Lucas 22:42 - CHUYA QELLQA La Biblia en Quechua de Ayacucho 2012

⁴² Taytáy, munaspaykiqa kay ñakariymantayá libraykuway, ichaqa amayá ñoqapa munasqaychu kachun, aswanqa qampa munasqaykiyá, nispa.

Quechua Ayacucho Bible 1987

⁴² Chaymi Jesus nirqa: —Taytáy, munaspaykiqa kay ñakariymantayá libraykuway ichaqa amayá ñoqapa munasqaychu kachun aswanqa qampa munasqaykiyá —nispa. [

Chuya Qellqa 1992

⁴² Taytáy, munaspaykiqa kay ñakariymantayá libraykuway, ichaqa amayá ñoqapa munasqaychu kachun, aswanqa qampa munasqaykiyá, nispa.

Lucas 22:42 Iomraidhean Croise

Isaías 51:17

¡Jerusalén llaqta rikchariy, rikcharispa hatariy! Qanmi Tayta Diospa makinmanta piñakuynin copata chaskirunki, sinkanaykikamam upyarunki, tukunaykikamam vasopi kaqta tomarunki.

Isaías 51:22

Dios Taytaykim, llaqtanmanta nanachikuq Diosnikim kaynata nin: Tankikachachisuqniki copatam makikimanta qechusqayki, machanaykipaq upyasqayki piñakuyniy vasotam qechusqayki, manañam piñakuyniy vasomantaqa upyankiñachu.

Jeremías 25:15

Israelpa yupaychasqan Tayta Diosmi kaynata niwarqa: Vinowan hina piñakuyniywan huntasqa vasota chaskiwaspaykiyá kachasqay nacionkunaman upyachimuy.

Mateo 11:25

Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Mateo 11:26

Arí, Taytalláy, chaynatam munarqanki.

Mateo 20:22

Jesusñataqmi nirqa: Manam imam mañakusqaykichik-tapas yachankichikchu. ¿Yaqachu ño-qapa ñakarisqayta hina ñakariwaqchik? nispa. Hinaptinmi paykunañataq nirqaku: Arí, atisaqkum, nispanku.

Mateo 26:39

Hinaspanmi waklawniqman pasaspan pampakama kumuykuspan kaynata mañakurqa: Taytalláy, atina kaptinqa ñoqamantayá qechuruy kay ñakariyta, ichaqa amayá ñoqapa munasqaychu ruwasqa kachun, aswanqa qampa munasqaykiyá, nispa.

Mateo 26:42

Huktawan kutispanmi kaynata mañakurqa: Taytalláy, sichum ñakarinay kaptinqa, qampa munasqaykiyá ruwasqa kachun, nispa.

Mateo 26:44

Chaymi paykunata saqeykuspan huktawan kutispan kay kimsa kaqpipas hina chaynallata mañakurqa.

Mateo 6:10

munaychakuyniki hamuchun, munasqayki ruwasqa kachun kay pachapi, imaynam hanaq pachapi hina.

Marcos 14:36

Mañakuspanmi nirqa: Taytalláy, qampaqqa tukuy imapas atinallaykim, kay ñakariymantayá libraykullaway, ichaqa amayá ñoqapa munasqaychu kachun aswanqa qampa munasqaykiyá, nispa.

Lucas 23:34

Jesusñataqmi nirqa: Taytáy, pampachaykuyá, manam ya-chankuchu imam ruwasqankuta, nispa. Llapa soldadokunañataqmi Jesuspa pachanta rakinakunankupaq sortearqaku.

Juan 18:11

Jesusñataqmi Pedrota nirqa: Espadaykita sitionman kutiykachiy. ¿Ñakarinaypaq Taytaypa qowasqantaqa manachu chaskiyman? nispa.

Juan 4:34

Jesusñataqmi nirqa: Ñoqapa mikunayqa pim kachamuwaqniypa munasqanta ruwaymi hinaspa llamkayninta tukuymi.

Juan 5:30

Manam imatapas kikillaymantaqa ruwaymanchu. Ñoqaqa Taytapa kamachiwasqanman hinam juzgani, juzganiqa mana pimanpas sayapakuspaymi, ñoqaqa manam kikiypa munasqaytachu ruwani, aswanqa kachamuwaqniy Taytaypa munasqantam.

Juan 6:38

Hanaq pachamantaqa hamurqani manam kikiy-pa munasqayta ruwanaypaqchu, aswanqa kachamuwaqniypa munasqanta ruwanaypaqmi.

Hechos 21:14

Mana imayna harkayta atispaykum, “Señorpa munasqanyá ruwasqa kachun” nispayku upallakurqanikuña.