tayta Dios ñakarichirqa. Hamuq tiempokunapiñataqmi, lamar qochaman rina ñanpa chaynataq Jordán mayupa waklawninpi kaq Galileata, gentil runakunapa kananta, ancha reqsisqata ruwanqa.

Ezequiel 34:23

Ñoqam ovejaykuna michiqta hatarichisaq, payñam ovejaykunata michinqa. Payqa serviqniy Davidmi, payñam michiqninku kaspa ovejaykunata nanachikunqa.

Ezequiel 37:25

Paykunaqa serviqniy Jacobman qosqay allpapiñam yachanqaku. Chaypim ñawpaq taytankupas yacharqaku, chaypitaqmi paykunapas, churinkunapas hinaspa mirayninkunapas wiñaypaq yachanqaku. Serviqniy Davidñataqmi wiñaypaq kamachiqninku kanqa.

Daniel 7:13

Tutam visionniypi qawarqani, qonqaymanta puyukunawan kuska alto cielomanta runapa churinman rikchakuq uraykamuqta, paymi Yuyaqpa kasqanman chayaramurqa, hinaptinmi Yuyaqpa qayllanman asuykachirqaku.

Miqueas 5:6

Paykunam Asiria naciontapas, Nimrodpa llaqtantapas, espadawan chinkarachinqaku. Asiria runakuna hamuspa allpanchikpa linderonkunata saruptinpas paymi librawasun.

Miqueas 7:20

Amayá qonqaruychu Jacobman prometesqaykitapas, nitaq Abrahampaq kuyapayakuynikitapas, chaynatam taytaykuman ñawpaqmantaraq jurarqanki.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Malaquías 4:2

Kasuwaqniykunapaqmi ichaqa, inti qespimuchkaq hinaraq kuyakuyniy kancharimunqa, raprankunapim salvacionta apamusunkichik. Qamkunañataqmi kanchanmanta lloqsiq vacapa uñankuna hinaraq kusikuymanta pawaykachankichik.

Números 21:14

Chayraykum “Tayta Diospa Guerrankuna” nispa sutichasqa libropi nichkan: “Sufá llaqtapi Vaheb lawnintam pasarqaniku, wayqonkunatawan Arnón mayupa patantam rirqaniku.

Marcos 4:34

Mana rikchanachispaqa manam imatapas rimarqachu, discipulonkunamanmi ichaqa sapallankupi allinta entiendechiq.

Lucas 24:25

Chaymi Jesusñataq paykunata nirqa: Mana yuyayniyuq runakuna, qamkunaqa profetakunapa willakusqantapas sasallaña creeqmi kankichik.

Lucas 24:44

Chaymantam paykunata nirqa: Kaykuna pasakunanmantaqa qam-kunawan kachkaspayraqmi willar-qaykichikña: Moisespa qellqasqan kamachikuykunapi, profetakunapa qellqasqanpi hinaspa Salmokunapi ñoqamanta qellqasqa kaqkunaqa cumplikunanpunim, nispay.

Juan 1:45

Felipem Natanaelta tariruspan nirqa: Tariramunikum huk runata, paymantam Moisespas chaynataq profetakunapas qellqarqa. Payqa Joseypa churin Nazaret llaqtayuq Jesusmi, nispa.

Juan 12:41

Chaynataqa Isaiasqa nirqa, Jesuspa kanchariyninta rikuspanmi, chaymi paymanta rimarqa.

Juan 5:37

Chaynataqmi kachamuwaqniy Dios Taytapas ñoqamanta willakun. Qam-kunaqa manam haykapipas paytaqa uyarirqankichikchu, nitaqmi rikchaynintapas rikurqankichikchu.

Juan 5:39

Qellqatayá allinta qatipaychik chaypim wiñay kawsayta tarinkichik, paytaqmi ñoqamanta willakun

Hechos 10:43

Llapa profetakunapas Jesusmantam kaynata nirqaku: “Payman llapallan iñiqtaqa Diosmi huchanmanta pampachanqa”, nispanku.

Hechos 3:18

Chaynapim ñawpaqmantaraq llapallan profetankunapa imaynam Cristopa ñakarinanmanta nisqankuta Dios cumplichirqa.

Hechos 3:22

Moisesmi ñawpaq taytanchikkunata nirqa: “Señorninchik Diosmi ayllunchikkunamanta huk profetata ñoqata hina hatarichinqa. Chaynaqa, paypa nisusqaykichiktam lliwta kasukunkichik.

Hechos 3:24

Llapallan profetakunam Samuelmanta qallaykuspa qatinasninpi kay punchawkunapi imam pasakunanmanta rimarqaku.

Hechos 7:37

Kay Moisestaqmi Israelpa mirayninkunata nirqa: “Diosmi castanchikmanta ñoqa hina profetata hatarichinqa, paytam uyarinkichik”, nispa.

Hechos 8:35

Chaymi Felipeqa leesqankumanta qallaykuspan Jesusmanta allin noticiata willarqa.

Deuteronomio 1:45

Chaymi kutiramuspa Tayta Diospa qayllanpi waqarqankichik, ichaqa manam uyarisurqankichikchu, nitaqmi kaqpaqpas hapisurqankichikchu.

Deuteronomio 18:15

Señornikichik Tayta Diosmi qamkunamanta ñoqa hina profetata hata-richinqa, hinaptinmi payta kasunkichik.

Apocalipsis 19:10

Angelta yupaychanaypaq ñawpaqninpi qonqorakuykuptiymi, payñataq niwarqa: ¡Ama chaytaqa ruwaychu! Ñoqaqa kani, qampapas chaynataq Jesusmanta willakuq wawqe-panikikunapapas serviqmasillaykichikmi. ¡Yupaychaspaqa yupaychay Diosllatayá! Jesusmanta cheqap willakuqqa Diospa revelasqantam yachachin, nispa.