Lucas 21:25 - CHUYA QELLQA La Biblia en Quechua de Ayacucho 2012

²⁵ Señalkunam kanqa intipi, killapi hinaspa chaskakunapi. Kay pachapi runakunapas, lamar qochapa hinaspa olakunapa qapariyninwanmi pantaypi hina kaspanku mancharisqallaña kanqaku.

Quechua Ayacucho Bible 1987

²⁵ —Señalkunam kanqa intipi, killapi hinaspa lucerokunapi. Kay pachapipas nacionnintin runakunam mana ima rurakuytapas atispanku mancharisqallaña kanqaku lamar qochapa hinaspa *f**olakunapa qapariyninwan.

Chuya Qellqa 1992

²⁵ Señalkunam kanqa intipi, killapi hinaspa chaskakunapi. Kay pachapi runakunapas, lamar qochapa hinaspa olakunapa qapariyninwanmi pantaypi hina kaspanku mancharisqallaña kanqaku.

Lucas 21:25 Iomraidhean Croise

Isaías 13:10

Chayraykum cielokunapi chaskakunapas manaña kanchanqachu, intipas qespiykamuspallam tutayarunqa, killapas tutayaruspam manaña kanchanqachu.

Isaías 17:12

Achka llaqtakunapa chaqwakuyninmi uyarikun, lamar qochapa qapariynin hinaraq. Achka runakunapa qapariyninmi uyarikun, nana-nanaq lloqllapa kunrururuynin hinaraq.

Isaías 24:23

Tukuy Atiyniyuq Tayta Dios, Sión moqopiwan Jerusalenpi munaychakuptinmi, killapas penqakunqaraq, intipas tutayanqaraq; Diospa kanchariynintam ancianonkuna rikunqaku.

Isaías 5:30

Chay punchaw chayaramuptinmi, chay nacionqa lamar qocha hinaraq Israelpa contranpi qaparinqa. Pipas Israel nacionta qawarispanqa tutayaypapas sasachakuypapas intuykusqantam qawarinqa.

Isaías 51:15

Ñoqa Tayta Diosmi lamar qochata kuyurichini, olankunatapas qaparichini. Ñoqaqa Tukuy Atiyniyuq Tayta Dioswan sutichasqam kani.

Jeremías 4:23

Kay pachata qawariptiymi manaña imayuq chaqwa kachkasqa; cielokunata qawariptiymi achkipas manaña kasqachu.

Daniel 12:1

Chay tiempopim, Israel llaqtaykita waqaychaq ángel Miguel hatarimunqa. Chay punchawkunaqa ñakariy tiempom kanqa nacionkunapa rikurisqanmantapas chayna ñakariyqa manam haykapipas karqachu; ichaqa chayna kachkaptinmi llaqtaykimanta kaqkuna salvasqa kanqaku, salvasqaqa kanqaku libropi qellqasqa kaqkunallam.

Miqueas 7:4

Paykunamanta allinpaq hapisqa runakunam kichka hina, allin kawsaqñataqmi anku kichka hina. Ñakarinayki punchawmi hamuchkan, castigasqa kanaykimanta profetakunapa rimarisqan punchawmi chayamuchkan, hinaptinmi muspaypi hina tarikunki.

Mateo 24:29

Chay ñakariy punchawkuna pasaruptillanmi inti tutayarunqa, killapas manam kanchanqañachu, chaskakunapas wichimunqam, cielokunapi tukuy ima kaqkunapas katkatatanqam.

Mateo 27:45

Chawpi punchawmanta kimsa hora tardeykuykamam kay pacha tutayarurqa.

Marcos 13:24

Chay punchawkunapi ñakariykuna pasaruptinmi, inti tutayarunqa, killapas manañam kanchanqañachu,

Marcos 13:26

Chaymi runapa Churinta puyupi tukuy atiyniywan hinaspa kanchariyniywan hamuchkaqta llapallan runakuna rikunqaku.

Marcos 15:33

Chawpi punchawmanta kimsa hora tardeykuykamam kay pacha tutayarurqa

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Lucas 21:26

Kay pachata imam pasananmanta yuyaymanaspankum runakunapas wañunayanqaku; cielopi atiyniyuqkunapas katkatatanqakum.

Hechos 2:19

Cielopim admirakuypaq kaqkunata ruwasaq, kay pachapim yawartawan ninata qawachisqaykichik, qawachisqaykichiktaqmi suyullaña hoqarikuq qosnitapas.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.