Lucas 22:19 - CHUYA QELLQA La Biblia en Quechua de Ayacucho 2012

¹⁹ Chaymantam Tantata hapiykuspan Diosman graciasta qorqa, hinaspam parteykarispan nirqa: Kaymi cuerpoy qamkunarayku entregasqa. Kaytam qamkunapas ruwankichik ñoqata yuyariwanaykichikpaq, nispa.

Quechua Ayacucho Bible 1987

¹⁹ Tantatapas hapiykuspanmi graciasta qorqa hinaspam parteykarispan nirqa: —Kaymi cuerpoy qamkunarayku entregasqa. Chaynatam qamkunapas rurankichik ñoqata yuyariwaspa —nispa.

Chuya Qellqa 1992

¹⁹ Chaymantam Tantata hapiykuspan Diosman graciasta qorqa, hinaspam parteykarispan nirqa: Kaymi cuerpoy qamkunarayku entregasqa. Kaytam qamkunapas ruwankichik ñoqata yuyariwanaykichikpaq, nispa.

Lucas 22:19 Iomraidhean Croise

Cantares 1:4

¡Hakuchik, chaylla pusakuway! ¡Reynilláy, cuartoykiman pusakuway! Ñoqaykuqa sinchillatañam qanwan kusikusaqku, vinomantapas mastaqa kuyakuynikitam yuyarisaqku. Chayraykum sipaskuna anchata kuyasunki.

Ezequiel 37:11

Chaymantam Tayta Dios niwarqa: Runapa churin, kay tullukunaqa Israelpa llapallan mirayninkunam. Paykunam nichkanku: “Tullunchikkunaqa chakisqam kachkan, manañam ima ruwaytapas atichwanñachu, pasaypaq chinkasqam kachkanchik”, nispanku.

Ezequiel 5:5

Ñoqa Tayta Diosmi kaynata nini: Kaymi Jerusalén llaqta. Jerusalentaqa llaqtakunapa hinaspa nacionkunapa chawpinpim churarqani.

Daniel 2:38

Qosurqankitaqmi tukuy hinastinpi runakunatapas, animalkunatapas hinaspa alton pawaqkunatapas, chaykunapi munaychakunaykipaq. Reynilláy, chay sayaqpa qorimanta umanqa qanmi kanki.

Mateo 14:19

Runakunata pastopi tiyanankupaq kamachispanmi, pichqa tantakunatawan iskay challwakunata hapiykuspan hanaq pachata qawarispan Diosman graciasta qorqa, hinaspam tantata pakiykuspan discipulon-kunaman qoykuptin runakunaman aypurqaku.

Mateo 15:36

Hinaspam chay qanchis tantatawan as challwakunata hapiykuspa Dios-man graciasta qorqa, chaymantam partiruspan discipulonkunaman qoykup-tin runakunaman aypurqaku.

Lucas 22:17

Vinoyuq vasota hapiykuspanmi Diosman graciasta qoykuspan nirqa: Kay vasomantayá sapakama aypunakuychik.

Lucas 22:20

Cenayta tukuruspanmi vinoyuq vasota hapiykuspan nirqa: Kay vasom yawarniywan ruwasqa musoq pacto, chaymi qamkunarayku chaqchusqa kanqa.

Lucas 24:30

Mesaman tiyaykuptinkum, tan-tata hapiykuspan Diosman graciasta qorqa, hinaspanmi pakiykuspan qoykarirqa.

Juan 6:23

Chaymanmi Tiberias llaqtamanta barcakuna chayaramurqa, chaypim Jesús graciasta qospa tantata runakunaman mikuchirqa.

Juan 6:51

Ñoqam kani hanaq pachamanta hamuq kawsay qokuq tanta, pipas chay tantata mikuqqa wiñaypaqmi kawsanqa. Ñoqapa qosqay tantaqa aychaymi, chaytaqa llapa runakuna kawsananpaqmi qosaq.

1~Corintios 10:16

Señorpa cenanta tomaspa Diosman graciasta qospanchikqa ¿Manachu Cristopa yawarninman hukllawakuchkanchik? Tantata pakispanchikpas ¿Manachu Cristopa cuerponman hukllawakuchkanchik?

1~Corintios 10:4

Llapallankutaqmi huk rikchaq yakullata tomarqaku, chay yakuqa qaqamanta lloqsimuqmi karqa, chay qaqaqa paykunawan riq Cristom karqa.

Gálatas 1:4

Dios Taytanchikpa munasqanman hinam kikin Señorninchik Jesucristo ñoqanchikpa huchanchikmanta wañupuwarqanchik, chaynapi millay huchamanta librawananchikpaq.

Gálatas 4:25

Agartaqa rikchanachichwantaqmi Arabia lawpi Sinaí orqowanpas. Chay orqotañataqmi rikchanachichwan Jerusalén llaqtawan, chaypi yachaqkunaqa leypa esclavan kasqankuraykum mana librechu kachkanku.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

1~Tesalonicenses 5:18

Cristo Jesuspi kasqaykichikraykuyá tukuy imamanta Diosman graciasta qoychik, chaynatam Diosqa munan.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

1~Pedro 2:24

Kikin Cristom chakatasqa kaspan cuerponpi tukuy huchanchikkunata aparqa, chaynapi huchapaq wañusqaña kaspa allintaña kawsananchikpaq. Cristopa heridasqa kasqanwanmi sanoyayta haypankichik.