Lucas 21:21 - CHUYA QELLQA La Biblia en Quechua de Ayacucho 2012

²¹ Chaynaqa, Judeapi kaqkunayá orqokunaman ayqeychik, Jerusalén llaqtapi kaqkunapas chay llaqtamantayá lloqsiychik. Chakrapi kaqkunapas amañayá llaqtamanqa kutiykuychikñachu.

Quechua Ayacucho Bible 1987

²¹ Judea lawpi kaqkunaqa orqokunamanyá ayqechunku, Jerusalen llaqtapa chawpinpi kaqkunapas lloqsichunkuyá. Chakrapi kaqkunapas amañayá llaqtamanqa kutiykuchunkuchu.

Chuya Qellqa 1992

²¹ Chaynaqa, Judeapi kaqkunayá orqokunaman ayqeychik, Jerusalén llaqtapi kaqkunapas chay llaqtamantayá lloqsiychik. Chakrapi kaqkunapas amañayá llaqtamanqa kutiykuychikñachu.

Lucas 21:21 Iomraidhean Croise

Génesis 19:17

Hurqoramuspankum huknin ángel nirqa: Salvakuyta munaspaykiqa utqayman ayqey. Ichaqa amam qepaykita qawarikamunkichu amataqmi kay pampapiqa sayayllapas-sayaykunkichu, ama puchukarunaykipaq orqoman lluptiy, nispa.

Génesis 19:26

Lotpa warminñataqmi qepaman qawariruspa kachi rumiman tikrakururqa.

Proverbios 22:3

Allin tanteakuq runaqa sasachakuyta qawarispam suchurikun, mana yachayniyuq runam ichaqa sasachakuyman yaykuruspan ñakarin.

Jeremías 35:11

Ichaqa Babilonia nacionpa reynin Nabucodonosor kay nacionpa contranpi hamuruptinmi ninakurqaniku: Caldea tropakunamanta chaynataq Siria tropakunamanta lluptikunanchikpaq Jerusalén llaqtaman ayqekusun, nispayku. Chayraykum kay Jerusalén llaqtapi yachachkaniku, nispanku.

Jeremías 37:12

Jeremiasñataqmi Jerusalén llaqtamanta Benjamín lawman rirqa herencia allpata chaskimunanpaq.

Jeremías 6:1

¡Benjaminpa mirayninkuna, Jerusalén llaqtamanta lluptiychik! ¡Tecoa llaqtapi trompetata tocaychik! ¡Bet-haquerem llaqtapi señalta qosnichiychik! Norte lawmantam sasachakuy hamuchkan, hatun ñakariymi hichpamuchkan.

Números 16:26

Hinaspam chaypi runakunata nirqa: Kay mana allin ruwaq runakunapa carpanmanta asurikuychik, ama imankutapas hapiychikchu, yanqañataq paykunapa huchanmanta qamkunapas wañuruwaqchik, nispa.

Mateo 2:1

Judá nacionpi rey Herodes munaychakuchkaptinmi, Jesús nacerurqa Judea law Belén llaqtapi. Chay punchawkunapim yachayniyuq runakuna intipa qespimunan lawmanta Jerusalenman chayaramuspanku,

Mateo 24:16

Judea lawpi kaqkunayá orqokunaman ayqechunku.

Marcos 13:15

Wasipa hawanpi kaqpas amañayá wasinmanqa imapas hurqoqqa uraykuchunñachu.

Apocalipsis 18:4

Huktawanmi hanaq pachamanta uyarirqani kayna qayakuyta: Kuyasqay runallaykuna, chay llaqtamanta lloqsiychik, paykunapa huchallikuqmasin ama kanaykichikpaq, chaynapi ima ñakariyninkupas ama haypamusunaykichikpaq.