Lucas 22:33 - CHUYA QELLQA La Biblia en Quechua de Ayacucho 2012

³³ Pedroñataqmi nirqa: Señor, ñoqaqa chayllam kachkani qanwan kuska carcelman rinaypaq chaynataq qanwan kuska wañunaypaqpas, nispa.

Quechua Ayacucho Bible 1987

³³ Chaymi Pedroñataq nirqa: —Señor, ñoqaqa listom kachkani qanwan kuska carcelman rinaypaqpas chaynataq qanwan kuska wañunaypaqpas —nispa.

Chuya Qellqa 1992

³³ Pedroñataqmi nirqa: Señor, ñoqaqa chayllam kachkani qanwan kuska carcelman rinaypaq chaynataq qanwan kuska wañunaypaqpas, nispa.

Lucas 22:33 Iomraidhean Croise

Proverbios 28:26

Kikillanpi hapipakuq runaqa mana yachayniyuq runam, yachaywan kawsakuqmi ichaqa librasqa kanqa.

Jeremías 10:23

Dios Taytalláy, yachanim, runaqa manam kawsayninmantaqa dueñochu, runaqa manam yachakunchu imayna kanantapas.

Jeremías 17:9

Runapa sonqonqa, tukuy imamantapas aswan engañakuq hinaspa mana allinpa huntasqanmi. ¿Pitaq allinta reqsinman?

Mateo 20:22

Jesusñataqmi nirqa: Manam imam mañakusqaykichik-tapas yachankichikchu. ¿Yaqachu ño-qapa ñakarisqayta hina ñakariwaqchik? nispa. Hinaptinmi paykunañataq nirqaku: Arí, atisaqkum, nispanku.

Marcos 14:29

Pedroñataqmi nirqa: Llapallankuña saqesuptikipas ñoqaqa manam saqesqaykichu, nispa.

Marcos 14:31

Pedroñataqmi kutipakuspan nirqa: Qanwan kuskaña wañunay kaptinpas manapunim negasqaykichu, nispa. Chaynallatam llapallan discipulonkunapas nirqaku.

Lucas 22:34

Hinaptinmi Jesusñataq nirqa: Pedro, kunanpunim manaraqpas utulu waqamuchkaptin reqsiwasqaykita kimsa kutikama negawanki, nispa.

Lucas 22:57

Chaymi Pedroñataq negakuspan nirqa: ¡Yaw warmi, manam reqsinichu! nispa.

Juan 13:38

Jesusñataqmi nirqa: ¿Vidaykitachu ñoqapaq qonki? Cheqap-tapunim niki, manaraqpas utulu waqach-kaptinmi kimsa kutikama negawanki, nispa.

Hechos 21:13

Pabloñataqmi nirqa: ¿Imanasqataq waqaspaykichik llaki-chiwankichik? Manam watasqa kanallaypaqchu kachkani, ñoqaqa chayllam kachkani Señor Jesucristorayku Jeru-salenpi wañunaypaqpas, nispa.