Lucas 23:33 - CHUYA QELLQA La Biblia en Quechua de Ayacucho 2012

³³ Calaverawan sutichasqa sitioman chayaruspankum Jesusta chakatarurqaku, chay mana allinkuna ruwaq iskay runakunatapas, huknintam alleq lawninpi, huknintañataqmi ichoq lawninpi chakatarurqaku.

Quechua Ayacucho Bible 1987

³³ Calavera sutiyoq moqoman chayaruspankum chakatarqaku Jesusta, chakatarqakutaqmi mana allin ruraq iskaynin runakunatapas, huknintam chakatarqaku *f**alleq lawninpi, huknintañataqmi chakatarqaku *f**ichoq lawninpi.

Chuya Qellqa 1992

³³ Calaverawan sutichasqa sitioman chayaruspankum Jesusta chakatarurqaku, chay mana allinkuna ruwaq iskay runakunatapas, huknintam alleq lawninpi, huknintañataqmi ichoq lawninpi chakatarurqaku.

Lucas 23:33 Iomraidhean Croise

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Mateo 20:19

Diosta mana reqsiq runakunapa makinman qoykunqaku, chaynapi paymanta burlakuspa, azotespa cruzpi chakatanankupaq. Ichaqa kimsa punchawmanmi kawsarimunqa, nispa.

Mateo 26:2

Yachasqaykichikpi hinam iskay punchawmanta Pascua fiesta kanqa, hinaptinmi runapa Churin entregasqa kanqa chakatasqa kananpaq, nispa.

Lucas 24:7

“Runapa Churintaqa huchasapakunaman qoykuptinkum chakatasqa kanqa, ichaqa kimsa punchawmantam kawsarimunqa”, nisusqaykichikta, nispanku.

Juan 18:32

Chaynapim imaynam cruzpi wañu-nanmanta Jesuspa nisqan cumplikurqa.

Juan 3:14

Imaynam Moisespas maqta uruta broncemanta ruwaspa chunniqpi hoqarirqa, chaynam runapa Churinpas hoqarisqa kanqa.

Hechos 13:29

Paymanta Qellqapa tukuy nisqankuna cumplikuruptinmi, cruzmanta uraykachispa pamparurqaku.

Hechos 2:23

Diosqa ñawpaqmantaraq yachasqanman hinam hinaspa munasqanman hinam Jesusta qamkunapa makikichikman churaykurqa. Qamkunam payta presocharurqankichik, hinaspam mana allin runakunawan chakatachispa wañurachirqankichik.

Hechos 5:30

Qamkunam Jesusta chakataruspaykichik wañurachirqankichik, ichaqa ñawpaq taytaykichikkunapa Diosninmi kawsarirachimurqa.

Gálatas 3:13

Leypa ñakawasqanchikmantam Cristo librawarqanchik. Paymi ñoqanchikrayku ñakasqa karqa. Chuya Qellqapim kaynata nin: “Qerupi warkusqa wañuq runaqa ñakasqayá kachun”, nispa.

Deuteronomio 21:23

amam chaypiqa tukuy tutaqa cuerponta saqerunkichikchu, aswanqa chay punchawllam pamparunkichik. Sachapi warkusqa wañuq runaqa Diospa ñakasqanmi. Señornikichik Tayta Diospa qosusqaykichik allpataqa amam millakuypaqtaqa ruwankichikchu.

1~Pedro 2:24

Kikin Cristom chakatasqa kaspan cuerponpi tukuy huchanchikkunata aparqa, chaynapi huchapaq wañusqaña kaspa allintaña kawsananchikpaq. Cristopa heridasqa kasqanwanmi sanoyayta haypankichik.