Lucas 23:35 - CHUYA QELLQA La Biblia en Quechua de Ayacucho 2012

³⁵ Llapa runakunañataqmi sayaykuspanku imam pasakusqanta qawachkarqaku, judiokunapa kamachiqninkunapas paymanta asikuspankum nirqaku: Wakin runakunatam librarqa, chaynaqa Diospa akllasqan cheqap Cristo kaspanqa kikinyá librakuchun, nispanku.

Quechua Ayacucho Bible 1987

³⁵ Llapa runakunapas sayaykuspam qawachkarqaku imam pasakusqanta, judiokunapa kamachiqninkunapas burlakuspam nirqaku: —Wakin runakunatam librarqa, chaynaqa kikinyá librakuchun Diospa akllasqan cheqap Cristo kaspanqa —nispa.

Chuya Qellqa 1992

³⁵ Llapa runakunañataqmi sayaykuspanku imam pasakusqanta qawachkarqaku, judiokunapa kamachiqninkunapas paymanta asikuspankum nirqaku: Wakin runakunatam librarqa, chaynaqa Diospa akllasqan cheqap Cristo kaspanqa kikinyá librakuchun, nispanku.

Lucas 23:35 Iomraidhean Croise

Isaías 42:1

Kayqaya akllakusqay serviqniyqa, ñoqam payta kallpanchasaq, payraykum kusisqa kachkani. Espirituytam payman huntani, mana pimanpas sayapakuspam nacionkunata kamachinqa.

Isaías 49:7

Israelta libraq Tayta Diosmi nin, Israelpa chuya Diosninmi nin, wakin runakunapa usuchisqan runata, nacionkunapa cheqnisqan runata, kamachikuqkunapa serviqninmanmi nin: Reykunawan kamachikuqkunam qawasuspayki sayarispanku qayllaykipi kumuykunqaku. Chaynataqa ruwanqaku Israelpa ñoqa Tayta Diosnin akllaqniki kasqayraykum.

Isaías 53:3

Runakunapapas wischupakusqan qepanchasqan runam karqa, nanaypa huntasqan runam karqa, ñakariypa intuykusqan runam karqa, runakunapapas mana rikuy munasqankum karqa, paytaqa manam kaqpaqpas hapirqanchikchu.

Lamentaciones 3:14

Llaqtamasiykunapa asipayananñam rikuriruni, sapa punchaw takipayananñam rikuriruni.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Mateo 12:18

“Paymi serviqniyqa, paytam akllakurqani, payqa kuyasqaymi, payraykum kusisqa kachkani. Espirituytam payman huntaykusaq, Diosta mana reqsiq nacionkunamanmi allin kawsakuymanta willakunqa.

Mateo 3:17

Hinaptinmi hanaq pachamanta huk rimariy uyarikurqa: “Paymi kuyasqay Churiy, payraykum kusisqa kachkani”, nispa.

Lucas 16:14

Tukuy chaykunatam qollqella kuyaq fariseokunapas uyarirqaku, hinaspam Jesusmanta burlakurqaku.

Lucas 23:13

Pilatoñataqmi sacerdotekunapa kamachiqninkunata, judiokunapa kamachiqninkunata hinaspa llapa runakunata huñuruspan

Lucas 23:39

Jesuswan kuska chakatasqanku suwakunamantam huknin kamispan nirqa: Sichum Cristo kaspaykiqa salvakuspaykiyá ñoqaykutapas salvawayku, nispa.

1~Pedro 2:4

Señorninchikmanyá asuykuychik, payqa kawsaq rumim, paytam runakuna wischupakurqaku, Diospaqmi ichaqa akllasqa ancha valorniyuq sumaq kawsaq rumi.