Lucas 21:34 - CHUYA QELLQA La Biblia en Quechua de Ayacucho 2012

³⁴ Allintayá cuidakuychik, amayá vicio-kunawan, machakuykunawan hinaspa kay pachapi imamantapas afanakuykunawan sonqoykichikta rumiyarachiychikchu, yanqañataq chay punchawqa qonqayta chayaramusunkichikman.

Quechua Ayacucho Bible 1987

³⁴ —Allintayá qawakuychik, yanqañataqmi viciokunapi, machakuykunapi hinaspa kay pachapi imapas kaqkunapi afanakuchkaqta qonqayllamanta chay punchawkuna tariramusunkichikman.

Chuya Qellqa 1992

³⁴ Allintayá cuidakuychik, amayá viciokunawan, machakuykunawan hinaspa kay pachapi imamantapas afanakuykunawan sonqoykichikta rumiyarachiychikchu, yanqañataq chay punchawqa qonqayta chayaramusunkichikman.

Lucas 21:34 Iomraidhean Croise

Génesis 19:32

Chaynaqa, taytanchikta vinowan sinkarachispayá paywan puñurusunchik chaynapi paypa miraynin mana qollunanpaq, nispa.

Génesis 19:35

Chay tutapas taytankuta sinkarachiptinkum sullka kaqñataq paywan puñururqa, taytanmi ichaqa mana musyakurqachu churin ustuykusqanta nitaq hatarisqantapas.

Génesis 27:14

Chaymi chivatochakunata Jacob aparamuspan mamanman qoykuptin qosanpa gustasqan mikuyta yanuramurqa.

Proverbios 21:4

Hatun tukuywan, yachayniyuqpaq hapikuruyqa, hinaspa mana allin ruwaypi kawsayqa hucham.

Proverbios 23:20

Machakuqkunawanqa ama hukllawakuychu, mikuysapakunawanqa ama kuskanchakuychu.

Eclesiastés 9:12

Runaqa manam yachanchu imay horam tukurunantapas. Imaynam challwakuna mallawan hapirachikun, imaynam urpikuna trampaman wichiykun, chaynam runapas qonqaymanta sasachakuyman wichin.

Isaías 28:7

Ichaqa paykunam vinota upyasqankurayku pantarunku, poqosqa aqata upyaspam tamsakachanku. Sacerdotewan profetapas poqosqa aqawan machaspam tampikachanku, paykunaqa visión rikusqankutam qewirunku, quejapi sentenciaspam pantarunku.

Oseas 4:11

Chuchumika warmikunawan kakuspa vinowan aqawan machakusqankuraykum mana yuyayniyuq rikurirunku.

Levítico 10:9

Ñoqaman asuykuna carpaman yaykuspaqa qampas otaq churikikunapas amam vinota nitaq poqosqa aqatapas upyankichikchu, yanqañataqmi wañuruwaqchik. Kay nisqayqa wiña-wiñaypaq kamachikuymi llapallan miraynikichikpaq kanqa.

Mateo 13:22

Kichka-kichka ukuman wichiykuq muhuñataqmi rikchakun, Diospa palabranta uyarichkaspan kay pachapi preocupacionkunawan hinaspa qori-qollqe kuyaywan engañarachikuq runaman. Tukuy kaykunam Diospa palabran uyarisqanta pamparuptin mana rurunñachu.

Marcos 13:9

Qamkunaqa kikikichikyá cuidakuychik, juezkunaman entregasqam kankichik, sinagogakunapim maqasqa kankichik. Ñoqaraykum kamachikuqkunapa chaynataq reykunapa qayllanman apasqa kankichik, chaynapim paykunamanpas ñoqamanta willakunkichik.

Marcos 4:19

ichaqa kay pachapi kaqkunamanta preocupakuykunam, qori-qollqella maskaykunam hinaspa tukuy ima munapayaykunam paymanta munaychakuruspan Diospa palabranta chinkarachin, chaynapi mana rurunankupaq.

Lucas 10:41

Chaymi Jesusñataq nirqa: Marta, Marta, tukuy imapa atipasqanmi muspaypi hinaña kachkanki.

Lucas 12:40

Qamkunapas chaynayá listolla kaychik, runapa Churinqa mana suyasqaykichik horatam kutiramunqa, nispa.

Lucas 17:3

Chaynaqa, cuidakuychikyá. Sichum runamasiki imapipas pantarusuptikiqa qaqchaykuyá. Huchanta reqsikuptinqa pampachaykuyá.

Lucas 21:35

Toqlla hinam kay pachapi llapallan runakunata qonqayllamanta hapiramunqa.

Lucas 21:8

Jesusñataqmi nirqa: Pipas pantachisunaykichikmantayá allinta cuidakuychik. Achkaqmi sutiypi hamunqaku: “Ñoqam kani Cristo, ñam tiempoqa chayaramunña”, nispan-ku. Ichaqa amam paykunataqa kasunkichikchu.

Lucas 8:14

Kichkakunaman wichiqñataqmi haykam uyariqkuna, paykunaqa allimantam kay pachapi afanakuykunawan, qori-qollqe maskaywan hinaspa aycha kusichiykunawan pamparachikunku, chaynapim mana rurunkuchu.

1~Corintios 5:11

Qellqamurqaykichikqa iñiqmi kani nichkaspa huchapakuqkunawan, qollqella kuyaqkunawan, ídolo yupaychaqkunawan, cuento qepikunawan, sinkakuqkunawan hinaspa suwakunawan mana hukllawanakunaykichikpaqmi. Chaykunawanqa amam kuskapas mikunaykichikchu.

1~Corintios 6:10

nitaq suwakunaqa, qollqella kuyaqkunaqa, sinkakuypi kaqkunaqa, cuento qepikunaqa nitaq engañakuqkunapas.

Gálatas 5:20

ídolo yupaychaykuna, layqanakuykuna, cheqninakuykuna, liryanakuykuna, envidiakuykuna, piñakuykuna, kikillanpaq imapas munaykuna, rakinakuy hatarichiykuna, pantaywan apachikuykuna,

Deuteronomio 29:19

Sichum pipas, kay pactopi kaq ñakaykunata uyarichkaspan sonqonpi kaynata alabakunman: “Rumi sonqo kaspay munasqayta ruwakuptiypas, tukuy imam allinpuni lloqsiwanqa”, nispa. Chayna runaqa llapallan runakunatam urmarachinqa.

Filipenses 4:6

Amayá imamantapas afanakuychikchu, aswanqa Diosta mañakuspayá payman lliwta willakuychik hinaspa graciasta qokuychik.

Hebreos 12:15

Cuidakuychikyá, yanqañataq Diospa kuyapayakuyninta mana haypawaqchikchu, chaynapi qatqe sachapa sapin hina wiñaspa achkaqta chaqwaspan lliwta qatqeyarachisunkichikman.

2~Pedro 3:10

Señorpa punchawninqa hamunqa, tutallan hamuchkaq suwa hinam, chay punchawmi cielokunapas qapariywan chinkanqa, haykam chaypi kaqkunapas kañasqam kanqa, kay pachapi kaqkunapas tukuy imantinmi rupanqa.

2~Pedro 3:14

Kuyasqay wawqe-panillaykuna, kaykunata suyachkaspaqa utqaymanyá huchaykichikmanta chuyanchakuychik, chaynapi Diospas mana huchayuqta hinaspa hawkayaypi kachkaqta tari-musunaykichikpaq.

Apocalipsis 3:3

Chaynaqa, yuyariyá yachachikuykuna uyarisqaykita, chayta kasukuspa Diosman kutirikuy. Mana rikchariptikiqa suwa hinam mana yachasqayki horallata hamurusqayki.

1~Samuel 25:36

Abigailmi wasinman kutispan qosan Nabalta tarirurqa rey hinaraq hatun convidota ruwaspa llumpay kusisqa hinaspa sinchi machasqa kachkaqta. Chayraykum paqarinnintinkama mana imatapas nirqachu.