Lucas 22:41 - CHUYA QELLQA La Biblia en Quechua de Ayacucho 2012

⁴¹ Hinaspam paykunamanta karuniqman asurispan chaypi qonqorakuykurqa, hinaspam Diosta kaynata mañakurqa:

Quechua Ayacucho Bible 1987

⁴¹ Hinaspam paykunapa tumpa waklawninman asuriruspan qonqorakuykuspan Diosta mañakurqa.

Chuya Qellqa 1992

⁴¹ Hinaspam paykunamanta karuniqman asurispan chaypi qonqorakuykurqa, hinaspam Diosta kaynata mañakurqa:

Lucas 22:41 Iomraidhean Croise

Mateo 26:39

Hinaspanmi waklawniqman pasaspan pampakama kumuykuspan kaynata mañakurqa: Taytalláy, atina kaptinqa ñoqamantayá qechuruy kay ñakariyta, ichaqa amayá ñoqapa munasqaychu ruwasqa kachun, aswanqa qampa munasqaykiyá, nispa.

Marcos 14:35

Chaymantam waklawniqman pasas-pan qonqorakuykuspan pampakama kumukuykurqa, hinaspam Diosta mañakurqa, sichu pay munaptinqa chay ñakarinan hora ama chayamunanpaq.

Lucas 18:11

Chay fariseom sayaykuspan kaynata mañakurqa: “Graciastam qoyki Diosnilláy. Ñoqaqa manam wakin runakuna hina suwachu, mana allin ruwaqchu, waqllikuqchu, nitaqmi kay impuesto cobraq runa hinachu kani.

Lucas 18:13

Impuesto cobraqñataqmi qepallapi sayaruspan cielotapas mana qawarispan qasqonta takakuspan nirqa: “Diosnilláy kuyapayariykullaway, huchasapam kallani”, nispa.

Hechos 20:36

Chaykunata Pablo rimaruspanmi qonqorakuykuspan paykunawan kuska Diosta mañakurqa.

Hechos 21:5

Chay qanchis punchaw pasaruptinmi lloqsirqaniku, hinaptinmi lliw iñiqkuna warmipas qaripas warmakunapas llaqtapa patankama qatiwarqaku aviawanankupaq, chaymi lamar qochapa patanpi qonqorakuykuspa Diosta mañakurqaniku.

Hechos 7:60

Hinaspanmi qonqorakuykuspan qaparirqa: Señorlláy, kay hucha ruwasqankutaqa amayá huchapaqpas hapiychu, nispa. Chaynata niruspanmi wañukurqa.

Hechos 9:40

Pedroñataqmi chaypi kaqkunata lloqsirachispan, qonqorakuspan Diosta mañakurqa, hinaspam chay wañusqa warmita qawarispan nirqa: Tabita, hatariy, nispa. Chaymi Tabita qawarikururqa, hinas-panmi Pedrota rikuruspan tiyarirurqa.

Hebreos 5:7

Cristoqa kay pachapi kawsaspanmi qaparispan hinaspa waqaspan ruegakuyllawanña wañuymanta libray atiqnin Diosta mañakurqa, chaymi Diosqa payman sonqo kasqanrayku uyariykurqa.